Lebítanüxü̃arü puracüchiga 20:3 - Tupanaarü Ore3 Choma rü tá namaxã chanu i ngẽma yatü, rü wüxicana tá ichayanaxoxẽxẽ i duü̃xü̃gütanüwa, nagagu nax tama chopataxü̃ nangechaxü̃xü̃ rü ñu̱xũchi nax naxãũãchixẽẽãxü̃ i chauéga i ngẽxguma wüxi ya nane ãmarexü̃ Molóxna tüxü̃ muxgu. Faic an caibideil |
Pa Iraétanüxü̃x, choma ya Cori ya Tupana rü ñachagürü pexü̃: —Ngẽxguma tama chauga pexĩnüechaü̃gu, ¡rü ẽcü nüxü̃ picua̱xüü̃gü i ngẽma perü naxchicüna̱xãgü i naxchi chaxaixü̃! Natürü nawa tá nangu i ngunexü̃ nax chauga tá pexĩnüexü̃. Rü ngẽxguma rü taxũtáma wena chope̱xewa chixexü̃ pexü namaxã i ngẽma ãmaregü i naxchicüna̱xãgüca̱x ípeguxü̃ nax ngẽmaãcü nüxü̃ picua̱xüü̃güxü̃ca̱x.
Rü choma nax Cori ya Tupana chixĩxü̃ rü chauégagu poxcu pemaxã chaxuegu. Yerü ga pema rü penaxãũãchixẽxẽ ga guma chopata ya üünene namaxã ga perü naxchicüna̱xãgü ga ãũãchixü̃ rü pecümagü ga chixexü̃. Rü ngẽmaca̱x i choma rü tá pexü̃ chadai. Rü taxũtáma pemaxã chixãũxãchi rü taxũtáma choxü̃́ pengechaxütümüxü̃gü.
Rü ngẽxguma ngẽma duü̃xü̃gü ya yima ĩanewa maxẽxü̃ca̱x nataxuraxü̃maregu i norü chixexü̃ i ngẽma yatü i naxacü Molóxna tüxü̃ muxü̃, rü tama yama̱xgüãgu, rü choma rü tá ngẽma yatümaxã chanu rü guxü̃ma i napatacüã̱xmaxã chanu. Rü choma rü wüxicana tá Iraégütanüwa ichayanaxoxẽxẽ i ngẽma yatü wüxigu namaxã i guxü̃ma i ngẽma duü̃xü̃gü i naxrüxü̃ chixexü̃ ügüxü̃ rü Molóxü̃ icua̱xüxü̃güxü̃.
Rü ngẽma chacherdótegü rü name nax aixcüma Tupanana nügü naxãgüxü̃ rü nügüna nadaugüxü̃ nax tama naxãũãchigüãxü̃ca̱x i Tupanaéga. Erü nümagü nixĩ i Tupanana naxãgüãxü̃ i ãmaregü i igugüxü̃ rü paũ i Tupanaca̱x ixĩxü̃, rü ngẽmaca̱x name nax guxü̃guma Tupanape̱xewa nügüna nadaugüxü̃ nax tama yaxãũãchigüxü̃ca̱x.
¿Rü ñuxãcü Tupanapatawa nangẽxmaxü̃ i tupananetachicüna̱xãgü? Erü yixema rü Tupana ya Maxü̃cüpata tixĩgü, rü tawa namaxü̃ i nümax. Rü nümatama ya Tupana rü ñanagürü: “Ngẽma duü̃xü̃gütanüwa tá chamaxü̃, rü natanügu tá chayarüxũũxü̃. Rü norü Tupana tá chixĩ, rü nümagü rü tá chorü duü̃xü̃gü nixĩgü”, ñanagürü.