Lebítanüxü̃arü puracüchiga 2:12 - Tupanaarü Ore

¹² Natürü ngẽxguma Cori ya Tupanana penaxãxgu i nüxíraxü̃güxü̃ i penetüarü o, rü name i namaxã Tupanana penaxã i ngẽma pu̱xẽẽruxü̃ rü berure. Natürü taxũtáma ãmarearü guruü̃wa ípenagu i ngẽma pu̱xẽẽruxü̃ rü berure nax naemamaxã nataãẽxü̃ca̱x ya Cori ya Tupana.

Lebítanüxü̃arü puracüchiga 2:12 Iomraidhean Croise

Naanearü ügüchiga 23:17

Rü yema Efróü̃arü naane ga Maxperáwa yexmaxü̃ ga Mamréarü éstewaama, rü Abraáü̃ naxca̱x nataxe namaxã ga yema naxma̱xü̃ rü guxü̃ma ga yema nanetügü ga yema naanewa rüxügüxü̃. Rü yemaacü Abraáü̃arü nixĩgü. Rü yema Itítanüxü̃ ga yéma yexmagüxü̃ rü guxü̃ma ga yema duü̃xü̃gü ga guma ĩanearü ĩã̱xwa chopetüxü̃ nüxü̃ naxĩnüe, rü yemaacü nüxü̃ nacua̱x nax aixcüma Abraáü̃arü yixĩxü̃ ga yema naane.

Norü taxre ga to ga popera ga ãẽ̱xgacügüchiga ümatüxü̃ 31:5

Rü yexguma guxü̃wama nanguxgu ga yema ãẽ̱xgacüarü mu, rü yema Iraétanüxü̃ rü guxü̃ma ga norü ngúchaü̃maxã inanaxãgü ga yema rümemaegüxü̃ ga tríguarü o, rü bínu, rü chíxü̃, rü berure, rü naguxü̃raü̃xü̃ ga yema nanetügü ga naanewa inatogüxü̃arü o. Rü naétü yéma nanana ta ga norü diésmu ga nanetügüarü o. Rü yemaacü namuxũchi.

Ínachoxü̃xü̃chiga 22:29

Rü ngẽma penetügüarü o i choxna üxü̃, rü name nixĩ i paxa choxna penaxã. Rü ngẽxgumarüxü̃ ta i perü úbachiüwa rü chanaxwa̱xe i paxa choxna penaxã i ngẽma choxna üxü̃. Rü yimá nüxíraü̃cü ya pene ya woetama choxna ücü, rü name nixĩ i chopatawa naxca̱x penaxütanü i ngẽma choma nagu chaxunetaxü̃.

Ínachoxü̃xü̃chiga 23:19

Rü ngẽma nüxíraxü̃xü̃ i norü o i ngẽma cunetügüwa quibuxgüxü̃, rü name nixĩ i Tupanapatawa cunana i ngẽma rümemaegüxü̃. ¡Rü taxũtáma naégünenixü̃wa cunamuxra i ngẽma chíbuxacügü!

Ínachoxü̃xü̃chiga 34:22

¡Rü penaxüchiga i Yüxügüarü Peta i nagu peyabugüxü̃ i ngẽma nüxíraxü̃xü̃ i norü o i penetü i peanegu petoxü̃ rü ñu̱xũchi taunecüarü gu̱xgu peyabugü i ngẽma nawa iyacuáxü̃ i norü o!

Lebítanüxü̃arü puracüchiga 23:10

—Ñaa ore tá nixĩ i namaxã nüxü̃ quixuxü̃ i ngẽma Iraétanüxü̃: “Rü ngẽxguma nagu pechocu̱xgux i ngẽma naane i choma tá pexna chaxãxü̃, rü ngẽxguma peyabuxgügu i perü trigu, rü tá perü chacherdótena penaxã i ngẽma nüxíra pebuxuxü̃ i norü o i ngẽma trigu

Lebítanüxü̃arü puracüchiga 23:17

Rü pepatawa tá ne penange i taxre i paũ i ngẽma rümemaexü̃ i trigute̱xewa üxü̃ i pu̱xẽẽruü̃ã́xü̃. Rü 4 quíru naguxü̃ tá nixĩ i wüxichigü i ngẽma paũ, rü chope̱xewa tá peyachü̱xacüüxẽxẽ. Rü ngẽma rü wüxi i ãmare i nüxíra pebuxuxü̃ i perü tríguarü owa üxü̃ tá nixĩ.

Lebítanüxü̃arü puracüchiga 7:13

Rü wüxigu namaxã i ngẽma naxü̃na i namaxã choxü̃ perüngüxmüxẽẽxü̃ rü moxẽ choxna pexãxü̃, rü tá choxna penaxã i paũ i maixcuraxü̃ i pu̱xẽẽruü̃ã́xü̃.

Iraétanüxü̃arü muxchiga 15:20

Rü ngẽma trigu i nüxíra pepúxü̃ rü tá choxna penaxãmare. Rü ngẽxgumarüxü̃ ta i ngẽma nüxíraxü̃xü̃ i nacharawa pexüxü̃ i paũ rü tá choxna penaxãmare. Rü ngẽma ãmare tá nixĩ i guxü̃guma choxna pexãxü̃.

Iraétanüxü̃arü muxchiga 18:12

Rü ngẽxgumarüxü̃ ta cuxna chanaxã i ngẽma nanetügüarü o i nüxíraxü̃güxü̃ i wüxichigü ya taunecügu choxna naxãgüxü̃ i Iraétanüxü̃. Rü ngẽxgumarüxü̃ ta cuxna chanaxã i ngẽma chíxü̃ i rümemaexü̃ rü yimá bínu ya rümemaecü rü ñu̱xũchi ngẽma trigu i rümemaexü̃.

1 Corintios 15:20

Natürü aixcümaxü̃chi nixĩ ga Cristu ga yuwa nax ínadaxü̃. Rü natanüwa i guxü̃ma i ngẽma yuexü̃ i yixcüra tá írüdagüxü̃, rü Cristu nixĩ ga namaxã inaxügücü nax ínadaxü̃, yerü nüma nixĩ ga nüxíra wena namaxü̃xü̃.

Wenaxarü naxümatü ga Tupanaarü mugü 26:10

Rü ngẽmaca̱x ngẽma naane i Cori ya Tupana choxna ãxü̃wa nua chanana i ngẽma chaunetüarü o i nüxíraxü̃güxü̃”, ñacurügü tá. Rü ngẽmawena rü Cori ya Tupanaarü ãmarechicape̱xegu tá cunaxǘ ya yima pexchi. Rü ñu̱xũchi Cori ya Tupanape̱xegu tá cucaxã́pü̱xü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:4

Rü yema nixĩ ga duü̃xü̃gü ga tama ñoma ga naanearü ngúchaü̃ i chixexü̃maxã nügü ãũãchiarü maxü̃ã̱xgüxü̃ rü tama nüxü̃ rüxoexü̃ nax Tupanaaxü̃́ yaxõgüãxü̃. Rü nümagü rü yimá Carnéruxacüwe narüxĩ i ngextá ínaxũxü̃wa. Rü yemagü nixĩ ga ñoma ga naanecüã̱xtanüwa nüxíra Tupanaaxü̃́ yaxõgüxü̃ rü gumá Carnéruxacüaxü̃́ yaxõgüxü̃ rü nayauxgüxü̃ i maxü̃ i taguma gúxü̃.