Lebítanüxü̃arü puracüchiga 6:3 - Tupanaarü Ore

³ Rü ngẽxgumarüxü̃ ta ega texé wüxi i togüarü ngẽmaxü̃ iyarütaxuxü̃ itayangauxgux rü ñu̱xũchi tama nüxü̃ tixuxgu nax nüxü̃ itayangauxü̃, rü chixexü̃ taxü. Rü ngẽxgumarüxü̃ ta ega natüca̱xma tümamücümaxã itaxügagu natürü tama tayangu̱xẽẽgu i ngẽma nüxü̃ tixuxü̃, rü chixexü̃ taxü.

Lebítanüxü̃arü puracüchiga 6:3 Iomraidhean Croise

Ínachoxü̃xü̃chiga 23:4

Ngẽxguma nüxü̃ icuyangauxgu i curü uanüarü woca rüe̱xna norü búru i yarütaxuxü̃, rü name nixĩ i nüxü̃́ cunatáeguxẽxẽ.

Ínachoxü̃xü̃chiga 28:42

¡Rü ngẽxgumarüxü̃ ta Aróü̃ca̱x rü nanegüca̱x naxü i natüü̃chiruparagü i imáxü̃ i naxü̃́taparagu yacua̱xgüxü̃! Rü línuarü tünaxca̱x tá nixĩ.

Ucu̱xẽgüchiga 24:28

¡Taxṹ i ta̱xacürü chixexü̃ cumücüchiga quixuxü̃, rü taxṹ i dora nachiga quidexaxü̃!

Ucu̱xẽgüchiga 30:9

Erü ngẽxguma chi chamuarü diẽruã̱xgu rü íyaxüxgu, rü ngürüãchi ngẽmagagu cuxü̃ icharüngüma. Rü ngẽxguma chi changearü diẽruã̱xgu, rü chi changĩ̱x, rü ngẽmagagu chi chixri cuchiga nidexagü i duü̃xü̃gü.

Yeremía 5:2

Rü nangẽxmagü i duü̃xü̃gü i chauégagu ixunetagüxü̃, natürü tama nayanguxẽẽgü i norü unetagü —ñanagürü ya Cori ya Tupana.

Yeremía 7:9

Erü pengĩ́e, rü pemáetagü, rü nai i ngexü̃maxã pemaxẽ, rü natüca̱xma chauégagu ipexuneta rü pidorae, rü Baáca̱x pumarate̱xe pigugü, rü naxca̱x pengutaque̱xegü i togü i nachixü̃anegüarü tupananetagü ga tama nüxü̃ pecuáxü̃ ga ü̃pa.

Echequié 44:19

Rü ngẽma chacherdótegü rü naxü̃pa nax ngẽma ĩã̱xtü i düxétüwa ngẽxmaxü̃wa naxĩxü̃ i duü̃xü̃gü íngẽxmagüxü̃wa, rü name nax ínacuxü̃xü̃ i ngẽma naxchiru i namaxã Tupanaarü puracü naxügüxü̃. Rü Tupanapataarü ucapugügu tá nananucu i ngẽma naxchiru, rü to i naxchirugu tá nicu̱xgü nax ngẽmaãcü tama duü̃xü̃güna nanguxü̃ca̱x i ngẽma naxchiruarü üüne.

Lebítanüxü̃arü puracüchiga 1:16

Rü tá nanayaxu i norü tüe wüxigu namaxã i naü̃, rü ãmarearü guruü̃arü éstewaama tá nanata̱x i tanimaca ínagüxü̃wa.

Lebítanüxü̃arü puracüchiga 16:4

Rü nüma ya Aróü̃ rü naxü̃pa nax nagu yacúxü̃ i ngẽma chacherdótechiru rü tá naxaiyaxíra. Rü ngẽmawena rü tá nicuxcuchi i ngẽma natüü̃chiru i línuchinaxca̱x rü nagu tá nicu̱x i naxchiru i máxpaxü̃ i línuchinaxca̱x i woetama ngẽmaca̱x ixĩxü̃. Rü tá nügü nigoye rü nayanga̱xcuchi i napate̱xe i línuchinaxca̱x. Erü ngẽma nixĩ i naxchirugü i woetama ngẽmaruxü̃ ixĩgüxü̃.

Lebítanüxü̃arü puracüchiga 19:12

¡Rü taxũtáma chauégagu natüca̱xma texémaxã icuxuneta! Erü ngẽxguma ngẽmaãcü cunaxü̱xgu rü cunachixexẽxẽ i naéga ya curü Tupana. Rü choma nixĩ ya Iraétanüxü̃arü Cori ya Tupana.

Chacaría 5:4

Rü ngẽma poxcu rü tá ngẽma ngĩta̱xagüxü̃patawa nangu rü ngẽma Tupanaégagu idorata̱xagüxü̃patawa nangu. Rü ngéma poxcu rü napatawa tá nangẽxma ñu̱xmatáta yanaxo ya yima napataarü omütagü rü nutagü. Rü Tupana ya Guxãétüwa Ngẽxmacü nixĩ i naxueguxü̃ i ngẽma —ñanagürü.

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.