Lebítanüxü̃arü puracüchiga 8:4 - Tupanaarü Ore

⁴ Rü nüma ga Moiché rü nanaxü ga yema Cori ya Tupana namaxã nüxü̃ ixuxü̃. Rü nümagü ga duü̃xü̃gü rü guma Tupanapataa̱xtüarü ücuchicagu nangutaque̱xegü.

Lebítanüxü̃arü puracüchiga 8:4 Iomraidhean Croise

Ínachoxü̃xü̃chiga 39:1

Rü yema naxchiru ga Tupanapataarü puracütanüxü̃ca̱x nangaixgüxü̃ rü carnéruta̱xa ga waxracharaxü̃wa rü yáuxcharaxü̃wa rü dauxcharaxü̃wa nixĩ ga nanga̱i̱xgüaxü̃. Rü nanaxügü ta ga yema naxchiru ga Aróü̃ca̱xicatama ixĩxü̃, yema Cori ya Tupana Moichémaxã nüxü̃ ixuxü̃ãcüma.

Ínachoxü̃xü̃chiga 39:21

Rü wüxi ga tünüta ga yáuxranütane ga carnéruta̱xanaxca̱xmaxã nügüwa nayana̱i̱xgü ga yema naxmachinügü ga türemüxü̃wa yexmaxü̃ namaxã ga yema naxmachinügü ga efóxwa yexmaxü̃ nax tama efóxna yachü̱xüxãchixü̃ca̱x ga yema türemüxü̃. Rü yemaacü nixĩ ga Cori ya Tupana Moichémaxã nüxü̃ yaxuxü̃.

Ínachoxü̃xü̃chiga 39:29

Rü yema norü goyexü̃ rü línuchinaxca̱x nixĩ. Rü tü ga waxranütanemaxã rü yauxnütanemaxã, rü daunütanemaxã nananga̱xãẽ, yema Cori ya Tupana Moichémaxã nüxü̃ ixuxü̃ãcüma.

Ínachoxü̃xü̃chiga 39:5

Rü yema efóxarü tairuxü̃ ga goyexü̃, rü naxpü ga waxracharaxü̃wa rü yáuxcharaxü̃wa rü dauxcharaxü̃wa rü naxpü ga línuchinaxca̱xwa nixĩ ga naxüxü̃. Rü úirumaxã nananga̱xãxẽ yema Cori ya Tupana Moichémaxã nüxü̃ ixuxü̃ãcüma.

Ínachoxü̃xü̃chiga 39:7

Rü ñu̱xũchi nüma ga Becharé rü yema efóxtü̱xüwa nananucu ga guma nutagü nax yemawa duü̃xü̃gü nüxna cua̱xãchiexü̃ca̱x ga yema 12 ga Iraé nanegü, yema Cori ya Tupana Moichémaxã nüxü̃ ixuãcüma.

Lebítanüxü̃arü puracüchiga 8:13

Rü yemawena ga Moiché rü Aróü̃ nanegüca̱x nangema nax naxü̃tawa naxĩxü̃ca̱x. Rü nanacu̱xcu ga mámüxü̃ ga naxchiru rü mea nayachotagü ga norü goyexü̃ rü nananga̱xcupate̱xe. Rü yemaacü nayanguxẽxẽ ga yema Cori ya Tupana namaxã nüxü̃ ixuxü̃.

Lebítanüxü̃arü puracüchiga 8:17

Natürü yema naxcha̱xmüxü̃ rü namachi rü naü̃ ga yema wocaxacü rü duü̃xü̃gü ínapegüxü̃arü ĩxpemawa ínanagu yema Cori ya Tupana namaxã nüxü̃ ixuxü̃rüxü̃.

Lebítanüxü̃arü puracüchiga 8:29

Rü yemawena ga Moiché rü nanayaxu ga yema namachiremü ga nüxna üxü̃, rü Cori ya Tupanape̱xewa nayachü̱xüxãcüüxẽxẽ yema Cori ya Tupana namaxã nüxü̃ ixuxü̃rüxü̃.

Lebítanüxü̃arü puracüchiga 8:3

¡Rü ñu̱xũchi chopataã̱xtüarü ücuchicagu nangutaque̱xexẽxẽ i guxü̃ma i duü̃xü̃gü! —ñanagürü ga Tupana.

Lebítanüxü̃arü puracüchiga 8:35

Rü ngẽmaca̱x i pema rü 7 i ngunexü̃ rü 7 i chütaxü̃ tá nixĩ i Tupanapataarü ĩã̱xü̃tawa pengẽxmagüxü̃. ¡Rü naga pexĩnüe i Cori ya Tupanaarü mu nax tama peyuexü̃ca̱x! Erü ngẽma nixĩ i Cori ya Tupanaarü mu i choxna naxãxü̃” —ñanagürü ga Moiché.

Lebítanüxü̃arü puracüchiga 8:5

Rü nüma ga Moiché rü ñanagürü duü̃xü̃güxü̃: —Ngẽma ñu̱xma tá ixüxü̃ nixĩ i ngẽma Tupana tüxü̃ muxü̃ nax naxüxü̃ca̱x —ñanagürü.

Lebítanüxü̃arü puracüchiga 8:9

Rü ñu̱xũchi nayangaxcuchipate̱xe. Rü yema napate̱xecatüwa nayaxǘcuchi ga wüxi ga úirutachinü ga nawa nüxü̃ nacua̱xgüxü̃ nax chacherdótegüarü ãẽ̱xgacü yixĩxü̃, yerü yemaacü nixĩ ga Cori ya Tupana ga Moichémaxã nüxü̃ yaxuxü̃.

Ore i mexü̃ ga Matéu ümatüxü̃ 28:20

¡Rü penangúexẽxẽ nax naga naxĩnüexü̃ca̱x i guxü̃ma i ngẽma pexü̃ chamuxü̃! Rü dücax, guxü̃gutáma pexü̃tawa changexmaecha ñu̱xmatáta nagú i naane —ñanagürü ga Ngechuchu.

1 Corintios 11:23

Rü ngẽma ngu̱xẽẽtae i pemaxã nüxü̃ chixuxü̃ rü tórü Corixü̃tawatama chanayaxu. Rü yexguma tórü Cori ga Ngechuchuxü̃ ínaxuaxü̃gu, rü yematama chütaxü̃gu rü nüma rü nanayaxu ga wüxi ga paũ.

1 Corintios 15:3

Rü yexguma noxri petanüwa changuxgu, rü yema nüxíra pexü̃ changu̱xẽẽxü̃ nixĩ ga yema ngu̱xẽẽtae ga choxü̃ namaxã nangu̱xẽẽgüxü̃ nax Cristu rü tórü pecaduca̱x nayuxü̃, ngẽma Tupanaarü ore i ümatüxü̃wa nüxü̃ yaxuxü̃rüxü̃.

Wenaxarü naxümatü ga Tupanaarü mugü 12:32

Natürü i pema rü penaxwa̱xe nax guxü̃guma nagu pexĩxü̃ i guxü̃ma i ngẽma mugü i pemaxã nüxü̃ chixuxü̃. Rü taxũtáma ta̱xacürü to i mugü pixücuchi rüe̱xna ípenaxüxüchi nawa i ngẽma pemaxã nüxü̃ chixuxü̃.