Ore i mexü̃ ga Luca ümatüxü̃ 1:3 - Tupanaarü Ore

^3-4 Rü ngẽmaca̱x, Pa Teóquirux, rü choma rü ta meama naxca̱x íchaca nachiga ga guxü̃ma ga yema Ngechuchu üxü̃ ga yexguma noxritama inaxügüãgu ga norü puracü. Rü ñu̱xma rü cha̱u̱xca̱x name nax meama cuxca̱x chanaxümatüxü̃ i ngẽmachiga nax meama nüxü̃ cucuáxü̃ca̱x nax aixcüma yixĩxü̃ ga yema ore ga marü cuxü̃ nangu̱xẽẽgüxü̃.

Ore i mexü̃ ga Luca ümatüxü̃ 1:3 Iomraidhean Croise

Wiyaegü 40:5

Pa Cori Pa Chorü Tupanax, namuxũchima nixĩ ga yema mexü̃gü ga curü poramaxã cuxüxü̃. Rü namuxũchi ga yema mexü̃gü ga toxca̱x cuxüxü̃. Rü yema nax namuxũchixü̃, rü ngẽmaca̱x taxucürüwama nüxü̃ chixu i guxü̃ma ga yema mexü̃gü ga toxca̱x cuxüxü̃.

Wiyaegü 50:21

Rü woo guxü̃ma i ngẽma chixexü̃ cuxüxgu, rü choma rü ngéma changea̱xmare. Rü cuma nagu curüxĩnügu nax curüxü̃ chixĩxü̃ rü chi nüxü̃ icharüngüma i ngẽma cuxüxü̃. Natürü i ñu̱xma rü tá cupe̱xewa chanangõxẽxẽ i ngẽma chixexü̃ i cuxüxü̃ rü tá naxca̱x cuxna chaca.

Ngu̱xẽẽtaeruü̃arü ore 12:9

Rü yexguma yexera cua̱x nüxü̃́ yexmagu ga gumá orearü uruxü̃ rü yexera ga cua̱x duü̃xü̃güna naxã. Rü poraãcü nagu narüxĩnü rü nanangugü rü mea inananu ga muxü̃ma ga dexagü ga cua̱x nawa yexmagüxü̃.

Ore i mexü̃ ga Luca ümatüxü̃ 1:1

Pa Mecü Pa Teóquirux, nayexma ga ta̱xacü ga totanüwa ngupetüxü̃. Rü muxü̃ma ga duü̃xü̃gü rü marü nanaxümatügü nachiga ga yema totanüwa ngupetüxü̃ yexgumarüxü̃ ga tomaxã nüxü̃ nax yaxugüexü̃ ga yema duü̃xü̃gü ga Ngechuchuxü̃ daugüxü̃ ga yexguma noxritama inaxügüãgu ga norü puracü. Rü yema duü̃xü̃güxü̃ nixĩ ga namuxü̃ nax nüxü̃ yaxugüexü̃ca̱x ga norü ore.

Ngechuchuarü ngúexü̃gü ga yamugüxü̃arü puracüchiga 1:1

Pa Mecü Pa Teóquirux, nüxíra chaxümatüxü̃ ga poperawa chanaxümatü nachiga ga guxü̃ma ga Ngechuchu üxü̃ rü duü̃xü̃güxü̃ namaxã nangúexẽẽxü̃ ga noxritama inaxügüãgu ga norü puracü ñu̱xmata yema ngunexü̃ ga Tupana daxũguxü̃ ga naanewa nagaxgu. Rü naxü̃pa nax daxũguxü̃ ga naanewa naxũxü̃ ga Ngechuchu rü Tupanaãxẽ i Üünexü̃arü ngü̃xẽẽmaxã nayaxugücu̱xẽ ga yema norü ngúexü̃gü ga yadexechixü̃ rü yamugüchaü̃xü̃. Rü namaxã nüxü̃ nixu ga ta̱xacü tá nax naxüexü̃.

Ngechuchuarü ngúexü̃gü ga yamugüxü̃arü puracüchiga 11:4

Rü Pedru meama namaxã nüxü̃ nixu ga guxü̃ma ga yema ngupetüxü̃, rü ñanagürü nüxü̃:

Ngechuchuarü ngúexü̃gü ga yamugüxü̃arü puracüchiga 15:19

Rü ñanagürü ga Chantiágu: —Rü ngẽmaca̱x, Pa Chauenexẽgüx, rü cha̱u̱xca̱x rü tama name nax ngẽma nacümagü i guxchaxü̃maxã nüxü̃ ichixewexü̃ i ngẽma duü̃xü̃gü i tama Yudíugü ixĩgüxü̃ i nüxü̃ rüxoexü̃ i nũxcümaü̃xü̃ i nacümagü nax Tupanawe naxĩxü̃ca̱x.

Ngechuchuarü ngúexü̃gü ga yamugüxü̃arü puracüchiga 15:25

Rü yemaca̱x guxãma ga toma rü wüxigu nagu tarüxĩnüe nax totanüwa nüxü̃ taxunetaxü̃ ga taxre ga taenexẽgü nax pexca̱x ngéma tanamugüxü̃ca̱x namaxã i taenexẽgü i nüxü̃ ingechaü̃güxü̃ i Bernabé rü Pauru.

Ngechuchuarü ngúexü̃gü ga yamugüxü̃arü puracüchiga 15:28

Erü Tupanaãxẽ i Üünexü̃ca̱x name, rü toxca̱x rü ta name nax ñaa ãgümücü i mugüxicatama peyanguxẽẽxü̃: – Tama name nax penangṍxü̃ i naxü̃nagümachi i tupananetachicüna̱xãgüca̱x daixü̃. – Rü tama name nax penangṍxü̃ i namachi i ngẽma naxü̃nagü i wẽxnaxãxü̃. – Rü tama name nax penangṍxü̃ ya nagü. – Rü tama name nax nai i ngexü̃maxã rüe̱xna nai ya yatümaxã ipepexü̃. Rü mexü̃ tá pexügü ega penaxauregu i ngẽma mugü. Rü nuama pexna”, ñanagürü ga yema ore ga naxümatügüxü̃.

Ngechuchuarü ngúexü̃gü ga yamugüxü̃arü puracüchiga 18:23

Rü yexguma marü ñuxre ga ngunexü̃ yéma Antioquíawa nayexmagu, rü wenaxarü inaxũãchi ga Pauru nax wüxichigü ga ĩane ga Gárataanewa rü Fríquiaanewa yexmagünewa íyadauxü̃ca̱x rü yataãẽxẽẽgüaxü̃ca̱x ga guxü̃ma ga yema yaxõgüxü̃ ga guma ĩanegüwa yexmagüxü̃.

Ngechuchuarü ngúexü̃gü ga yamugüxü̃arü puracüchiga 23:26

“Choma i Cláudiu Líchiu, rü cuxü̃ charümoxẽ Pa Ãẽ̱xgacü ya Mecüxüchi Pa Férix.

Ngechuchuarü ngúexü̃gü ga yamugüxü̃arü puracüchiga 24:3

Rü moxẽ cuxna taxã erü guxü̃wama guxü̃guma cuxü̃tawa tanayauxgü i guxü̃ma i ngẽma mexü̃gü, Pa Mecü ya Ãẽ̱xgacü, Pa Férix.

Ngechuchuarü ngúexü̃gü ga yamugüxü̃arü puracüchiga 26:25

Natürü ga Pauru rü nanangãxü̃, rü ñanagürü: —Tama changẽãxẽ Pa Ãẽ̱xgacüx, Pa Féstux. Erü ñaa ore i nüxü̃ chixuxü̃, rü aixcümaxü̃chi nixĩ.

1 Corintios 16:12

Rü ngẽma taenexẽ i Apóru rü poraãcü nüxü̃ chaca̱a̱xü̃ nax petanüwa íyadauxü̃ca̱x namaxã i ngẽma togü i taenexẽgü. Natürü tama ngéma naxũxchaü̃ i ñu̱xmax. Natürü ngẽxguma naxãchicagu rü tá ngéma naxũ.

1 Corintios 7:40

Natürü cha̱u̱xca̱x rü yexeraãcü chi itaãxẽ i ngẽxguma chi taxũchima wena naxãtegu. Rü ngẽma ĩnü rü choxrütama nixĩ, natürü nagu charüxĩnü rü Tupanaãxẽ i Üünexü̃arü ĩnü ta nixĩ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:6

Rü ngẽxguma ngẽma cumaxã nüxü̃ chixuxü̃ i oremaxã cunangúexẽẽgu i taenexẽ i yaxõgüxü̃, rü Ngechuchu ya Cristuarü mugüruxü̃ ya mecü tá quixĩ. Rü ngẽxguma nawa cungúechagu i ngẽma ore i marü quixõxü̃, rü ngẽxguma nagu quixũẽchagu i ngẽma mexü̃ i ngu̱xẽẽtae i marü nagu quixũxü̃, rü ngẽxguma tá nixĩ i wüxi ya mecü ya Ngechuchu ya Cristuarü mugüruxü̃ quixĩxü̃.