Lebítanüxü̃arü puracüchiga 5:3 - Tupanaarü Ore

³ Rü ngẽxguma chi wüxi ya duü̃xẽ rü tümaechita nüxü̃ tingõgücüraxü̃gu i ta̱xacü i ãũãchixü̃ i duü̃xẽwa ixũxũxü̃, rü woo ngexü̃rüüxü̃mare yixĩxgu rü woo tama ngẽxgumatama nüxü̃ tacua̱xgu nax pecadu taxüxü̃, natürü ngẽxguma yixcüra nüxü̃ ticua̱xãchigu nax chixexü̃ taxüxü̃ rü tümagagutama tá nixĩ.

Lebítanüxü̃arü puracüchiga 5:3 Iomraidhean Croise

Echequié 44:27

Rü ngẽxguma wenaxarü chopataarü aixepewa ngẽxmaxü̃ i naã̱xtügu nachocuxgu nax chorü puracü naxügüxü̃ca̱x, rü pecaduarü ütanüca̱x tá wüxi i naxü̃na nima̱xgü rü nayagu. Rü ngẽma nixĩ i nüxü̃ chixuxü̃ i choma ya Cori ya Tupana.

Lebítanüxü̃arü puracüchiga 13:3

Rü nüma i ngẽma chacherdóte rü tá mea nanangugü i ngẽma o̱xri i tümaxü̃newa rügoxü̃. Rü ngẽxguma yacómüãchitanügu ya yima tümata̱xaxü̃negü i ngẽma ítarüxóxü̃wa rü ñu̱xũchi ngẽma o̱xri rü poraãcü ínape̱xgu i tümacha̱xmüxü̃wa, rü ngẽmawa tá nüxü̃ nacua̱x nax aixcüma chaxünearü o̱xri yixĩxü̃. Rü nawena nax nangugüãxü̃ i tümaarü o̱xri ya yíxema duü̃xẽ rü nüma ya chacherdóte tá nüxü̃ nixu nax taxãũãchixü̃.

Lebítanüxü̃arü puracüchiga 5:2

Rü ngẽxguma chi wüxíe nüxü̃ ingógügu i wüxi i naeü̃ i Tupanape̱xewa ãũãchixü̃ ngẽxgumarüxü̃ i wüxi i naeü̃ i dauxchitacüã̱x i yuxü̃, rüe̱xna wüxi i naxü̃na i yuxü̃, rüe̱xna wüxi i naeü̃ i ñaxtüanegu nügü itúxü̃ i yuxü̃ rü nitümaguãchi nax pecadu taxüxü̃ woo tama nüxü̃ tacuáãcüma nüxü̃ tingõgügu.

Lebítanüxü̃arü puracüchiga 5:4

Rü ngẽxguma texé tümaechitamare ta̱xacüca̱x itaxunetagu, rü woo mexü̃ca̱x itaxunetagu rüe̱xna chixexü̃ca̱x itaxunetagu rü pecadu taxü. Natürü ngẽxguma yixcama nüxü̃ ticua̱xãchigu nax nachixexü̃ i tümaarü uneta, rü tümagagutama chixexü̃gu tangu.

Lebítanüxü̃arü puracüchiga 7:21

Rü yíxema duü̃xẽ i ta̱xacürü duü̃xẽarü ãũãchixü̃ ingógüxe rüe̱xna naxü̃naarü ãũãchixü̃ ingógüxe rüe̱xna ta̱xacü i nawa rüxoxegaxü̃ ingógüxe, rü ñu̱xũchi nangṍxe i namachi i ngẽma naxü̃na i ngüxmüxẽẽruü̃ca̱x imáxü̃ i choxrü ixĩxü̃, rü petanüwa tá ítata̱xüchi —ñanagürü.

Iraétanüxü̃arü muxchiga 19:22

Rü guxü̃ma i ta̱xacü i yíxema duü̃xẽ ya ãũãchíxe nüxü̃ ingógüxü̃ rü taxãũãchi, Rü yíxema ãũãchíxe ya duü̃xẽxü̃ ingógüxe rü tümarüxü̃ taxãũãchi ñu̱xmata nayáuane” —ñanagürü ga Tupana.