Lebítanüxü̃arü puracüchiga 3:3 - Tupanaarü Ore

^3-4 Rü yíxema tümaxü̃na ixãxẽ nax Cori ya Tupanaca̱x tayamáxü̃ca̱x nax ngẽmamaxã tanangüxmüxẽẽxü̃ca̱x, rü name i Cori ya Tupanaca̱x tayagu i norü chíxü̃ i naü̃nütawa ngẽxmaxü̃, rü yima taxre ya norü ñuxmigü guxü̃ i norü chíxü̃maxã, rü ngẽma chíxü̃ i namachica̱xwe̱xwa ngẽxmaxü̃ rü ngẽma nacaarü chíxü̃ i wüxigu norü ñuxmigümaxã nayaxuxü̃.

Lebítanüxü̃arü puracüchiga 3:3 Iomraidhean Croise

Wiyaegü 119:70

Rü nümagü rü nachixeãẽgümare, natürü i chomax rü namaxã chataãxẽ i ngẽma curü ngu̱xẽẽtae.

Ínachoxü̃xü̃chiga 29:13

¡Rü nade i ngẽma naü̃nütaarü chíxü̃, rü nacaarü chíxü̃, rü norü ñuxmigüarü chíxü̃! ¡Rü ñu̱xũchi ãmarearü guruü̃wa ínagu!

Ínachoxü̃xü̃chiga 29:22

¡Rü ñu̱xũchi nayaxu ya yima narexü̃arü chíxü̃ rü naü̃nütagüarü chíxü̃ rü nacaarü chíxü̃ rü yima taxre ya ñuxmigü rü norü chíxü̃ rü yima norü tügüneperema! Erü ngẽma nixĩ i carnéru i chacherdótegüarü baeruca̱x imáxü̃.

Ucu̱xẽgüchiga 23:26

Pa Chaunex, ¡aixcüma chauga naxĩnü rü nagu ixũ i chaucüma!

Ichaía 6:10

Rü ngexrüma nax chorü oremaxã cuyaxucu̱xẽgüxü̃ i ñaa duü̃xü̃gü i norü ĩnügutama rüxĩnüexü̃, erü taxũtáma cuga naxĩnüe. Rü nüetama ega nügü yangauxchixexẽẽgu na̱xcha̱xwa i chorü ucu̱xẽgü nax tama nüxü̃ naxĩnüexü̃ca̱x. Rü nüetama ega nügü yangexetügu na̱xcha̱xwa i ngẽma mexü̃ i naxca̱x chaxüxü̃ nax tama nüxü̃ nadaugüxü̃ca̱x rü ngẽmaãcü tama cha̱u̱xca̱x nawoeguxü̃ca̱x nax choma naxca̱x chayataanexẽẽgüxü̃ca̱x” —ñanagürü choxü̃.

Echequié 36:26

Rü ngexwacaxü̃ne ya perü maxü̃ne rü ngexwaca̱xü̃xü̃ i pexãxẽ tá pexna chaxã. Rü tá pexna chanayaxu ya yima perü maxü̃ne ya ñoma nutarüxü̃ taixü̃ne. Rü wüxi ya maxü̃ne ya aixcüma mexü̃ne tá pexna chaxã.

Echequié 44:15

“Rü yema chacherdótegü ga Lebítanüxü̃ ga Chadóxtaagü ixĩgüxü̃, rü yemagü nixĩ ga naxügüamaxü̃ ga chopataarü puracü ga yexguma yema Iraétanüxü̃ choxna ixĩgachitanügu. Rü ñu̱xma rü ngẽma Chadóxtaagü tá nixĩ i choxna ngaixcamagüxü̃ nax chorü puracü naxügüxü̃ca̱x. Rü nümagü tá nixĩ i choxna naxãgüãxü̃ i ngẽma naxü̃nagü i cha̱u̱xca̱x nada̱i̱xü̃arü chíxü̃ rü yimá nagü. Rü choma ya Cori ya Tupana ya Guxãétüwa Ngẽxmacü rü ngẽmaãcü chanaxuegu.

Lebítanüxü̃arü puracüchiga 1:12

Rü ngẽmawena rü tá nanachexü̃gü. Rü nüma i chacherdóte rü yima üxü ya ãmarearü guruü̃xétüwa iya̱u̱xranewa tá ínanagu i ngẽma namachi wüxigu namaxã i naeru rü naü̃nütagüarü chíxü̃.

Lebítanüxü̃arü puracüchiga 1:8

Rü yima üxüwa tá nixĩ i ínaguaxü̃ i ngẽma namachiarü chexü̃güxü̃ rü naeru rü naü̃nütaarü chíxü̃.

Lebítanüxü̃arü puracüchiga 16:25

Rü ãmarearü guruü̃wa tá nayagu i norü chíxü̃ i ngẽma naxü̃na i pecaduarü ütanüca̱x yamáxü̃.

Lebítanüxü̃arü puracüchiga 3:16

Rü ñu̱xũchi ngẽma chacherdóte rü ãmarearü guruü̃étüwa tá ínanagu i guxü̃ma i ngẽma ãmare. Rü ngẽma ãmare rü õna i Cori ya Tupanaca̱x íguxü̃ nixĩ. Rü ngẽma naema i ngẽma õna rü Cori ya Tupana rü tá namaxã nataãxẽ. Rü guxü̃ma i ngẽma chíxü̃ rü Cori ya Tupanaarü nixĩ.

Lebítanüxü̃arü puracüchiga 3:2

Rü yíxema ãmare ixãxẽ rü tá naerugu tanuxme̱x i ngẽma tümaarü ãmare i Tupanana taxãxü̃. Rü ñu̱xũchi Tupanapatape̱xegu tá tayama̱x. Rü ngẽma Aróü̃ nanegü i chacherdótegü tá nanayauxgü ya yimá nagü. Rü yimámaxã tá nanama̱xcugü i nacüwagü i ngẽma ãmarearü guruxü̃.

Lebítanüxü̃arü puracüchiga 4:10

Rü ngẽma woca i yatüxü̃ i Cori ya Tupanaarü ngüxmüxẽẽruü̃ca̱x yama̱xgüxü̃rüxü̃ tá penayauxarü chíxü̃ã̱x i ngẽma naxü̃na i chacherdótearü guxchaxü̃ca̱x imáxü̃. Rü nüma ya chacherdóte rü ngẽmawena tá ãmarearü guruü̃wa nayagu i ngẽma chíxü̃.

Lebítanüxü̃arü puracüchiga 7:30

Rü name i tümame̱xẽgu chope̱xewa tanange i ngẽma ãmare i tiguxchaxü̃xü̃ wüxigu namaxã i ngẽma namachiremü rü ngẽma chíxü̃ i naremüwa ngẽxmaxü̃ nax ngẽmaãcü chope̱xewa chacherdótena tanaxãxü̃ca̱x.

Lebítanüxü̃arü puracüchiga 7:5

Rü ngẽmawena rü nüma ya chacherdóte rü ngẽma ãmarearü guruü̃étüwa tá cha̱u̱xca̱x nayagu i guxü̃ma i ngẽma. Rü ngẽma rü wüxi i ãmare i pecadu i taechitamare ixüxü̃arü ütanüruxü̃ nixĩ.

Lebítanüxü̃arü puracüchiga 9:10

Rü ñu̱xũchi nüma ga Aróü̃ rü yema Cori ya Tupana Moichémaxã nüxü̃ ixuxü̃rüxü̃ nanaxü. Rü ãmarearü guruü̃wa ínanagu ga yema naxü̃na ga pecaduarü ütanüca̱x yamáxü̃arü chíxü̃, rü norü ñuxmigü rü ñu̱xũchi yema chíxü̃ ga nacawa nadexü̃.

Ore i mexü̃ ga Matéu ümatüxü̃ 13:16

Rü ñanagürü ta ga Ngechuchu: —Natürü pemax, Pa Chorü Ngúexü̃güx, rü petaãẽgü erü pexetügümaxãtama nüxü̃ pedaugü i ngẽma chaxüxü̃ rü pexmachi̱xẽmaxãtama nüxü̃ pexĩnüe i chorü ore.

Ore i mexü̃ ga Matéu ümatüxü̃ 15:8

“Ñaa duü̃xü̃gü rü naã̱xmaxãmare choxü̃ nicua̱xüü̃gü. Natürü naãẽwa rü tama aixcüma chaugu narüxĩnüe.

Romanos 5:5

Rü ñu̱xma nax ínangu̱xẽẽxü̃ nax tüxü̃́ tá nangẽxmaxü̃ i tachica i Tupanaxü̃tawa, rü ngẽmaca̱x taxuca̱xma tangechaü̃gü. Erü Tupana rü poraãcü tüxü̃ nangechaü̃. Rü ngẽma Naãxẽ ya Üünexü̃ i tüxna namuxü̃ nixĩ i tüxü̃ nüxü̃ cua̱xẽẽxü̃ i ngẽma.

Romanos 6:6

Rü nüxü̃ tacua̱x rü yema tórü maxü̃ ga nũxcümaü̃xü̃ rü Cristumaxã wüxigu curuchagu nayu nax yexma yanaxoxü̃ca̱x ga yema tacüma ga chixexü̃. Rü ñu̱xma rü tama pecadutüü̃wa tangexmagü, rü ngẽmaca̱x marü tama naga taxĩnüe.

Wenaxarü naxümatü ga Tupanaarü mugü 30:6

Rü nüma ya perü Cori ya Tupana rü peãẽwa rü petaagüãẽwa tá nayanaxoxẽxẽ i ngẽma chixexü̃ i ngéma ngẽxmaxü̃ nax ngẽmaãcü aixcüma nüxü̃ pengechaü̃güxü̃ca̱x perü maxü̃nemaxã rü peãẽmaxã nax ngẽmaãcü pexü̃́ nangẽxmaxü̃ca̱x i perü maxü̃.

1 Chamué 2:15

Rü ñu̱xũchi naxü̃pa ga nax tayagugüxü̃ ga chíxü̃ ga ãmarearü guruü̃wa rü yéma nangu ga chacherdótearü ngü̃xẽẽruxü̃ rü ñanagürü tüxü̃ ga guxema tümaarü ãmare íguxchaxü̃xe: —¡Choxna tanaxã i namachi nax chacherdóteaxü̃́ chayaguxü̃ca̱x! Erü taxũtáma cuxü̃́ nanayaxu i ngẽma namachi i marü muxraxü̃, rü ngẽma ngãxü̃ nixĩ i nanaxwa̱xexü̃ —ñanagürü.