Lebítanüxü̃arü puracüchiga 2:16 - Tupanaarü Ore

¹⁶ Rü ngẽmawena ya chacherdóte rü íxraxü̃ i ngẽma trigu i camüxü̃ tá nayaxu rü wüxigu namaxã i ngẽma chíxü̃ rü pumarate̱xe tá nayagu. Rü ngẽma ãmare i yaguxü̃wa tá nüxna cucua̱xãchi nax choma ya Cori ya Tupana chixĩxü̃ i cuxna chanaxãxü̃ i guxü̃ma i cuxü̃́ ngẽxmaxü̃.

Lebítanüxü̃arü puracüchiga 2:16 Iomraidhean Croise

Wiyaegü 141:2

Rü ñaa chorü yumüxẽ i cumaxã nüxü̃ chixuxü̃ ¡rü nayaxu ñoma pumarate̱xe i yáuanecü chaxunagüchacüxüãcüma cuxca̱x chiguxü̃rüxü̃!

Ichaía 61:1

Tupanaãxẽ i Üünexü̃ rü chowa nangẽxma, erü Tupana rü choxü̃ naxuneta rü choxü̃ inamuãchi nax yíxema ngearü diẽruã̱xgüxemaxã nüxü̃ chixuxü̃ca̱x i mexü̃ i ore rü tüxü̃ chataãẽxẽẽgüxü̃ca̱x ya yíxema naxĩ̱xãchiãẽgüxe. Rü choxü̃ naxuneta nax yíxema to i nachixü̃anewa gagüxemaxã nüxü̃ chixuxü̃ca̱x nax paxa tá ítanguxü̃xü̃ rü yíxema poxcupataxü̃wa ngẽxmagüxe rü tá ta ítanguxü̃xü̃

Lebítanüxü̃arü puracüchiga 1:9

Rü yíxema cha̱u̱xca̱x inaxãxe i ngẽma naxü̃na rü tá meama dexámaxã tayayauxgü i naü̃nüta rü naparagü. Rü nüma ya chacherdóte rü ngẽma guruü̃wa tá ínanagu i guxü̃ma nax choma namaxã chataãxẽxü̃ca̱x i ngẽma naema i ngẽma ãmare.

Lebítanüxü̃arü puracüchiga 2:12

Natürü ngẽxguma Cori ya Tupanana penaxãxgu i nüxíraxü̃güxü̃ i penetüarü o, rü name i namaxã Tupanana penaxã i ngẽma pu̱xẽẽruxü̃ rü berure. Natürü taxũtáma ãmarearü guruü̃wa ípenagu i ngẽma pu̱xẽẽruxü̃ rü berure nax naemamaxã nataãẽxü̃ca̱x ya Cori ya Tupana.

Lebítanüxü̃arü puracüchiga 2:14

Rü ngẽxguma Cori ya Tupanana cunaxãxgu i wüxi i ãmare i triguwa üxü̃, rü name i nüxíra cubuxuxü̃ i triguwa icunaxã. Rü name i trigu i ngexwaca buxü̃ nax yixĩxü̃. Rü name i üxüwa igoxtanüxü̃ rü meama icamüxü̃ nax yixĩxü̃. Rü ngẽma tá nixĩ i curü ãmare i ngẽma nüxíra cubuxu i curü triguwa cuxüxü̃.

Lebítanüxü̃arü puracüchiga 2:15

Rü ngẽma ãmareétü tá cunaba i chíxü̃ rü tá cunagü i pumarate̱xe. Erü ngẽma rü wüxi i ãmare i trigu i camüxü̃ nixĩ.

Lebítanüxü̃arü puracüchiga 2:9

Rü ngẽma ãmarearü guruxü̃ íngẽxmaxü̃wa rü nüma i chacherdóte rü tá íxraxü̃ nayaxu i ngẽma ãmare. Rü ngẽma ãmarearü guruü̃wa tá nayagu nax ngẽmawa choxna cucua̱xãchixü̃ca̱x. Rü ngẽma naema i ngẽma ãmare, rü choma ya Cori ya Tupana rü tá namaxã chataãxẽ.

Popera ga Yudíugü ga yaxõgüxü̃ca̱x ümatüxü̃ 5:7

Rü yexguma Cristu ñoma ga naanewa maxü̃gu, rü poraãcü nayumüxẽ rü tagaãcü rü naxauxãcü Tupanana naca nax nüxü̃ nangü̃xẽẽxü̃ca̱x nax naga naxĩnüxü̃ca̱x, yerü Tupana rü naporachire̱x nax nawa ínanguxuchixẽẽãxü̃ca̱x ga yema yu. Rü Tupana rü Cristuxü̃ naxĩnü yerü Tupanaga naxĩnü.