Lebítanüxü̃arü puracüchiga 24:5 - Tupanaarü Ore

⁵ ¡Rü nayaxu i ngẽma rümemaexü̃ i trigute̱xe rü ngẽmawa naxü i 12 i paũ i maixcuraxü̃ i ãgümücü i quíruarü ngãxü̃ yáxü̃ i wüxichigü!

Lebítanüxü̃arü puracüchiga 24:5 Iomraidhean Croise

Nüxíraxü̃xü̃ ga popera ga ãẽ̱xgacügüchiga 18:31

Rü nanayauxpüta ga 12 ga nuta nae̱xpü̱x ga nanegü ga Acóbu ga Iraégu ãégacü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:29

Rü nümagü ga Lebítanüxü̃ nixĩ ga naxügüãxü̃ rü namaxã inacua̱xgüxü̃ ga paũ ga ixüünexü̃ ga mea inumaxü̃. Rü namaxã inacua̱xgü ga trigute̱xe ga Tupanaarü ãmareca̱x ixĩxü̃, rü yema paũ ga ngearü pu̱xẽẽruü̃ã́xü̃. Rü yexgumarüxü̃ ta namaxã inacua̱xgü ga yema Tupanaarü ãmare ga paũ ga piripáü̃wa íguxü̃, rü yema paũchara ga Tupanaarü ãmareca̱x ixĩxü̃. Rü yexgumarüxü̃ ta namaxã inacua̱xgü ga guxü̃ma ga yáruü̃gü rü ngugüruü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:32

Rü ñuxre ga Queáxtanüxü̃arü puracü nixĩ nax naxügüãxü̃ ga paũ ga üünexü̃ ga meama iñumüxü̃ ga wüxichigü ga ngü̃chigaarü ngunexü̃gu.

Norü taxre ga to ga popera ga ãẽ̱xgacügüchiga ümatüxü̃ 13:11

Rü ngẽmagü nixĩ i ẽxü̃wa rü yáuanecü Cori ya Tupanaca̱x ínaguxü̃ i ãmaregü rü pumaragü i iyixichixü̃. Rü ngẽmagü nixĩ i mechawa mea yanuxü̃ i ngẽma paũgü i üünexü̃. Rü ngẽmagü nixĩ i guxü̃ma i yáuanecü nawa nanangixichigü i ngẽma omügü i úirumaxã ãxpaweruxü̃. Rü ngẽmaãcü i toma rü aixcüma tayanguxẽxẽ i Cori ya Tupanaarü mugü. Natürü i pema rü marü nüxna pixĩgachi.

Neemía 10:33

Rü yema nixĩ ga paũ ga Tupanape̱xewa inuxü̃, rü ãmaregü ga trigute̱xegü ga wüxichigü ga ngunexü̃gu ixãxü̃, rü naxü̃nagü ga wüxichigü ga ngü̃chigaarü ngunexü̃gu ínagugüxü̃, rü tauemacü ya ngexwacaxü̃cügu ínagugüxü̃ rü yema Tupanaca̱x naxüchigagüxü̃ ga petagügu ínagugüxü̃. Rü yexgumarüxü̃ ta yema diẽrumaxã tanaxütanü ga naxü̃nagü ga Iraétanüxü̃arü pecaduca̱x ínagugüxü̃ nax Tupana nüxü̃́ nüxü̃ irüngümaxü̃ca̱x ga norü pecadugü.

Neemía 10:34

Rü guxãma ga toma ga chacherdótegü rü Lebítanüxü̃ rü guxü̃ma ga duü̃xü̃gü rü sortéu taxü nax wüxichigü ga taunecügu nüxü̃ tacuáxü̃ca̱x nax ta̱xacürü ngunexü̃ tá nagu yanguchigüxü̃ i wüxichigü ya ĩpatacüã̱xgü nax Tupanapata ya taxü̃newa nangegüãxü̃ca̱x i üxü nax yema üxümaxã ãmarechicawa yagugüãxü̃ca̱x i Tupanaarü ãmaregü yema mugüpanewa naxümatüxü̃ãcü.

Ínachoxü̃xü̃chiga 25:30

Rü name nixĩ i ngẽma mechaétügu cunanu i ngẽma paũ i üünexü̃ i cha̱u̱xca̱x ixĩxü̃ nax guxü̃gutáma chope̱xewa nangẽxmaxü̃ca̱x.

Ínachoxü̃xü̃chiga 39:36

Rü nüxna nanaxãgü ta ga yema mecha ga paũ nagu nuxü̃ namaxã ga guxü̃ma ga norü yemaxü̃gü, rü yema paũ ga Tupanaca̱x íxüxüchixü̃.

Ínachoxü̃xü̃chiga 40:23

Rü yema mechaétügu Tupanape̱xegu meama nayanuma ga paũ yema Cori ya Tupana nüxü̃ ixuxü̃ãcüma.

Ínachoxü̃xü̃chiga 40:4

Rü ngẽma mecha i paũ nagu nuxü̃, rü ngẽma omüpaweru, rü aixepegu tá cunanu. Rü ngẽma mecha, rü nachicagu tá cunaxü rü naétügu tá mea cunanu i paũ. Rü ngẽma omüpaweruwa tá cunanucu i ngẽma norü chíxü̃paxü̃gü rü tá cuyanaigüxẽxẽ.

Iraétanüxü̃arü muxchiga 4:7

Rü ngẽxgumarüxü̃ ta i ngẽma mecha i paũ i üünexü̃ nagu nuxü̃ rü tá naxchiru i waxracharaxü̃maxã nanatütachinügü. Rü ngẽxma tá nananu ya yimá poratugü, rü cuyeragü, rü axepáxü̃gü, rü naxpáü̃gü ya yima ãmaregü ya bínuca̱x ixĩgüxü̃ rü ñu̱xũchi ngẽma paũ i üünexü̃ i wüxichigü i ngunexü̃ ngẽxma nuxü̃.

Ore i mexü̃ ga Matéu ümatüxü̃ 12:4

Rü Tupanapatagu naxücu rü nanangõ̱xgü ga yema paũ ga üünexü̃ ga Dabíca̱x rü namücügüca̱x chu̱xuxü̃. Yerü yema paũ rü chacherdótegüca̱xicatama nixĩ.

Ngechuchuarü ngúexü̃gü ga yamugüxü̃arü puracüchiga 26:7

Rü guxü̃ma i ngẽma 12 tücumügü ga Iraétanüxü̃ i Yudíugü rü ínanangu̱xẽẽgü nax yanguxü̃ i ngẽma uneta. Rü ngẽmaca̱x guxü̃guma i ngunecü rü chütacü rü Tupanaxü̃ nicua̱xüxü̃gü. Rü choma rü ta íchananguxẽxẽ nax yanguxü̃ i ngẽma uneta, rü ngẽmaca̱x nixĩ, Pa Ãẽ̱xgacüx, i ñu̱xma i choxü̃ ínaxuaxü̃güxü̃ i ngẽma chautanüxü̃ i Yudíugü.

Popera ga Yudíugü ga yaxõgüxü̃ca̱x ümatüxü̃ 9:2

Rü gumá Tupanapata ga naxchirunaxca̱x rü nitüyemachiã. Rü yema naxmachiã ga nüxíra nawa ixücuxü̃, rü “Naxmachiã i Üünexü̃”, nixĩ ga naéga. Rü yéma nayexma ga omü ga üünexü̃ rü mecha ga paũ ga üünexü̃ nagu nuxü̃.

Popera ga Chantiágu ümatüxü̃ 1:1

Pa Chautanüxü̃ i 12 i Iraétücumügü i Ngechuchuaxü̃́ Yaxõgüxü̃ i Guxü̃ i Naanewa Nawogüxü̃x, choma i Chantiágu pexü̃ charümoxẽ. Rü choma nixĩ i Tanatü ya Tupanaaxü̃́ rü tórü Cori ya Ngechuchu ya Cristuaxü̃́ chapuracüxü̃.

1 Chamué 21:6

Rü yexguma nüma ga gumá chacherdóte rü Dabína nanana ga yema paũ ga Tupanaca̱x ixĩxü̃ yerü nataxuma ga to ga paũ. Natürü yematama ga ngunexü̃gu rü mecha ga üünexü̃wa nanade ga yema paũ ga Dabína nanaxü̃, rü yemachicüxü yexma nananu ga ngexwacaxü̃xü̃ ga paũ ga inaixü̃.

1 Chamué 21:7

Rü yema ngunexü̃gu rü yéma Tupanapatawa nayexma ga wüxi ga Chaúarü ngü̃xẽẽruxü̃ ga woetama yéma yexmaxü̃. Rü nüma rü wüxi ga Edóü̃tanüxü̃ nixĩ rü Doéxgu naxãéga. Rü nüma rü Chaúarü carnérugüarü dauruü̃güeru nixĩ.