Lebítanüxü̃arü puracüchiga 5:2 - Tupanaarü Ore

² Rü ngẽxguma chi wüxíe nüxü̃ ingógügu i wüxi i naeü̃ i Tupanape̱xewa ãũãchixü̃ ngẽxgumarüxü̃ i wüxi i naeü̃ i dauxchitacüã̱x i yuxü̃, rüe̱xna wüxi i naxü̃na i yuxü̃, rüe̱xna wüxi i naeü̃ i ñaxtüanegu nügü itúxü̃ i yuxü̃ rü nitümaguãchi nax pecadu taxüxü̃ woo tama nüxü̃ tacuáãcüma nüxü̃ tingõgügu.

Lebítanüxü̃arü puracüchiga 5:2 Iomraidhean Croise

Wiyaegü 19:12

¿Rü texé ya nüxü̃ cuáxe i tümaarü chixexü̃ i tümawatama ngẽxmaxü̃? Rü ngẽmaca̱x, Pa Cori Pa Tupanax ¡choxü̃́ nüxü̃ irüngüma i ngẽma chixexü̃ i chauechitamare chaxüxü̃!

Ichaía 52:11

Rü pema i Babiróniaanewa ngẽxmagüxe ¡rü Tupanape̱xewa pegü pemexẽxẽgü rü ípechoxü̃! ¡Rü pemax nax peyanaxü̃ i Tupanapataarü ngẽmaxü̃gü i üünexü̃ rü taxṹ i nüxü̃ pedauxü̃ i ta̱xacürü chixexü̃!

Lebítanüxü̃arü puracüchiga 11:11

Rü tama name nax penangṍxü̃ i ngẽma choxnigü i ngechitawemü̱xü̃güxü̃ rü ngechipa̱xgüxü̃ rü tá namaxã nagu perüxĩnüe nax choxni i tama mexü̃ yixĩxü̃ nax penangṍxü̃. Rü ngẽxguma nayuemaregu rü tá nüxü̃ pexo erü nixãũãchi.

Lebítanüxü̃arü puracüchiga 11:8

¡Rü taxũtáma penangõ̱x i namachi i ngẽma naeü̃gü i pexna chachu̱xuxü̃, rü bai nüxü̃ pingógümarexü̃ ega nayu̱xgux! ¡Rü namaxã nagu perüxĩnüe nax wüxi i naeü̃ i tama mexü̃ yixĩxü̃ nax penangṍxü̃!

Lebítanüxü̃arü puracüchiga 4:13

Rü ngẽxguma guxü̃ma i Iraétanüxü̃ tama nagu naxĩnüeãcüma pecadu naxügügu, rü taxuxü̃ma i duü̃xü̃ nüxü̃ cua̱xgu nax chorü mugüwa nachu̱xuxü̃ i ngẽma pecadu i naxügüxü̃, rü ngẽma pecadu rü ninaguãchi i guxü̃ma i Iraétanüxü̃.

Lebítanüxü̃arü puracüchiga 5:17

Rü ngẽxguma texé naxü̱xgu i ta̱xacü i chorü mugüwa chu̱xuxü̃, rü woo tanaxüxcüraxü̃gu, natürü tümagagu nixĩ i ngẽma chixexü̃ i taxüxü̃, rü tümawa nangẽxma i ngẽma chixexü̃.

Lebítanüxü̃arü puracüchiga 5:3

Rü ngẽxguma chi wüxi ya duü̃xẽ rü tümaechita nüxü̃ tingõgücüraxü̃gu i ta̱xacü i ãũãchixü̃ i duü̃xẽwa ixũxũxü̃, rü woo ngexü̃rüüxü̃mare yixĩxgu rü woo tama ngẽxgumatama nüxü̃ tacua̱xgu nax pecadu taxüxü̃, natürü ngẽxguma yixcüra nüxü̃ ticua̱xãchigu nax chixexü̃ taxüxü̃ rü tümagagutama tá nixĩ.

Lebítanüxü̃arü puracüchiga 5:4

Rü ngẽxguma texé tümaechitamare ta̱xacüca̱x itaxunetagu, rü woo mexü̃ca̱x itaxunetagu rüe̱xna chixexü̃ca̱x itaxunetagu rü pecadu taxü. Natürü ngẽxguma yixcama nüxü̃ ticua̱xãchigu nax nachixexü̃ i tümaarü uneta, rü tümagagutama chixexü̃gu tangu.

Lebítanüxü̃arü puracüchiga 7:21

Rü yíxema duü̃xẽ i ta̱xacürü duü̃xẽarü ãũãchixü̃ ingógüxe rüe̱xna naxü̃naarü ãũãchixü̃ ingógüxe rüe̱xna ta̱xacü i nawa rüxoxegaxü̃ ingógüxe, rü ñu̱xũchi nangṍxe i namachi i ngẽma naxü̃na i ngüxmüxẽẽruü̃ca̱x imáxü̃ i choxrü ixĩxü̃, rü petanüwa tá ítata̱xüchi —ñanagürü.

Aguéu 2:13

Rü yexguma ga nüma ga Aguéu rü nüxna nicachigüama rü ñanagürü: —¿Rü ngẽxguma chi texe wüxi i yuxü̃xü̃ ingógügu rü ngẽmaca̱x Tupanape̱xewa taxãũãchigu rü ngẽxguma chi nawena nüxü̃ tingõgügu i ngexü̃rüü̃xü̃ i Tupanapataarü ngẽmaxü̃gü rü tama ẽ̱xna Tupanape̱xewa naxãũãchi i ngẽma ngẽmaxü̃gü? —ñanagürü. Rü nümagü ga yema chacherdótegü rü nanangãxü̃gü rü ñanagürügü: —Ngẽmaãcü —ñanagürügü.

Iraétanüxü̃arü muxchiga 19:22

Rü guxü̃ma i ta̱xacü i yíxema duü̃xẽ ya ãũãchíxe nüxü̃ ingógüxü̃ rü taxãũãchi, Rü yíxema ãũãchíxe ya duü̃xẽxü̃ ingógüxe rü tümarüxü̃ taxãũãchi ñu̱xmata nayáuane” —ñanagürü ga Tupana.

Ore i mexü̃ ga Luca ümatüxü̃ 11:44

Rü wüxi i ngechaü̃ nixĩ i pexca̱x, erü taxuwama peme. Rü ñoma yuetamaü̃gü i tama nüxü̃ idauxü̃ i duü̃xü̃gü naechitamare naétüwa chopetüxü̃rüxü̃ pixĩgü —ñanagürü ga Ngechuchu.

2 Corintios 6:17

Rü yemaca̱x ñanagürü ta ga tórü Cori: “¡Ípechoxü̃ i natanüwa i ngẽma duü̃xü̃gü i tama chorü duü̃xü̃gü ixĩgüxü̃! ¡Rü taxṹ i nüxü̃ pingógüxü̃ i ngẽma chope̱xewa ãũãchixü̃! Rü choma rü tá pexü̃ chayaxu.

Wenaxarü naxümatü ga Tupanaarü mugü 14:8

Rü ngẽma cuchi rü woo nataxrepatü ¡rü taxũtáma penangõ̱x! Erü tama wena nayayoxmü̃ i nawemü. Rü ngẽmaca̱x Tupanape̱xewa rü nixãũãchi. ¡Rü taxũtáma penangõ̱x i namachi rü bai tá nüxü̃ pingógü ega nayu̱xgu.