Lebítanüxü̃arü puracüchiga 26:5 - Tupanaarü Ore

⁵ Rü ngẽma tríguarü buxu rü tá úbaarü buxuwa nangu, rü ngẽma úbaarü buxu rü tá toearü ngunexü̃wa nangu. Rü paũmaxã tá pixãwemü ñu̱xmata mea pingãxpütüwegü. Rü taxuxü̃táma i ta̱xacü pexü̃ nachixewe i pechixü̃anewa.

Lebítanüxü̃arü puracüchiga 26:5 Iomraidhean Croise

Wiyaegü 144:13

Rü tórü trigupataü̃gü rü nixããcu namaxã i naguxü̃raü̃xü̃ i nabü. Rü tórü carnérugü rü poraãcü nimu i tórü nachitaxü̃wa.

Wiyaegü 90:1

Pa Cori Pa Tupanax, cuma rü woetama torü poxü̃ruxü̃ quixĩ rü guxü̃guma toma rü torü o̱xigüarü o̱xigü rü cuxme̱xwa tangexmagü.

Ínachoxü̃xü̃chiga 16:8

Rü yexguma ga nüma ga Moiché rü yema duü̃xü̃gümaxã nidexa rü ñanagürü nüxü̃: —Rü yixcüra yáuanecü rü Cori ya Tupana tá pexna nanaxã i namachi nax penangṍxü̃ca̱x, rü pa̱xmama rü tá pexna nanaxã i muxü̃tama i paũ. Erü nüma ya Tupana rü pexü̃ naxĩnü nax nachigagu chixri pidexagüxü̃. ¿Rü texégü tixĩgü i tomax? Pema rü tama tochiga nixĩ i chixri pidexagüxü̃, natürü Cori ya Tupanachiga nixĩ —ñanagürü.

Ucu̱xẽgüchiga 1:33

Natürü yíxema chauga ĩnüxe rü taãẽgu tá ítamaxü̃, rü taxuca̱xma ta̱xacürü ãũcümaxü̃ca̱x tamuü̃ —ñanagürü i ngẽma cua̱x.

Ucu̱xẽgüchiga 18:10

Naéga ya Cori ya Tupana, rü wüxi i poxü̃ruxü̃ i poraxü̃ nixĩ. Rü ngẽmaca̱x ngẽma mexü̃gu maxü̃xü̃ i duü̃xü̃, rü naxca̱x nixũ nax naxü̃tagu nügü yanacúxü̃ca̱x.

Ichaía 1:19

Rü ngẽxguma chi penaxwa̱xegu nax chauga pexĩnüexü̃, rü tá penangõ̱x i ngẽma rümemaegüxü̃ i nanetüarü o i ñoma i naanewa yaexü̃.

Ichaía 30:23

Rü nüma ya Cori ya Tupana rü tá pucü ínanguxẽxẽ naxca̱x i naxchire i cuanegu cutogüxü̃. Rü ngẽma cuanewa rü muxü̃tama i trigu i baxcaxü̃ tá nawa narüxügü. Rü ngẽma curü wocagü rü ngẽma ngunexü̃gu rü taanexü̃wa tá nachibüe

Yeremía 23:6

Rü ngẽxguma nüma ãẽ̱xgacü yixĩxgu rü Yudáane rü taxũtáma to i nachixü̃ane namaxã inacua̱x rü ngẽma Iraéanearü duü̃xü̃gü rü taxuca̱xtama namuü̃e. Rü ngẽma tá namaxã naxugüãxü̃ ya yimá ãẽ̱xgacü rü “Cori ya Tamaxã Poracü”, tá nixĩ i naéga —ñanagürü ga Tupana.

Ochéa 2:18

Rü ngẽma ngunexü̃gügu rü ngẽma Iraéanecüã̱xgüxü̃ tá charüngü̃xẽxẽxü̃. Rü ngẽma naeü̃gü i düraexü̃, rü werigü, rü ãxtapegü rü tá ichanangüxmüexẽxẽ nax tama ngẽma duü̃xü̃güxü̃ nachixeãẽgüxü̃ca̱x. Rü tá ichanaxoxẽxẽ ya würagü rü taragü. Rü ngẽma norü uanügü rü tá ichanangüxmüexẽxẽ nax tama wena naxca̱x íyaxü̃ãchixü̃ca̱x, rü ngẽmaãcü i chorü duü̃xü̃gü rü nataãẽgüxü̃ca̱x.

Ochéa 2:20

Rü chorü duü̃xü̃güxüchi tá pexü̃ chixĩgüxẽxẽ, rü tagutáma pexü̃ íchawogü. Rü ngẽxguma i pema rü tá choxü̃ pecua̱x nax perü Tupana chixĩxü̃.

Joel 2:19

Rü nüma rü ñanagürü nüxü̃: —Rü tá pexna chanaxã i trigu rü bínu rü chíxü̃ ñu̱xmatáta mea pexü̃́ yangu. Rü marü taxũtáma wena pexü̃ changexrü nax tama pexü̃ nacugüexü̃ca̱x i ngẽma togü i nachixü̃anecüã̱xgü i tama choxü̃́ yaxõgüxü̃.

Joel 2:22

¡Rü taxṹ i pemuü̃exü̃ Pa Naeü̃güx! Erü ngẽma pebüchitaxü̃ rü tá wena narüxügü rü nabaxca. Rü ngẽma nanetügü i ori̱xgü rü tá nixo. Rü tá namuxũchi i igunecü rü úbagü.

Joel 2:26

Rü ñu̱xma rü tá meatama pechibüe i pemax ñu̱xmatáta mea pexü̃́ yangu. Rü choxü̃ tá picua̱xüü̃gü naxca̱x ga yema taxü̃ ga mexü̃ ga pexca̱x chaxüxü̃. Rü tagutáma wena texé pexü̃ taxãneexẽxẽ Pa Chorü Duü̃xü̃güx.

Amúx 9:13

Rü ñanagürü ta: —Rü ngẽma ngunexü̃gügu rü poraãcü tá nixo i perü trigu. Rü ngẽxguma taxũta yagúegu nax penabuxuxü̃ i perü trigu rü ngẽma perü naane rü marü táxarü name nax wena nagu petoexü̃. Rü ngẽxguma taxũta yagúegu nax penabuxuxü̃ i perü úbagü rü ngẽma perü naane rü marü íname nax perü trigu nagu petoxü̃. Rü guxü̃nema ya yima ma̱xpǘnegüwa rü ngüchitaeruxü̃güwa rü tá nata i perü bínu ñoma dexárüxü̃.

Ore i mexü̃ ga Matéu ümatüxü̃ 23:37

Rü ñanagürü ta ga Ngechuchu: —Pa Yerucharéü̃cüã̱x, pema penadai i Tupanaarü orearü uruü̃gü, rü nutamaxã ípenamuxũchigü i ngẽma orearü ngeruü̃gü ya Tupana pexü̃tawa mugüxü̃. Rü ñuxree̱xpü̱xcüna wüxigu chaugüxü̃tagu pexü̃ chanutaque̱xexẽẽchaü̃ ñoma wüxi i ota i naxacüxegü nügütüü̃gu tüxü̃ nutaque̱xexü̃rüxü̃. Natürü pema rü tama penaxwa̱xe.

Ngechuchuarü ngúexü̃gü ga yamugüxü̃arü puracüchiga 14:17

Natürü nüma ga Tupana rü taguma nüxü̃ narüchau nax duü̃xü̃güxü̃ nangü̃xẽẽxü̃. Rü yemaacü nügü tüxü̃ nacua̱xẽxẽ nax aixcüma Tupana yixĩxü̃ i nümax. Rü nümatama nixĩ i núma namuaxü̃ ya pucü rü mea pexü̃́ nayaexẽẽãxü̃ i penetügü. Rü nüma nixĩ i pexna naxããxü̃ i pewemü nax ngẽmaãcü petaãẽgüxü̃ca̱x —ñanagürügü ga Pauru rü Bernabé.

Wenaxarü naxümatü ga Tupanaarü mugü 11:15

Rü ngẽxgumarüxü̃ tá ta ya Cori ya Tupana rü nanaxügüxẽxẽ ya maxẽgü perü wocagüca̱x. Rü ngẽmaãcü tá nimu rü tagutáma pengewemü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:17

Rü yíxema muarü diẽruã́xẽ i ñoma i naanewa, ¡rü tümamaxã nüxü̃ ixu nax tama ngẽmamaxã tügü ticua̱xüü̃güxü̃ca̱x rü tama nagu tarüxĩnüexü̃ca̱x nax ngẽma tümaarü diẽruwa nüxü̃ itayangaugüxü̃ i tümaarü maxü̃! Erü ngẽma diẽru rü paxa tá nagu̱x. Natürü narümemae nixĩ i Tupanaga taxĩnü, erü yimá nixĩ i tüxna naxãcü i maxü̃ rü guxü̃ma i ngẽmaxü̃gü i inaxwa̱xexü̃ nax itaãẽgüxü̃ca̱x.

Nüxíraxü̃xü̃ ga popera ga Pedru ümatüxü̃ 1:5

Rü ñu̱xma nax Tupanaaxü̃́ peyaxõgüxü̃, rü nüma rü norü poramaxã tá pexna nadau ñu̱xmatáta penayauxgü i ngẽma maxü̃ i taguma gúxü̃ i tá pexna naxãxü̃ i ngẽxguma nagu̱xgu i naane.