Lebítanüxü̃arü puracüchiga 26:1 - Tupanaarü Ore

¹ ¡Taxũtáma ta̱xacü pegüca̱x pexüchicüna̱xãgü nax ngẽmaxü̃ picua̱xüü̃güxü̃ca̱x! ¡Rü taxũtáma pegüca̱x ípenatoxẽxẽxü̃ ya nutagü rüe̱xna penaxümatüxü̃ i nutagü nax nape̱xegu pecaxã́pü̱xügüxü̃ca̱x rü nüxü̃ picua̱xüü̃güxü̃ca̱x! Erü choma nixĩ ya perü Cori ya Tupana chixĩxü̃.

Lebítanüxü̃arü puracüchiga 26:1 Iomraidhean Croise

Norü taxre ga popera ga ãẽ̱xgacügüchiga 17:10

Rü yexgumarüxü̃ ta rü wüxichigü ga ma̱xpǘnegüetügu rü naigü ga meetaxü̃tüü̃gu nayanuã ga norü tupananetachicüna̱xãgü ga nutanaxca̱x rü Acheráchicüna̱xãgü.

Norü taxre ga popera ga ãẽ̱xgacügüchiga 17:16

Rü nüxü̃ narüxoe ga guxü̃ma ga norü Cori ya Tupanaarü mugü. Rü yemaca̱x nügüca̱x nanaxügü ga taxre ga wocaxacüchicüna̱xãgü ga úirunaxca̱x, rü nanaxügü ta ga tupananeta ga Acheráchicüna̱xãx. Rü naétü nüxü̃ nicua̱xüü̃gü ga üa̱xcü rü tauemacü rü woramacurigü rü ñu̱xũchi Baáchicüna̱xã rü ta.

Norü taxre ga popera ga ãẽ̱xgacügüchiga 17:8

Rü nagu namaxẽ ga nacümagü ga yema duü̃xü̃gü ga nüxíra yema naanewa yexmagüxü̃ ga Tupana norü o̱xigüpe̱xewa íwoxü̃xü̃. Rü ñu̱xmachi yema Iraéanearü ãẽ̱xgacügü naxca̱x íxügüxü̃ ga nacümagü ga chixexü̃gu rü ta namaxẽ.

Wiyaegü 78:58

Rü Tupanaxü̃ nanuxẽẽgü namaxã ga yema ãmaregü ga tupananetagüca̱x íguxü̃. Rü nüxü̃ nicua̱xüü̃gü ga tupananetachicüna̱xãgü rü yemaacü Tupanaãẽwa nananguxẽẽgü.

Wiyaegü 97:7

Rü Tupanape̱xewa narümaachitanü i guxü̃ma i ngẽma duü̃xü̃gü i tupananetachicüna̱xãgümaxã taãẽgüxü̃ rü nüxü̃ icua̱xüü̃güxü̃. Erü guxü̃ma i ngẽma tupananetachicüna̱xãgü rü Cori ya Tupanape̱xegu narümaachitanü.

Ínachoxü̃xü̃chiga 20:2

—Choma nixĩ i curü Tupana ga Equítuanewa cuxü̃ íchanguxuchixẽẽxü̃ naxme̱xwa ga Equítuanecüã̱xgü ga puracü cuétü nugüxü̃.

Ínachoxü̃xü̃chiga 20:23

Rü tama name nax ta̱xacürü naxchicüna̱xã i úirunaxca̱x rüe̱xna diẽrumünaxca̱x pegüca̱x pexüxü̃ nax nüxü̃ picua̱xüü̃güxü̃ca̱x ñoma choxü̃ picua̱xüü̃güxü̃rüxü̃.

Ínachoxü̃xü̃chiga 23:24

¡Rü taxũtáma nagu quixũ i nacüma i chixexü̃ i nagu namaxẽxü̃ i ngẽma nachixü̃anecüã̱xgü! ¡Rü taxũtáma nape̱xegu cucaxã́pü̱xü rü nüxü̃ quicua̱xüxü̃ i norü tupananetagü! Rü name nax nagu quipogügüxü̃ i norü tupananetachicüna̱xãgü rü norü nutagü ga namaxã natupanaã̱xgücü.

Ínachoxü̃xü̃chiga 34:17

Rü tama name i pegüca̱x penaxü i ta̱xacürü naxchicüna̱xã i úirunaxca̱x rüe̱xna diẽrumünaxca̱x nax ngẽmaxü̃ picua̱xüü̃güxü̃ca̱x —ñanagürü ga Tupana.

Ichaía 2:20

Rü ngẽma ngunexü̃gu rü duü̃xü̃gü rü tá ü̃cagüna rü chü̱xürigüna nanawoxochitanü i norü tupananetachicüna̱xãgü i úirunaxca̱x rü diẽrumünaxca̱x i nümatama ínaxüxüxü̃ nax nüxü̃ yacua̱xüü̃güxü̃ca̱x.

Lebítanüxü̃arü puracüchiga 19:4

¡Rü taxṹ i naxchicüna̱xãgüxü̃ picua̱xüü̃güxü̃! ¡Rü taxṹ i bróũchenaxca̱x i tupanachicüna̱xãgü pegüca̱x pexüxü̃! Erü choma nixĩ i perü Cori ya Tupana chixĩxü̃.

Lebítanüxü̃arü puracüchiga 25:55

Erü ngẽma Iraétanüxü̃ rü chorü duü̃xü̃gü nixĩgü, rü choma nixĩ ga Equítuanewa íchanguxü̃xẽẽxü̃. Rü choma nixĩ i Cori ya norü Tupana chixĩxü̃.

Lebítanüxü̃arü puracüchiga 7:33

Rü yimá chacherdóte ya cha̱u̱xca̱x yagucü i ngẽma chíxü̃ rü choxna naxãcü ya yimá nagü nax choxü̃ namaxã nangüxmüxẽẽxü̃ca̱x, rü yimá chacherdótearü tá nixĩ i ngẽma naxü̃naarü tügüneperema.

Ngechuchuarü ngúexü̃gü ga yamugüxü̃arü puracüchiga 17:29

Rü ñu̱xma nax Tupanaxacügü ixĩgüxü̃, rü tama name i nagu tarüxĩnüe rü Tupana rü wüxi i naxchicüna̱xã i úirumüwa rü ẽ̱xna diẽrumüwa rü ẽ̱xna nutawa ixüxü̃rüxü̃ nixĩ. Erü guxü̃ma i ngẽma naxchicüna̱xãgü rü nümatama i duü̃xü̃gü nagu naxĩnüexü̃ãcüma nanaxügü.

Wenaxarü naxümatü ga Tupanaarü mugü 27:15

“Ngẽma duü̃xü̃ i naxüxü̃ i wüxi i naxchicüna̱xã i nainaxca̱x rüe̱xna bróũchenaxca̱x, rü ñu̱xũchi wüxi i nachica i taxúema nüxü̃ ídauxü̃gu namaxã nguxü̃xü̃, rü ngẽma duü̃xü̃ rü Tupanape̱xewa rü poraãcü chixexü̃wa nangẽxma”. Rü ngẽxguma i guxü̃ma i duü̃xü̃gü rü: “Ngẽmaãcü yixĩ”, ñanagürügü tá.

Wenaxarü naxümatü ga Tupanaarü mugü 5:6

“Choma nixĩ i curü Tupana ga Equítuanewa cuxü̃ íchanguxuchixẽxẽxü̃ naxme̱xwa ga Equítuane ga norü mugüruxü̃ íquixĩxü̃wa.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:15

Natürü taxũtáma yima ĩanewa nichocu i ngẽma chixexü̃gü maxẽxü̃, rü ngẽma iyuüxü̃, rü ngẽma naxü̃nearü ngúchaü̃gu maxẽxü̃, rü ngẽma máetagüxü̃, rü ngẽma tupananetachicüna̱xãgüxü̃ icua̱xüü̃güxü̃, rü ngẽma womüxẽẽwa̱xegüxü̃ rü taxũtáma nawa nichocu ya yima ĩane.

Ãẽ̱xgacügü ga guxchaxü̃güarü mexẽxẽruü̃gü 18:30

Rü yema Dáü̃tanüxü̃ rü guma ĩanegu nanaxücuchi ga yema naxchicüna̱xã ga naiwa naxügüxü̃ nax yéma nüxü̃ yacua̱xüü̃güxü̃ca̱x. Rü norü chacherdóte nixĩ ga Yonatáü̃, ga Guerchóü̃ nane ga Moiché nataxa. Rü yemawena ga Yonatáü̃ nataagü rü Dáü̃tanüxü̃arü chacherdótegü nixĩgü rü ñu̱xmata norü uanügü to ga naanewa nagagü.