Lebítanüxü̃arü puracüchiga 21:1 - Tupanaarü Ore

¹ Rü Cori ya Tupana rü Moichéxü̃ ñanagürü: —¡Namaxã idexa i ngẽma chacherdótegü i Aróü̃ nataagü, rü namaxã nüxü̃ ixu rü tama name nax wüxi i natanüxü̃ i yuxü̃xü̃ yangógügüxü̃, rü ngẽmaãcü nax nügü yaxãũxãchixẽxẽxü̃!

Lebítanüxü̃arü puracüchiga 21:1 Iomraidhean Croise

Echequié 44:25

Rü ngẽma chacherdótegü rü tama name nax wüxi i yuetaxü̃ yangógügüxü̃, nax ngẽmaãcü tama chope̱xewa yaxãũxãchigüxü̃ca̱x. Natürü ngẽxguma chi nanatü rüe̱xna naé yixĩxgu, rüe̱xna nane, rüe̱xna naxacü, rüe̱xna wüxi ya naenexẽ, rüe̱xna wüxi ya naeya̱x ya ngetexe tixĩxgu ya yíxema yuxe, rü marü name nax tüxü̃ yangógügüxü̃.

Ochéa 5:1

Rü Cori ya Tupana rü ñanagürü ta: —¡Choxǘ iperüxĩnüe, Pa Chacherdótegüx! ¡Rü choxü̃́ iperüxĩnüe, Pa Iraéanecüã̱xgüx! ¡Rü choxü̃́ iperüxĩnüe Pa Ãẽ̱xgacügütanüxü̃ i Iraéanemaxã Icua̱xgüxü̃! Choma rü tá pexü̃ chapoxcue erü peyawomüxẽẽgü i chorü duü̃xü̃gü, rü yexeraãcü chixexü̃gu penayixẽxẽ i ngẽma Iraéanecüã̱xgü. Rü pemax, rü penamu nax yima ngutaque̱xepataü̃gü ya Mispáwa rü Tabóxwa ngẽxmagünewa tupananetagüxü̃ yacua̱xüü̃güxü̃.

Lebítanüxü̃arü puracüchiga 19:28

¡Rü ngẽxguma nayu̱xgu i wüxi i petanüxü̃, rü taxũtáma perü ngechaü̃maxã pegü pewixtüxü̃ne! ¡Rü taxũtáma pegü pexümatüxü̃negü! Rü choma nixĩ ya Cori ya Tupana.

Lebítanüxü̃arü puracüchiga 21:11

Rü nüma i chacherdótegüarü ãẽ̱xgacü rü taxũtáma nagu naxücu i wüxi i nachica i wüxi i yuxü̃ nawa ngẽxmaxü̃ rü woo nanatü rüe̱xna norü mama tixĩxgu nax tayuxü̃. Rü ngẽmaãcü taxũtáma wüxi i yuxü̃gagu nügü naxãũãchixẽxẽ.

Maraquía 2:1

Rü nüma ya Tupana rü ñanagürü: —Ñu̱xmax, Pa Chacherdótegüx, rü ñaa nixĩ i chorü ucu̱xẽ i pexca̱x ixĩxü̃:

Maraquía 2:4

Rü ngẽmaãcü düxwa tá nüxü̃ pecua̱x nax chomax yixĩxü̃ i pexna chaxãxü̃ i ñaa ucu̱xẽ nax naxca̱x pewoeguxü̃ca̱x i ngẽma chorü mugü ga perü o̱xigü ga Lebítanüxü̃maxã nüxü̃ chixuxü̃. Rü choma ya Cori ya Tupana ya Guxãétüwa Ngẽxmaxe nixĩ i nüxü̃ chixuxü̃ i ngẽma.

Iraétanüxü̃arü muxchiga 19:11

Rü texé ya yuxetaxü̃ ingógüxe rü 7 i ngunexü̃ tátama nixĩ i Cori ya Tupanape̱xewa taxãũãchixü̃.

Iraétanüxü̃arü muxchiga 19:14

Rü ngẽxguma wüxíe ĩpatagu yu̱xgu rü ñaa nixĩ i ngẽma chorü mugü. Rü guxü̃ma i duü̃xü̃gü ya yima ĩpataarü aixepewa ngẽxmagüxü̃ rü guxü̃ma i ngẽma nagu chocuxü̃ rü 7 i ngunexü̃ nixĩ i yaxãũãchixü̃ i chope̱xewa.

Iraétanüxü̃arü muxchiga 19:16

Yíxema duü̃xẽ ya nüxü̃ ingógüxe i wüxi i duü̃xü̃ i naanegu yama̱xgüxü̃ rüe̱xna ngẽxma yumarexe, rüe̱xna yuxetachina̱xãxü̃ ingógüxe, rüe̱xna wüxi i naxchique̱xexü̃ ingógüxe, rü 7 i ngunexü̃ tá chope̱xewa taxãũãchi.

Iraétanüxü̃arü muxchiga 5:2

—¡Namaxã nüxü̃ ixu i Iraétanüxü̃ nax ngẽma ínapegüxü̃wa ínamuxü̃ãxü̃ i guxü̃ma i ngẽma duü̃xü̃gü i chaxünemaxã ida̱xaweexü̃ rü ngẽma yatügü i norü yatüwa ida̱xaweexü̃ rü ngẽma chope̱xewa ãũãchiexü̃ nagagu nax yuetaxü̃ yangógügü̃xü̃! ¡Rü woo yatüxü̃ rü woo ngexü̃ rü ínamuxü̃ã i nügütanüwa i ngẽma Iraétanüxü̃! Rü ngẽmaãcü taxũtáma naxãũãchi i ngẽma nachica i Iraétanüxü̃ íngẽxmagüxü̃wa rü choma natanüwa íchamaxü̃xü̃wa —ñanagürü.

Iraétanüxü̃arü muxchiga 6:6

Rü taxuacütáma yuetana nangaicama, woo nanatü tixĩxgu, rüe̱xna naé tixĩxgu, rüe̱xna naenexẽ tixĩxgu, rüe̱xna naeya̱x tixĩxgu, nax tama chope̱xewa natagüxü̃ca̱x. Erü cha̱u̱xca̱xicatátama namaxü̃.