Lebítanüxü̃arü puracüchiga 24:9 - Tupanaarü Ore

⁹ Rü ngẽma tá nixĩ i Aróü̃arü rü nanegüarü rü nataagüarü puracü i guxü̃gutáma naxügüxü̃. Rü nümagü tá nixĩ i nangõ̱xgüãxü̃ i ngẽma paũ nawa i wüxi i nachica i üünexü̃, erü natanüwa i guxü̃ma i ãmaregü i cha̱u̱xca̱x iguxü̃ rü ngẽma paũ nixĩ i yexera rüxüünemaexü̃ —ñanagürü.

Lebítanüxü̃arü puracüchiga 24:9 Iomraidhean Croise

Ínachoxü̃xü̃chiga 27:21

Rü nüma ya Aróü̃ rü nanegü tá nixĩ i nüxna daugüxü̃ i ngẽma omügü nax ngẽmaãcü guxü̃ma i chütaxü̃ chope̱xewa nanaigüechaxü̃ca̱x nawa ya yima chopata. Rü ngẽma baú i mugüchixü̃arü tüyepe̱xewaama tá nixĩ i inanaigüechaxü̃ i ngẽma omügü. Rü ñaa mu rü chanaxwa̱xe i guxü̃gutáma ngẽma Iraétanüxü̃ rü nataagü nagu naxĩ.

Lebítanüxü̃arü puracüchiga 10:12

Rü yemawena nüma ga Moiché rü Aróü̃maxã rü Ereachámaxã rü Itamámaxã nidexa. Rü yema taxre nixĩ ga Aróü̃ nanegü ga íyaxügüxü̃. Rü ñanagürü nüxü̃: —¡Rü ngẽma ãmare i trigute̱xe i Cori ya Tupanaca̱x piguxü̃wa íyaxüxü̃ rü wüxi i paũ i ngearü pu̱xẽxẽruü̃ã́xü̃ nawa pexü̱x! ¡Rü ãmarearü guruxü̃xü̃tawa penangṍ, erü ngẽma trigute̱xe rü naxüünexü̃chi!

Lebítanüxü̃arü puracüchiga 10:17

—¿Tü̱xcüü̃ tama wüxi i nachica i üünexü̃wa penangõ̱x i ngẽma chíbu i pecaduarü ütanüca̱x imáxü̃? Erü ngẽma rü wüxi i ãmare i poraãcü üünexü̃ nixĩ. Rü nüma ya Cori ya Tupana rü marü pexna nanaxã i ngẽma chíbu nax namaxã peyanaxoxẽẽxü̃ca̱x i ngẽma Iraétanüxü̃arü chixexü̃ nax ngẽmaãcü Tupana nüxü̃́ nüxü̃ rüngü̃maxü̃ca̱x i norü pecadugü.

Lebítanüxü̃arü puracüchiga 21:22

Natürü name nax tanangṍxü̃ i ngẽma paũ rü naguxü̃raü̃xü̃ i õna i üünexü̃ rü Üünexüchixü̃.

Lebítanüxü̃arü puracüchiga 24:10

Rü Iraétanüxü̃tanüwa rü nayexma ga wüxi ga yatü ga naé Iraétanüxü̃ ixĩxẽ rü nanatü rü Equítuanecüã̱x ixĩcü. Rü naé rü Cheromíx nixĩ ga ngĩéga, rü Dibirí nixĩ ga ngĩnatü ga Dáü̃tanüxü̃ ixĩcü. Rü yema yatü rü yema ínapegüxü̃wa wüxi ga Iraétanüxü̃maxã narüxutagagü. Rü Tupanachiga chixexü̃ nixugü, rü yemaca̱x Moichéxü̃tawa nanagagü.

Lebítanüxü̃arü puracüchiga 3:17

Rü ngẽma nixĩ i wüxi i mu i guxü̃gutáma ngẽxmaechaxü̃ i pexacügüwa rü petaagüwa pexüexẽẽchigüxü̃ i ngextá ípemaxẽxü̃wa. ¡Rü taxũtáma penangõ̱x i ngẽma chíxü̃ rü yimá nagü! —ñanagürü.

Lebítanüxü̃arü puracüchiga 6:11

Rü ngẽmawena rü tá ínacuxuchi rü to i naxchirugu tá nicu̱x. Rü ngẽmaãcü wüxi i nachica i mexü̃ i ípepegüxü̃arü ĩxpemawa tá nayagü ya yimá tanimaca.

Lebítanüxü̃arü puracüchiga 6:16

Rü ngẽma trigute̱xewa íyaxüxü̃ rü Aróü̃ rü nanegüarü tá nixĩ. Natürü ngẽxguma nangõ̱xgüãgu i ngẽma trigute̱xearü paũ rü ngearü pu̱xẽẽruü̃ã́xü̃ tá nixĩ. Rü ngẽma tá nangõ̱xgü nawa i ngẽma nachica i üünexü̃ i woetama ngẽmaruxü̃ ixĩxü̃ i chopataã̱xtüwa ngẽxmaxü̃.

Lebítanüxü̃arü puracüchiga 6:9

—¡Aróü̃maxã rü nanegümaxã nüxü̃ ixu nax ñuxãcü tá yagugüãxü̃ i ngẽma naxü̃nagü i cha̱u̱xca̱x nada̱i̱xü̃! Rü ngẽma naxü̃nagü i yagugüxü̃ rü guxü̃ma i ngẽma chütaxü̃ rü ãmarearü guruü̃arü ã́xwe ya naicüétügu tá nananu nax ngẽxma yaxaexü̃ca̱x.

Lebítanüxü̃arü puracüchiga 8:3

¡Rü ñu̱xũchi chopataã̱xtüarü ücuchicagu nangutaque̱xexẽxẽ i guxü̃ma i duü̃xü̃gü! —ñanagürü ga Tupana.

Lebítanüxü̃arü puracüchiga 8:31

Rü yemawena ga Moiché rü Aróü̃maxã rü ñu̱xũchi nanegümaxã nidexa rü ñanagürü: —Rü ngẽma namachi rü Tupanapataarü ĩã̱xü̃tawa tá nixĩ i penamuxraxü̃. Rü ngẽxguma marü pexü̃́ nangẽxẽ̱xgu rü ngéma tátama nixĩ i penangṍxü̃ namaxã i ngẽma paũ i pexna chaxãxü̃ i ngẽxguma Tupanaarü puracüca̱x pexü̃ chaxunetagu. Yerü yemaacü nixĩ ga choxü̃ namuxü̃ ga Cori ya Tupana ga yexguma chomaxã yadexaxgu rü ñanagürü choxü̃: “Aróü̃ rü nanegü tá nixĩ i nangõ̱xgüxü̃ i ngẽma namachi,

Maraquía 1:12

Natürü i pema rü choxü̃ pinuxẽxẽ erü tama nüxü̃ pengechaxü̃ i ngẽma chorü ãmarearü guruxü̃ i chorü mecha ixĩxü̃. Rü ngẽmaca̱x i ãmare i tama mexü̃ cha̱u̱xca̱x nawa pigugü.

Ore i mexü̃ ga Matéu ümatüxü̃ 12:4

Rü Tupanapatagu naxücu rü nanangõ̱xgü ga yema paũ ga üünexü̃ ga Dabíca̱x rü namücügüca̱x chu̱xuxü̃. Yerü yema paũ rü chacherdótegüca̱xicatama nixĩ.

Ore i mexü̃ ga Márcu ümatüxü̃ 2:26

Rü yexguma chacherdótegüarü ãẽ̱xgacü yixĩxgu ga Abiatáru, rü Dabí rü Tupanapatagu naxücu. Rü nanangõ̱x ga yema paũ ga üünexü̃ ga chacherdótegüca̱xicatama ixĩxü̃. Rü nüma ga Dabí rü natanüxü̃maxã rü ta nangau ga yema paũ —ñanagürü.

Ore i mexü̃ ga Luca ümatüxü̃ 6:4

rü Tupanapatagu naxücu rü nanayaxu ga yema paũ ga üünexü̃ ga chu̱xuxü̃ nax ngexerüxemare nangṍxü̃? Rü chacherdótegüca̱xicatama nixĩ. Natürü ga Dabí rü nanayaxu ga yema paũ rü nanangõ̱x rü natanüxü̃maxã nangau —ñanagürü ga Ngechuchu.

1 Chamué 21:6

Rü yexguma nüma ga gumá chacherdóte rü Dabína nanana ga yema paũ ga Tupanaca̱x ixĩxü̃ yerü nataxuma ga to ga paũ. Natürü yematama ga ngunexü̃gu rü mecha ga üünexü̃wa nanade ga yema paũ ga Dabína nanaxü̃, rü yemachicüxü yexma nananu ga ngexwacaxü̃xü̃ ga paũ ga inaixü̃.