Lebítanüxü̃arü puracüchiga 9:9 - Tupanaarü Ore

⁹ Rü nüma ga nanegü rü nanayauxgü ga nagü rü Aróü̃na nanaxãgü. Rü nüma ga Aróü̃ rü nawa naxueme̱xẽ ga gumá nagü. Rü ãmarearü guruü̃pe̱xechatacu̱xregü namaxã nichagü. Rü gumá nagü ga íyaxücü rü ãmarearü guruxü̃ namaxã ínabaegu.

Lebítanüxü̃arü puracüchiga 9:9 Iomraidhean Croise

Echequié 43:15

Rü yema ãmarearü guruü̃arü chauxnagü ga dauxnawa üxü̃ ga naxü̃na nawa ínagugüxü̃ rü 2 metru nixĩ ga norü máxchane. Rü nüxü̃́ nayexma ga ãgümücü ga norü cuípe̱xegü ga dauxü̃wa nadagüxü̃.

Echequié 43:20

Rü ngẽmawena rü íxracü ya nagü tá cuyaxu rü yimá nagümaxã tá cunamaxcu i ngẽma guruü̃arü cuípe̱xegü. Rü ngẽxgumarüxü̃ ta tá yimamaxã cunamaxcu i ngẽma ngãxü̃wa üxü̃ i naxü̃nearü poxõchigü rü guxü̃ma i ngẽma nabera i nüxü̃ íxümaeguãchixü̃. Rü ngẽmaãcü tá cunaxüünexẽxẽ i ngẽma ãmarearü guruxü̃.

Lebítanüxü̃arü puracüchiga 4:25

Rü nagü i ngẽma naxü̃na i pecaduarü ütanüca̱x yamáxü̃ rü nüma i chacherdóte rü íxracü ya nagüwa tá naxue. Rü ñu̱xũchi yimá nagümaxã tá nayachagü i nachaxta̱xcuregü i ngẽma ãmarearü guruxü̃. Rü yimá nagü ya íyaxücü rü tá ãmarearü guruxü̃ namaxã ínabaegu.

Lebítanüxü̃arü puracüchiga 4:30

Rü ngẽxguma i ngẽma chacherdóte rü íxracü ya nagüwa tá naxue. Rü ñu̱xũchi yimá nagümaxã tá nayachagü i nachaxta̱xcuregü i ngẽma ãmarearü guruxü̃. Rü yimá nagü ya íyaxücü rü tá ãmarearü guruxü̃ namaxã ínabaegu.

Lebítanüxü̃arü puracüchiga 8:15

Rü yexguma nüma ga Moiché rü nayawíyenaxã ga yema naxü̃na. Rü ñu̱xũchi nagügu narüxu, rü gumá nagümaxã nayachagü ga nachaxta̱xcuregü ga yema ãmarearü guruxü̃ nax Tupanape̱xewa nangearü ãũãchiã́xü̃ca̱x. Rü gumá nagü ga íyaxücü rü yema ãmarearü guruxü̃ namaxã ínabaegu. Rü yemaacü Tupanaarü puracüca̱x nüxü̃ naxuneta ga yema ãmarearü guruxü̃ nax yéma Tupana nüxü̃́ nüxü̃ rüngü̃maxü̃ca̱x ga duü̃xü̃güarü pecadugü.

Lebítanüxü̃arü puracüchiga 9:10

Rü ñu̱xũchi nüma ga Aróü̃ rü yema Cori ya Tupana Moichémaxã nüxü̃ ixuxü̃rüxü̃ nanaxü. Rü ãmarearü guruü̃wa ínanagu ga yema naxü̃na ga pecaduarü ütanüca̱x yamáxü̃arü chíxü̃, rü norü ñuxmigü rü ñu̱xũchi yema chíxü̃ ga nacawa nadexü̃.

Lebítanüxü̃arü puracüchiga 9:12

Rü nüma ga Aróü̃ rü yexgumarüxü̃ ta nayawíyenaxã ga yema naxü̃na ga Tupanaca̱x yaguxü̃. Rü nüma ga nanegü rü nanayauxgü ga gumá nagü rü nanatü ga Aróü̃na nanaxãgü. Rü nüma ga Aróü̃ rü gumá nagümaxã yema ãmarearü guruü̃cüwagü namaxã ínabaegu.

Lebítanüxü̃arü puracüchiga 9:18

Rü nüma ga Aróü̃ rü yexgumarüxü̃ ta nayawíyenaxãgü ga yema woca ga yatüxü̃ rü yema carnéru ga yatüxü̃ ga Iraétanüxü̃ Cori ya Tupanana naxãgüxü̃ nax yemamaxã nangüxmüxẽẽgüãxü̃ca̱x. Rü Aróü̃ nanegü nanayauxgü ga gumá nagü rü Aróü̃na nanaxãgü. Rü nüma ga Aróü̃ rü yema ãmarearü guruxü̃ namaxã ínabaegu.

Popera ga Yudíugü ga yaxõgüxü̃ca̱x ümatüxü̃ 2:10

Rü nümatama ga Tupana nixĩ ga naxüaxü̃ ga guxü̃ma i ñu̱xma ngẽxmaxü̃ rü naxme̱xwa nangẽxma i guxü̃ma nax nüma nanaxwa̱xexü̃ãcüma namaxã inacuáxü̃ca̱x. Rü nüma ga Tupana rü nanaxwa̱xe nax guxü̃ma i naxacügü nüxü̃́ nangẽxmaxü̃ca̱x i nachica i mexü̃ i naxü̃tawa. Rü yemaca̱x ñoma ga naanewa nanamu ga Ngechuchu ya Cristu nax ngúxü̃ yangexü̃ca̱x rü duü̃xü̃güca̱x nayuxü̃ca̱x nax nüxü̃́ nangẽxmaxü̃ca̱x i maxü̃ i taguma gúxü̃.