Lebítanüxü̃arü puracüchiga 23:8 - Tupanaarü Ore

⁸ Rü ngẽma 7 i ngunexü̃ tá nixĩ i cha̱u̱xca̱x ípenaguxü̃ i perü ãmaregü. Rü ngẽma norü 7 i ngunexü̃gu rü tá cha̱u̱xca̱x pengutaque̱xegü. ¡Rü taxuxü̃táma i puracü pexüe!” —ñanagürü ga Tupana.

Lebítanüxü̃arü puracüchiga 23:8 Iomraidhean Croise

Ínachoxü̃xü̃chiga 12:16

Rü ngẽma ngunexü̃ i nagu inaxügüxü̃gu i Üpetüchiga rü tá penaxü i wüxi i ngutaque̱xe i üünexü̃. Rü ngẽxgumarüxü̃ tá ta i norü 7 i ngunexü̃gu rü tá penaxü i to i ngutaque̱xe i üünexü̃. Rü guxü̃ma i ngẽma 7 i ngunexü̃gügu rü taxúetama ta̱xacürü puracü taxü. Rü ngẽma perü õna i pengṍxchaü̃xü̃xica tátama nixĩ i pexüxü̃.

Ínachoxü̃xü̃chiga 13:6

Rü 7 i ngunexü̃ tá paũ i ngearü pu̱xẽẽruü̃ã́xü̃ pengõ̱xgü. Rü ngẽxguma nawa yacuáxü̃ i ngunexü̃wa nanguxgu rü Cori ya Tupanaca̱x tá penaxü i wüxi i ngutaque̱xe i nagu nüxü̃ picua̱xüü̃güxü̃.

Echequié 45:23

Rü ngẽma 7 i ngunexü̃gü i ngẽma peta nagu naxüchigagüxü̃gu rü 7 i wocaxacügü i iyatüxü̃ i taxuwama ichixexü̃ rü 7 i carnérugü i iyatüxü̃ i taxuwama ichixexü̃ tá nixĩ i cha̱u̱xca̱x ínagugüxü̃. Rü ñu̱xũchi wüxichigü i ngẽma ngunexü̃gu rü tá cha̱u̱xca̱x nayama̱x i wüxi i chíbu i yatüxü̃ i pecaduarü ütanüruxü̃.

Lebítanüxü̃arü puracüchiga 23:7

Rü ngẽma nüxíraxü̃xü̃ i ngunexü̃gu rü tá cha̱u̱xca̱x pengutaque̱xegü. ¡Rü taxuxü̃táma i puracü pexüe!

Lebítanüxü̃arü puracüchiga 23:9

Rü nüma ga Cori ya Tupana rü Moichémaxã nidexa rü ñanagürü nüxü̃:

Iraétanüxü̃arü muxchiga 28:18

Rü ngẽma ngunexü̃ i nagu penaxügüxü̃ i ngẽma peta rü tá cha̱u̱xca̱x pengutaque̱xegü. ¡Rü ngẽma ngunexü̃ rü taxuxü̃táma i puracü pexüe!

Iraétanüxü̃arü muxchiga 28:25

Rü ngẽma petaarü 7 i ngunexü̃gu rü tá cha̱u̱xca̱x pengutaque̱xegü. ¡Rü ngẽma ngunexü̃gu rü taxuxü̃táma ta̱xacürü puracü pexüe!

Iraétanüxü̃arü muxchiga 28:26

Rü ngẽxguma penaxüchigagu i nüxíraxü̃xü̃ i penetüarü o rü tá Cori ya Tupanana penaxã i ngẽma nüxíraxü̃xü̃ i perü tríguarü ogü. Rü ngẽma peta i Yüxügüarü Petagu ãégaxü̃gu tá cha̱u̱xca̱x pengutaque̱xegü. ¡Rü ngẽma ngunexü̃gu rü taxuxü̃táma ta̱xacürü puracü pexüe!

Wenaxarü naxümatü ga Tupanaarü mugü 16:8

Rü 6 i ngunexü̃gu tá nixĩ i penangṍxü̃ i ngẽma paũ i ngearü pu̱xẽẽruü̃ã́xü̃. Rü norü 7 i ngunexü̃gu rü Cori ya perü Tupanaca̱x tá penaxü i wüxi i ngutaque̱xe i mexẽchixü̃. Rü ngẽma ngunexü̃ rü taxúetama tapuracü.