Ore i mexü̃ ga Luca ümatüxü̃ 3:5 - Tupanaarü Ore

⁵ Rü guxü̃ma i ngẽma ngatexü̃gü rü tá nanagütagü, rü guxü̃ma ya yima ma̱xpǘnegü rü ngüchitaerugü rü tá nayadoxochigüxẽxẽ. Rü ngẽma nama i wü̃xü̃ rü tá nayanawẽ̱xãchixẽxẽ, rü ngẽma ínaxãxmaagüxü̃wa rü tá nanagütagü.

Ore i mexü̃ ga Luca ümatüxü̃ 3:5 Iomraidhean Croise

Ichaía 42:16

Rü ngẽma ngexetügüxü̃ rü tá chanagagü nawa i namagü i taguma nüxü̃ nacua̱xgüxü̃ rü taguma nagu naxĩxü̃. Rü ngẽma waanexü̃ i nawa namaxẽ rü tá ngóonexü̃xü̃ chayaxĩxẽxẽ. Rü ngẽma naane i chixri i weanexü̃ rü tá mea ichanawe̱xãchianexẽxẽ. Rü guxü̃ma i ngẽma rü tá chanaxü erü tama nüxna chixũgachi i chorü duü̃xü̃gü i Iraétanüxü̃.

Ichaía 45:2

Rü nüma ga Tupana rü Chíruxü̃ ñanagürü: —Choma rü tá cupe̱xegu chixũ, rü yima ma̱xpǘnegü rü tá chanadoxõchixẽxẽgü. Rü ngẽma ĩã̱xgü i bróũchenaxca̱x rü tá nagu chapogü. Rü ngẽma norü fierumena̱xãgü rü íxraxü̃gu tá ichanapóü̃gü.

Ichaía 49:11

Rü ma̱xpǘneanegu tá chayadaxẽxẽ i wüxi i nama rü tá ichayanawéanexẽxẽ i ngẽma namagü nax ngẽmagu pexĩxü̃ca̱x —ñanagürü ga Tupana.

Echequié 17:24

Rü guxü̃ma i ngẽma naigü i naanewa rüxügüxü̃ rü tá nüxü̃ nacua̱xgü nax choma chixĩxü̃ ya Cori ya Tupana. Choma rü chayadaxüchi i ngẽma nai i nügü írütaxü̃, rü chanayaxẽxẽ i ngẽma nai i nügü írüxíxraxü̃. Choma rü chanagüatüxẽxẽ i ngẽma nai i nügü írümetanüxü̃, rü wena chanaxüatüxẽxẽ i ngẽma nai i igüatüxü̃. Rü choma ya Cori ya Tupana nixĩ i pemaxã nüxü̃ chixuxü̃ rü ñu̱xũchi chayanguxẽẽxü̃ i ngẽma” —ñanagürü ga Cori ya Tupana.

Popera ga Chantiágu ümatüxü̃ 1:9

Rü yíxema yaxṍxe ya tama muarü diẽruã́xẽ, rü name nixĩ i tataãxẽ erü Tupana rü tümamaxã nataãxẽ.