Lebítanüxü̃arü puracüchiga 2:11 - Tupanaarü Ore

¹¹ Rü tama name i pu̱xẽẽruü̃maxã penaxüéxü̃ i ngẽma ãmare i trigute̱xenaxca̱x i Cori ya Tupanana pexãxü̃, erü wüxi i ãmare i Cori ya Tupanaca̱x íguxü̃ rü tama name nax nüxü̃́ nangẽxmaxü̃ i berure rüe̱xna pu̱xẽẽruxü̃.

Lebítanüxü̃arü puracüchiga 2:11 Iomraidhean Croise

Ínachoxü̃xü̃chiga 23:18

Rü ngẽxguma naxü̃nagü cha̱u̱xca̱x cudaixgu, rü tama chanaxwa̱xe ya yimá nagü rü paũ i pu̱xẽẽruxü̃ã́xü̃maxã wüxigu choxna cunaxã. Rü ngẽma naxü̃na i cha̱u̱xca̱x cuda̱i̱xü̃ rü tama name nax norü chíxü̃maxã penguxü̃xü̃ perü moxü̃ãcüruxü̃.

Ínachoxü̃xü̃chiga 29:25

¡Rü ngẽmawena rü nüxna nade i naxme̱xwa, rü ãmarearü guruü̃wa ínagu wüxigu namaxã i ngẽma naxü̃na i quimáxü̃! Rü ngẽma naema i ngẽma ãmare rü choma rü tá poraãcü namaxã chataãẽxü̃chi. Erü ngẽma nixĩ i ãmare i cha̱u̱xca̱x quiguxü̃.

Ínachoxü̃xü̃chiga 34:25

Rü ngẽxguma naxü̃nagü cha̱u̱xca̱x peda̱i̱xgu rü ípenaguxgu, rü tama chanaxwa̱xe ya yimá nagü rü paũ i pu̱xẽẽruxü̃ã́xü̃maxã wüxigu choxna cunaxã. Rü ngẽxgumarüxü̃ ta tama name i to i ngunexü̃ca̱x ípeyaxüxẽxẽ i ngẽma naxü̃namachi i Üpetüchigaca̱x daixü̃.

Ucu̱xẽgüchiga 24:13

Pa Chaunex, ¡yaxaxü ya yima berure ya maixcuraxüchine ya naxchiãü̃wa ibaxü̃ne! ¡Rü dücax, nüxü̃ naweneta nax ñuxãcü nachi̱xichixü̃!

Ucu̱xẽgüchiga 25:16

Ngẽxguma beruremaxã curüxũxgu, rü tama name i taxüchine quixaxü. Erü ngẽxguma taxüchine quixaxüxgu, rü tá namaxã cugü cuxoxgü.

Ucu̱xẽgüchiga 25:27

Tama name nax poraãcü berure ixaxüxü̃. Rü ngẽxgumarüxü̃ ta tama name nax texé tügütama icua̱xüxü̃xü̃.

Lebítanüxü̃arü puracüchiga 1:13

Rü ngẽmawena ya yíxema Tupanaca̱x ãmare iguxe rü tá dexámaxã tayayauxgü i naü̃nüta rü naparagü. Rü nüma i chacherdóte rü ngẽma guruü̃wa tá ínanagu i guxü̃ma nax choma ya Cori ya Tupana namaxã chataãẽxü̃ca̱x i ngẽma naema i ngẽma ãmare.

Lebítanüxü̃arü puracüchiga 6:10

Rü moxü̃ãcü pa̱xmama rü nüma ya chacherdóte rü tá nicuxcuchi i naxchiru i línuchinaxca̱x rü natüü̃chiru i ngẽmarüü̃tama ixĩxü̃. Rü ngẽmawena rü ngẽma guruü̃wa tá nanayaxu i ngẽma naxü̃naarü tanimaca. Rü ngẽma guruü̃cüwagu tá nanagütaque̱xe.

Ore i mexü̃ ga Matéu ümatüxü̃ 16:6

Rü yexguma ga Ngechuchu rü ñanagürü nüxü̃: —¡Dücax, pexuãẽgü naxca̱x i Parichéugüarü rü Chaduchéugüarü paũarü pu̱xẽẽruxü̃! —ñanagürü.

Ore i mexü̃ ga Márcu ümatüxü̃ 8:15

Rü yexguma ga Ngechuchu rü nayaxucu̱xẽgü, rü ñanagürü nüxü̃: —¡Dücax, pexuãxẽ naxca̱x i Parichéugüarü rü Eródearü paũarü pu̱xẽxẽruxü̃! —ñanagürü.

Ore i mexü̃ ga Luca ümatüxü̃ 12:1

Rü yoxni yexma nangutaque̱xegü ga muxũchixü̃ ga duü̃xü̃gü. Rü yema nax namuxũchixü̃ca̱x rü düxwa nügü nicuxnetaetanü. Rü Ngechuchu inanaxügü ga norü ngúexü̃gümaxãxíra nax yadexaxü̃, rü ñanagürü: —¡Pexũãxẽgü naxca̱x i ngẽma Parichéugücüma! Erü duü̃xü̃güpe̱xewa mea namaxẽneta, natürü naãxẽwa rü chixexü̃gu narüxĩnüe.

Ore i mexü̃ ga Luca ümatüxü̃ 21:34

¡Pexũãxẽgü nax tama ta̱xacürü chixexü̃gagu düxwa nüxü̃ perüxoexü̃ nax peyaxõgüxü̃! Rü ngẽmaca̱x penaxwa̱xe nax pegüna pedaugüxü̃ nax tama pengãxẽxü̃ rüẽ̱xna ñoma i naanearü ngúchaü̃gu perüxĩnüexü̃. Erü ngürüãchi ngẽmagu íperüxĩnüeyane tá íchangu.

Ngechuchuarü ngúexü̃gü ga yamugüxü̃arü puracüchiga 14:22

Rü gumá ĩanegüwa rü yema yaxõgüxü̃xü̃ nixucu̱xẽgü, rü nüxü̃́ nanangúchaü̃xẽẽgü nax guxü̃guma mea yaxõgüãxü̃ca̱x. Rü namaxã nüxü̃ nixugüe, rü ñanagürügü: —Ngẽma Tupana ãẽ̱xgacü ixĩxü̃wa nax ixücuxü̃ca̱x, rü tanaxwa̱xe i muxü̃ma i guxchaxü̃gümaxã yáxna taxĩnüexü̃ i ñoma i naanewa —ñanagürügü.

Gálatas 5:9

Rü wüxi i íxraxü̃ i paũarü pu̱xẽẽruxü̃ rü guxü̃ma i ngẽma paũchara nipu̱xẽxẽ.