Lebítanüxü̃arü puracüchiga 26:6 - Tupanaarü Ore

⁶ Rü pechixü̃anewa rü tá petaãẽgü. Rü ngẽxguma pepeegu rü taxuca̱xtama pemuü̃e, erü ngẽma naeü̃gü i düraexü̃ rü tá pexna chayaxĩgachitanüxẽxẽ. Rü pechixü̃anewa rü nataxutama i dai.

Lebítanüxü̃arü puracüchiga 26:6 Iomraidhean Croise

Norü taxre ga popera ga ãẽ̱xgacügüchiga 2:24

Rü yexguma nüma ga Erichéu rü nügü ínidau, rü Tupanaégagu guxchaxü̃ namaxã naxuegu. Rü yexgumatama yema naixnecüwa inayayi ga taxre ga osu. Rü yema osugü rü yema ngextü̱xüxü̃gütanüwa nanadai ga 42.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:9

Natürü wüxi ya cune tá cuxü̃́ nangẽxma, rü nüma rü wüxi ya yatü ya ngüxmüxẽxẽruxü̃ tá nixĩ namaxã i norü uanügü i nüxna ngaicamagüxü̃. Rü ngẽmaca̱x i naéga rü Charomóü̃ tá nixĩ. Rü tá íchayachaxãchixẽxẽ i ngẽma norü uanügü nax tama nachixewegüãxü̃ca̱x i Iraétanüxü̃.

Norü taxre ga to ga popera ga ãẽ̱xgacügüchiga ümatüxü̃ 20:30

Rü yemaacü yexguma ãẽ̱xgacü yixĩxgu ga Yochapáx rü taãxẽwa nayexma ga nachixü̃ane yerü Tupana rü nanangüxmüxẽxẽ namaxã ga yema togü ga nachixü̃anegü ga nüxna ngaicamagüxü̃.

Yox 11:19

Rü taxuxü̃táma ta̱xacü cuxü̃ ínabaixgü ega ngẽxguma icurüngüxgu. Rü muxü̃ma i duü̃xü̃gü tá cuxü̃tawa nangugü nax ngü̃xẽxẽca̱x cuxna yacagüxü̃ca̱x.

Yox 5:23

Rü yimá nutagü rü cuanewa rü taxũtáma curü guxcharuü̃gü nixĩgü. Rü ngẽma naeü̃gü i idüraexü̃ rü cumücügü tá nixĩgü.

Wiyaegü 144:14

Rü tórü wocagü nixãxacügü rü mea nabue i naxacügü. Rü tórü ĩanemaxü̃güwa rü taxúema ãũcümaxü̃gagu aita taxü.

Wiyaegü 147:14

Rü nüma nixĩ i pexü̃ nangüxmüexẽẽxü̃ i pechixü̃anewa rü muxũchixü̃ i trigumaxã pexü̃ nataãẽxẽẽgü.

Wiyaegü 29:11

Rü nüma ya Cori ya Tupana rü nanaporaexẽxẽ i norü duü̃xü̃gü. Rü nüxü̃ narüngü̃xẽxẽ nax tama daigu naxĩnüexü̃ca̱x.

Wiyaegü 3:5

Rü ngẽmaca̱x ichaca, rü mea chape, rü taãẽãcü chaba̱i̱xãchi, erü nüma ya Cori ya Tupana rü choxna nadau.

Wiyaegü 4:8

Choma rü taãẽãcü ichayacaãchi rü ngẽxgumatama mea chape, erü nüxü̃ chacua̱x, Pa Corix, nax cuma rü choxna cudauxü̃.

Wiyaegü 85:8

Rü ñu̱xma rü tá icharüxĩnü i ngẽma nüxü̃ yaxuxü̃ ya Cori ya Tupana erü norü duü̃xü̃gü i naga ĩnüexü̃maxã tá nüxü̃ nixu nax marü namaxã inangüxmüxü̃. Natürü tama nanaxwa̱xe nax wena norü chixexü̃ca̱x nawoeguxü̃.

Ínachoxü̃xü̃chiga 23:29

Natürü ngẽma nax íchanawoxü̃xü̃ cupe̱xewa rü taxũtáma paxa noxtacüma wüxi ya taunecügu chanaxü, erü ngẽxguma ngẽmaãcü chanaxüxgu rü ngẽma naane rü tá nangeãcuanemare, rü naeü̃gü i düraexü̃ rü tá nawa nimu rü chixexü̃ tá cumaxã naxügü.

Ucu̱xẽgüchiga 3:24

Ngẽxguma icurüngüxgu rü taxuca̱xma tü̱xcüü̃ cumuü̃ rü ngẽxguma icucaxgu rü mea tá cupe.

Ucu̱xẽgüchiga 6:22

Rü ngẽxguma ngextá cuxũxgu rü ngẽma ucu̱xẽgü tá cumaxã inacua̱xgü, rü ngẽxguma cupexgu rü tá cuxna nadaugü, rü ngẽxguma pewa cubaixãchigu tá cuxü̃ naxucu̱xẽgü.

Ichaía 35:8

Ngéma tá nangẽxma i wüxi i nama i “Nama i Üünexü̃gu” ãégaxü̃. Rü yíxema tama Tupanape̱xewa tügü mexẽẽ́xe rü taxucürüwa nagu tixũ. Rü ngẽxgumarüxü̃ ta i ngẽma chixexü̃arü üruü̃gü rü taxucürüwa nagu naxĩ.

Ichaía 35:9

Ngẽma namawa rü nataxutama i leóü̃gü, rü nataxutama i aigü i düraexü̃ i tüxna nangaicamagüxü̃. Rü ngẽma namagu tá nawoegu i ngẽma duü̃xü̃gü i Cori ya Tupana ínguxü̃xẽẽxü̃ norü uanügüme̱xẽwa. Rü taãẽxü̃ i wiyaegümaxã tá Chióü̃gu nachocu, rü guxü̃gutáma ngéma nataãẽgüecha. Rü ngéma rü marü nataxutama i axu rü ngúxü̃, rü taãẽxicatatama nangẽxma.

Ichaía 45:7

Rü choma nixĩ ga chanango̱xẽẽxü̃ ga ngóonexü̃ rü waanexü̃. Rü choma nixĩ i íchananguxẽẽxü̃ i mexü̃ rü guxchaxü̃. Rü chomatama ya Tupana nixĩ i chanaxüxü̃ i guxü̃ma i ngẽma —ñanagürü.

Ichaía 9:7

Rü nüma rü tá ãẽ̱xgacü ya Dabíchicüxü ingucuchicü nixĩ. Rü ngẽma norü pora nax ãẽ̱xgacü yixĩxü̃ rü guxü̃ i nachixü̃anegüwa tá nangu. Rü ngẽma nügümaxã nax inangüxmüxẽẽãxü̃ i duü̃xü̃gü rü tagutáma inayarüxo. Rü ngẽma nax ãẽ̱xgacü yixĩxü̃ rü mea tá duü̃xü̃gümaxã inacua̱x, rü mexü̃gu tá narüxĩnü rü guxãarü mexü̃ca̱x tá nadau i guxü̃guma. Rü ngẽmaãcü tá nanaxü erü ngẽma nixĩ i norü ngúchaü̃ i nagu naxĩnüxü̃ ya yimá Cori ya Tupana ya Guxãétüwa Ngẽxmacü.

Yeremía 30:10

Rü choma ya Cori ya Tupana rü ñachagürü: —¡Taxṹ i pemuü̃exü̃, Pa Acóbutanüxü̃ i chorü duü̃xü̃gü pixĩgüxü̃! ¡Rü taxṹ i ta̱xacüca̱x peba̱i̱xãchiexü̃, Pa Iraétanüxü̃x! Erü choma rü tá pexü̃ rü pexacügüxü̃ íchanguxü̃xẽxẽ nawa i ngẽma yáxü̃guxü̃ i nachixü̃ane i nawa pegagüxü̃. Rü wenaxarü taãẽwa tá pemaxẽ rü taxũtáma i texé i pexü̃ ítaba̱i̱xgü.

Yeremía 31:26

Rü yexguma ga choma ga Yeremía rü chabaixãchi rü chidauchi. Rü yema chaunegümaxã chataãxẽ.

Echequié 14:15

Rü ngẽxguma chi wüxi i nachixü̃anewa chanamugügu i naeü̃gü i idüraexü̃ nax yadaiãxü̃ca̱x i ngẽma nachixü̃anearü duü̃xü̃gü rü chianexü̃xü̃ chi nananguxuchi i ngẽma nachixü̃ane rü chi taxuxü̃ma i duü̃xü̃gü ngéma nachopetü erü chi nüxü̃ namuü̃e i ngẽma naeü̃gü i idüraexü̃, rü ngẽxguma chi ngéma namaxẽgu i ngẽma tomaepü̱x i yatügüx rü nüxica chitama nixĩ i namaxẽxü̃. Natürü nümagü rü taxucürüwachima nanegüxü̃ rü naxacügüxü̃ namaxẽxẽxẽ. Rü ngẽmaãcü chianexü̃xü̃ nananguxuchi i ngẽma nachixü̃ane. Rü choma ya Cori ya Tupana nixĩ i chauégagu cumaxã nüxü̃ chixuxü̃ i ngẽma.

Echequié 14:17

Rü ngẽxguma chi dai naxca̱x íchanguxẽẽgu i guxü̃ma i ngẽma nachixü̃ane, rü nayuegu i duü̃xü̃gü rü naeü̃gü, rü ngẽxguma chi ngéma namaxẽgu i ngẽma tomaepü̱x i yatügüx rü nüxica chitama nixĩ i namaxẽxü̃. Natürü nümagü rü taxũchima nanegüxü̃ rü naxacügüxü̃ namaxẽxẽxẽ. Rü choma ya Cori ya Tupana nixĩ i chauégagu cumaxã nüxü̃ chixuxü̃ i ngẽma.

Echequié 14:21

Rü choma i Cori ya Tupana rü nüxü̃ chixu rü wüxi i taxü̃ i guxchaxü̃ tá nixĩ i ngẽxguma Yerucharéü̃ca̱x íchanguxẽẽgu i ngẽma ãgümücü i poxcu i ãũcümaxü̃chixü̃; i dai, rü taiya, rü naeü̃gü i idüraexü̃, rü ñu̱xũchi da̱xaweanegü. Rü ngẽmamaxã tá nixĩ i chanadaixü̃ i duü̃xü̃gü rü naeü̃gü.

Echequié 34:25

Rü chorü carnérugümaxã tá chanaxü i chorü uneta nax taãxẽwa nangẽxmagüxü̃ca̱x. Rü nachixü̃anewa tá chayanaxoxẽxẽ i ngẽma aigü i düraexü̃ nax ngẽmaãcü taãẽãcüma ngẽma naanewa namaxẽxü̃ca̱x rü naixnecügu napegüxü̃ca̱x.

Echequié 34:27

Rü ngẽma nanetügü i naanewa rüxügüxü̃ rü tá nixo. Rü ngẽma naanegü i nanetügü nagu natogüxü̃ rü muxü̃ma i nanetügüarü o tá nawa nabuxgü. Rü ngẽxguma norü uanügüme̱xẽwa íchanguxü̃xẽẽgu i chorü duü̃xü̃gü, rü tá nüxü̃ nicua̱xãchitanü nax choma chixĩxü̃ i norü Tupana.

Echequié 5:17

Rü aixcüma pexca̱x tá íchananguxẽxẽ i taiya rü da̱xaweane rü yu. Rü ngéma tá chanamugü i aigü i pexacügü tüxü̃ ngõ̱xcuxü̃. Rü ngẽxgumarüxü̃ ta ngéma tá chanamugü i perü uanügü nax daigu peyuexü̃ca̱x. Rü choma ya Cori ya Tupana nixĩ i chanaxunagüxü̃ i ngẽma’ ” —ñanagürü.

Ochéa 2:18

Rü ngẽma ngunexü̃gügu rü ngẽma Iraéanecüã̱xgüxü̃ tá charüngü̃xẽxẽxü̃. Rü ngẽma naeü̃gü i düraexü̃, rü werigü, rü ãxtapegü rü tá ichanangüxmüexẽxẽ nax tama ngẽma duü̃xü̃güxü̃ nachixeãẽgüxü̃ca̱x. Rü tá ichanaxoxẽxẽ ya würagü rü taragü. Rü ngẽma norü uanügü rü tá ichanangüxmüexẽxẽ nax tama wena naxca̱x íyaxü̃ãchixü̃ca̱x, rü ngẽmaãcü i chorü duü̃xü̃gü rü nataãẽgüxü̃ca̱x.

Ochéa 2:20

Rü chorü duü̃xü̃güxüchi tá pexü̃ chixĩgüxẽxẽ, rü tagutáma pexü̃ íchawogü. Rü ngẽxguma i pema rü tá choxü̃ pecua̱x nax perü Tupana chixĩxü̃.

Lebítanüxü̃arü puracüchiga 25:18

¡Rü peyanguxẽxẽ i chorü mugü rü nagu pemaxẽ i chorü ucu̱xẽgü! Rü ngẽxguma peyanguxẽẽgu rü taãẽãcü tá nawa pemaxẽ i ngẽma pechixü̃ane.

Lebítanüxü̃arü puracüchiga 25:19

Rü penetügü rü tá meama nixo, rü pemax rü taxuxü̃táma i ta̱xacü pexü̃ nachixewe nawa i ngẽma perü naane. Rü tá penangõ̱x i penetügüarü o ñu̱xmata pengãxpütüwegü.

Lebítanüxü̃arü puracüchiga 26:22

Rü tá pexca̱x íchayachoõchixẽxẽ i naeü̃gü i düraexü̃ nax pexacügüxü̃ nangõ̱xcuxü̃ca̱x rü ngẽmaãcü pingexacügüxü̃ca̱x. Rü perü wocagügu tá nawagüe, rü pegu tá nawagüe ñu̱xmatáta pigú rü ngẽmaãcü taxúetama namagu tixũ.

Lebítanüxü̃arü puracüchiga 26:25

Rü tá pexca̱x íchayaxüãchixẽxẽ i perü uanügü nax norü taramaxã pexü̃ nada̱i̱xü̃ca̱x, yerü tama naga pexĩnüe i ngẽma uneta ga pemaxã chaxüxü̃. Rü pema rü tá yima perü ĩanegü ya cu̱xchicaxü̃ruü̃ca̱x pibuxmü, natürü i choma rü tá ngéma pexca̱x chanamu i da̱xaweane. Rü ngẽmaãcü tá perü uanügüme̱xẽgu peyi.

Lebítanüxü̃arü puracüchiga 26:7

Rü pema rü tá peyabuxmüxẽxẽ i perü uanügü, rü taramaxã tá penadai.

Miquéa 4:4

Rü guxãtáma taxũtáma muü̃eãcü tamaxẽ. Rü wüxíechigü rü tá tümaarü úbapechitagu, rü tümaarü igunecüpechitagu tarüngü̃. Rü ñaa ore rü noxrütama nixĩ ya yimá Cori ya Tupana ya Guxãétüwa Ngẽxmacü.

Chofonía 3:13

Rü ngẽma Iraétanüxü̃ i Yerucharéü̃wa yaxǘgüxü̃ rü taxũtáma chixri natanüxü̃maxã inacua̱x, rü taxũtáma doraxü̃ nixugüe rü tagutáma texéxü̃ nawomüxẽẽgü. Rü mea tá ínachibüe, rü tama namuü̃eãcüma tá inarüngü̃gü” —ñanagürü.

Aguéu 2:9

Rü ñu̱xma nax wena namexẽẽxü̃ ya daa chopata ya taxü̃ne rü yexguma noxri naxü̱xguarü yexera tá namexẽchi. Rü ngẽxguma rü tá ichayanaxoxẽxẽ i guxü̃ma i nu i ñaa nachicawa, rü nua tá petaãẽgü. Rü choma ya Cori ya Tupana ya Guxãétüwa Ngẽxmacü nixĩ i nüxü̃ chixuxü̃ i ngẽma —ñanagürü.

Chacaría 9:10

Rü nüma rü tá inayanaxoxẽxẽ i Efraíü̃tanüxü̃arü daiweü̃gü rü Yerucharéü̃arü churaragüarü cowarugü rü yima würagü ya dai namaxã naxügüne. Rü guxü̃ i nachixü̃anegüca̱x tá nanaxunagü i mexü̃ i ĩnü. Rü tá namaxã inacua̱x i ngẽma naane i Már i Mediteráneuwa ixügüxü̃ rü ñu̱xmata taxtü i Dauchíüxü̃wa nangu. Rü ngẽma naane i taxtü i Eufrátewa ixügüxü̃maxã tá inacua̱x rü ñu̱xmata guxü̃wama i ñoma i naanewa nangu.

Ore i mexü̃ ga Cuáü̃ ümatüxü̃ 14:27

Rü ñu̱xma nax pexna íchixũxü̃, rü pexna chanaxã i taãxẽ. Natürü ngẽma taãxẽ i pexna chaxãxü̃, rü tama ñoma i naanecüã̱x pexna ãxü̃ i taãẽrüxü̃ nixĩ. Rü tama chanaxwa̱xe i penaxĩ̱xãchiãẽgü rü pemuü̃e.

Ngechuchuarü ngúexü̃gü ga yamugüxü̃arü puracüchiga 12:6

Rü yematama ga chütaxü̃gu naxü̃pa ga yema ngunexü̃ ga Eróde duü̃xü̃güpe̱xewa nagaxchaü̃xü̃, rü taxre ga churaragüarü ngãxü̃wa nape ga Pedru. Rü taxre ga cadénamaxã nichotachacüxü. Rü togü ga churaragü ga dauxü̃taexü̃ nüxna nadaugü ga poxcupataü̃arü ĩã̱x.

Romanos 5:1

Rü ñu̱xma rü Tupanape̱xewa time erü tayaxõgü. Rü ngẽmaca̱x marü tama Tupanamaxã taxuanüã̱xgü i ñu̱xmax, erü tórü Cori ya Ngechuchu ya Cristu rü marü tamaxã nanangüxmüexẽxẽ ya Tupana.