Lebítanüxü̃arü puracüchiga 26:11 - Tupanaarü Ore

¹¹ Rü choma rü petanüwa tá chamaxü̃ rü taxũtáma pexü̃ chaxo.

Lebítanüxü̃arü puracüchiga 26:11 Iomraidhean Croise

2 Chamué 7:7

Rü guxcüma ga gumá taunecügü ga nagu Iraétanüxü̃maxã ichixũcü, rü taguma nüxna chaca ga wüxi ga norü ãẽ̱xgacü nax cha̱u̱xca̱x wüxi ga ĩpata ga ocayiwanaxca̱x naxüxü̃ woo choma nax chayangucuchixẽxẽ ga yema ãẽ̱xgacügü nax Iraétanüxü̃maxã inacuáxü̃ca̱x.

Nüxíraxü̃xü̃ ga popera ga ãẽ̱xgacügüchiga 8:13

Natürü i ñu̱xmax rü cuxca̱x chanaxü ya wüxi ya cupata ya taxü̃ne nax guxü̃guma ngéma cumaxü̃xü̃ca̱x —ñanagürü.

Nüxíraxü̃xü̃ ga popera ga ãẽ̱xgacügüchiga 8:27

Natürü i cumax, rü ¿ñuxũcürüwa yanguxü̃ i ñoma i naanewa nax nawa cungexmaxü̃? Rü ngẽxguma chi guxü̃ma i ngẽma daxũguxü̃ i naane i taxüchixü̃ rü tama yanguxgu nax nawa cungexmaxü̃ ¿rü ñuxãcü tá yanguxü̃ ya daa ĩpata ya taxü̃ne ya cuxca̱x chaxüxü̃ne nax nawa cungexmaxü̃?

Wiyaegü 106:40

Rü nüma ga Tupana rü poraãcü namaxã nanu ga yema norü duü̃xü̃gü. Rü yemaca̱x noxtacüma nüxü̃ naxo.

Wiyaegü 76:2

Rü Yerucharéü̃wa nangẽma ya napata rü Chióü̃gu namaxü̃.

Wiyaegü 78:59

Rü yemaxü̃ nada̱u̱xgu ga nüma ga Tupana rü poraãcü nanu rü yema Iraétanüxü̃na nixũgachi.

Ínachoxü̃xü̃chiga 25:8

¡Rü cha̱u̱xca̱x penaxü ya wüxi ya chopata nax yimawa duü̃xü̃gütanüwa changexmaxü̃ca̱x!

Ínachoxü̃xü̃chiga 29:45

Rü choma rü tá natanüwa chamaxü̃ i ngẽma Iraétanüxü̃, rü norü Tupana tá chixĩ.

Ínachoxü̃xü̃chiga 29:46

Rü ngẽmaãcü tá nixĩ i nüxü̃ nacua̱xgüxü̃ nax choma chixĩxü̃ i norü Cori ya Tupana ga Equítuanewa íchanguxü̃xẽxẽxü̃ nax natanüwa chamaxü̃xü̃ca̱x. Rü choma nixĩ i norü Cori ya Tupana —ñanagürü.

Yeremía 14:21

¡Rü ngẽma cuéga i üünexü̃gagu, rü taxṹ i toxü̃ cuxoxü̃! ¡Rü taxṹ i nüxü̃ cuxoxü̃ ya yima ĩane ya curü tochicaxü̃ i üünexü̃ nawa ngẽxmane! ¡Rü nüxna nacua̱xãchi ga yema curü uneta ga tomaxã cuxüxü̃, rü taxṹ i nüxü̃ curüngü̃maxü̃!

Auxexü̃chiga 2:7

Rü nüma ga Cori ya Tupana rü marü nüxü̃ naxo ga norü ãmarearü guruxü̃, rü marü ínanata̱x ga napata. Rü norü uanügüme̱xẽwa nanange̱x ga guma ĩanearü poxeguxü̃tápü̱x rü norü ãẽ̱xgacüpatagü. Rü guma napata ya üünenewa rü yema uanügü rü poraãcü aixta naxüe ñoma petaarü ngunexü̃gurüxü̃.

Joel 2:27

Rü pemax, Pa Iraétanüxü̃x, rü tá nüxü̃ picua̱xãchitanü nax choma ya Cori rü aixcüma petanüwa changexmaxü̃ rü chaxicatama yixĩxü̃ i perü Tupana chixĩxü̃. Rü tagutáma wena texé pexü̃ taxãneexẽxẽ, Pa Chorü Duü̃xü̃güx —ñanagürü.

Lebítanüxü̃arü puracüchiga 20:23

Rü tama chanaxwa̱xe nax nacümagügu pexĩxü̃ i ngẽma duü̃xü̃gü i nüxíra nawa maxẽxü̃ i ngẽma naane i tá pepe̱xewa íchawoxü̃xü̃. Yerü nümagü rü nanaxügü ga guxü̃ma i ngẽma chixexü̃gü i pemaxã nüxü̃ chixuxü̃, rü yemaca̱x tama namaxã chapora ga yema duü̃xü̃gü.

Lebítanüxü̃arü puracüchiga 26:43

Rü ngẽxguma tama perü naanewa pengẽxmagüyane, rü ngẽma naane rü tá inarüngü̃. Natürü i pema rü tá penaxütanü i perü pecadu, yerü nüxü̃ pexo ga chorü ucu̱xẽgü rü naxchi pexai ga chorü mugü.

Lebítanüxü̃arü puracüchiga 26:44

Natürü woo ngẽma perü guxchaxü̃gügagu perü uanügüchixü̃anewa nax pengẽxmagüxü̃, rü choma rü tama choxü̃́ pewa̱xtümüü̃ rü tama pexü̃ chaxo. Rü ngẽmaca̱x taxũtáma pexü̃ chadai rü taxũtáma íchayanaxoxẽxẽ ga yema uneta ga perü o̱xigümaxã chaxüxü̃, erü choma nixĩ i perü Cori ya perü Tupana chixĩxü̃.

Chacaría 11:8

Rü wüxi ga tauemacügutama rü íchanawoxü̃ ga tomaepü̱x ga norü dauruü̃gü, yerü tama yáxna namaxã chaxĩnü, rü chauxchi naxaie.

Efesios 2:22

Rü ngẽmaãcü i pemax nax Cristuarü pixĩgüxü̃, rü wüxigu wüxichigü i pemax rü Tupanapata i Naãxẽ ya Üünexü̃ nawa maxü̃ne pixĩgü.

Wenaxarü naxümatü ga Tupanaarü mugü 32:19

Rü yemaca̱x nixĩ ga Cori ya Tupana rü pemaxã nanuxü̃, rü pexü̃ naxoxü̃ i pema nax naxacügü pixĩgüxü̃.

Yochué 22:19

Rü ngẽxguma ngẽma naane i pexna üxü̃ tama pexca̱x namexgux nax ngéma Tupanaxü̃ picua̱xüü̃güxü̃, rü name i torü naanewa pexĩ i Tupanapata íngẽxmaxü̃wa. ¡Rü naxca̱x peda̱u̱x i wüxi i nachica i torü naanewa nax ngéma pemaxẽxü̃ca̱x, natürü taxṹ i Cori ya Tupanamaxã penuexü̃! Rü ngẽxguma tá nüxna pixĩgachigu rü toma rü táta nitoguãchi. Rü ngẽmaca̱x tama name nax penaxüxü̃ i to i ãmarearü guruxü̃ naétü i ngẽma tórü Cori ya Tupanaarü ãmarearü guruxü̃.

Yochué 22:31

Rü nüma ga Fineéx ga chacherdóte ga Ereachá nane rü ñanagürü: —Ñu̱xma rü marü nüxü̃ tacua̱x nax tatanüwa nangẽxmaxü̃ ya Tupana, rü tama namaxã penuexü̃ rü ngẽmaca̱x marü taxũtáma toxü̃ napoxcue ya Tupana —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:3

Rü nüxü̃ chaxĩnü ga wüxi ga naga ga yema tochicaxü̃wa inaxũxü̃ ga tagaãcü ñaxü̃: “Ñaa nixĩ i nachica ya Tupana nawa maxü̃xü̃ natanüwa i duü̃xü̃gü. Rü nüma rü natanüwa tá nangẽxma, rü nümagü rü norü duü̃xü̃gü tá nixĩgü. Rü nüma tátama natanüwa namaxü̃ nax guxü̃guma norü Tupana yixĩxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:15

Rü ngẽmaca̱x nixĩ i Tupanaarü tochicaxü̃pe̱xewa tangexmagüxü̃ rü ngunecü rü chütacü rü nüxü̃́ tapuracüexü̃ i napatawa. Rü nümatama ya Tupana ya tochicaxü̃wa rütocü rü napatawa tá tüxna nadau.