Lebítanüxü̃arü puracüchiga 2:1 - Tupanaarü Ore

¹ Rü ngẽxguma texé Cori ya Tupanaxü̃ trigute̱xemaxã ãmareã̱xgu, rü name nax chauxü̃tawa tanangexü̃ i ngẽma trigute̱xe i rümemaexü̃. Rü ngẽmaétü tá nabaxü̃ i chíxü̃ rü tá nagüxü̃xü̃ i pumarate̱xe.

Lebítanüxü̃arü puracüchiga 2:1 Iomraidhean Croise

Ínachoxü̃xü̃chiga 29:2

¡Rü ngẽma rümemaexü̃ i trigute̱xewa naxü i paũ rü ñu̱xũchi paũ i maixcuraxü̃ i ngearü pu̱xẽẽruü̃ã́xü̃ i meama chíxü̃maxã ñucharaxü̃! ¡Rü ngẽxgumarüxü̃ ta naxü i paũ i ãtachinüxü̃ i ngearü pu̱xẽẽruü̃ã́xü̃ i chíxü̃maxã ñucharaxü̃!

Ichaía 43:23

Rü pema rü tama cha̱u̱xca̱x ípenagu ga carnérugü rü tama to i ãmaregü choxna pexãgü nax namaxã choxü̃ picua̱xüü̃güxü̃ca̱x. Rü choma rü tama naxca̱x pexü̃ chaca̱a̱xü̃ nax ãmaregü choxna pexãxü̃ rü tama pexü̃ chachixewe nax pumarate̱xe cha̱u̱xca̱x ípeguxü̃.

Ichaía 66:20

Rü nua chorü ma̱xpǘne ya üünene ya Yerucharéü̃wa ngẽxmanewa tá nanagagü i ngẽma petanüxü̃ i guxü̃ i nachixü̃anegüwa ne nagagüxü̃. Rü nümaxü̃ rü tá cowaruétügu rü togü i carugu, rü togü i caruü̃gu rü togü i mulaétügu rü togü i caméyuétügu tá nua nanagagü, ñoma Iraétanüxü̃ naxpáü̃ i mexü̃gu norü ãmaregü chopata ya taxü̃newa ngẽgüxü̃rüxü̃ —ñanagürü.

Echequié 46:20

Rü yexguma ga gumá yatü rü chomaxã nidexa rü ñanagürü: —Ñaa nachicawa tá nixĩ i chacherdótegü namuxragüãxü̃ i namachi i ngẽma naxü̃nagü i pecaduarü ütanüca̱x nada̱i̱xü̃, rü ngẽma naxü̃nagü i duü̃xü̃gü ta̱xacürü guxchaxü̃ naxügüxü̃gagu inaxãmaregüxü̃. Rü ñaa nachicawa tá nixĩ i chacherdótegü namuxragüãxü̃ i ngẽma trigute̱xe i ãmare ixĩxü̃. Rü ngẽmaãcü i chacherdótegü rü taxũtáma ĩã̱xtüwa nanangegü i ngẽma ãmaregü, rü nüma i duü̃xü̃gü rü taxũtáma nüxna nangaicamagü i ngẽma õnagü i üünexü̃ —ñanagürü.

Joel 1:9

Rü ngẽma chacherdótegü rü naxauxe erü Tupanapata ya taxü̃newa rü marü nataxuma i trigute̱xe rü bínu nax ngẽma Cori ya Tupanana naxãmaregüxü̃ca̱x.

Joel 2:14

Rü ngẽxguma aixcüma naxca̱x pewoegu̱xgu rü ngürüãchi tá ínayachaxãchi nax pexü̃ napoxcuexü̃. Rü tá pexü̃ narüngü̃xẽxẽ nax wena naxügüxü̃ca̱x i perü trigu rü úbagü nax ngẽmaãcü pexü̃́ nangẽxmaxü̃ca̱x i perü ãmaregü i tá nüxna pexãgüxü̃.

Lebítanüxü̃arü puracüchiga 14:10

Rü ngẽma norü 8 i ngunexü̃gu ya yíxema tümaca̱x yataanexe rü tá tayayaxu i taxre i carnéruxacü i yatüxü̃ i ngearü chixexü̃ã́xü̃, rü ñu̱xũchi wüxi i carnéruxacü i ngexü̃ i wüxi ya taunecü nüxü̃́ ngẽxmaxü̃ i ngearü chixexü̃ã́xü̃. Rü ñu̱xũchi tá tanayaxu i 6 quíru i trigute̱xe i rümemaexü̃ i chíxü̃maxã ãéü̃xü̃. Rü ngẽxgumarüxü̃ tá ta tanayaxu i ngãxü̃ i litru i chíxü̃.

Lebítanüxü̃arü puracüchiga 24:7

¡Rü wüxitücumüchigü i paũcüwagu nagü i pumarate̱xe i nüxica ixĩxü̃! Rü ngẽma pumarate̱xe tá nixĩ i wüxi i ãmare i cha̱u̱xca̱x piguxü̃ nax pexna chacua̱xãchixü̃ca̱x.

Lebítanüxü̃arü puracüchiga 5:11

Rü yíxema duü̃xẽ rü ngẽxguma tangearü diẽruxã̱xgu nax taxre ya muxtucuca̱x rüe̱xna taxre ya muxtucuxacüca̱x tataxexü̃, rü name nixĩ i taxre i quíru nagu i trigute̱xe i rümemaexü̃ choxna taxãxü̃. Natürü ngẽma trigute̱xe i choxna taxãxü̃ rü tama name nax chíxü̃maxã rüe̱xna pumarate̱xemaxã tanaxüéxü̃. Erü ngẽma rü wüxi i ãmare i pecaduarü ütanüruxü̃ nixĩ.

Lebítanüxü̃arü puracüchiga 6:7

Rü nüma ya chacherdóte tá tümaarü chixexü̃ca̱x chopexegu nayagu. Rü choma rü tá tüxü̃́ nüxü̃ icharüngüma i guxü̃ma i ngéma pecadu i taxüxü̃ —ñanagürü.

Lebítanüxü̃arü puracüchiga 9:17

Rü yemawena Cori ya Tupanana nanaxã ga yema ãmare ga trigute̱xe. Rü yema trigute̱xewa nanayaxu ga wüxi ga naxme̱xãcu nax ãmarearü guruü̃wa naguãxü̃ca̱x wüxigu namaxã ga yema ãmare ga pa̱xmama Tupanaca̱x yaguxü̃.

Lebítanüxü̃arü puracüchiga 9:4

¡Rü ngẽxgumarüxü̃ ta namaxã nüxü̃ ixu nax nua nagagüãxü̃ i wüxi i woca i yatüxü̃, rü wüxi i carnéru i yatüxü̃ nax Cori ya Tupanaca̱x nadaiaxü̃ca̱x rü ngẽmamaxã nax nangüxmüexẽẽgüãxü̃ca̱x! ¡Rü namaxã nüxü̃ ixu nax nua nangegüãxü̃ i norü ãmare i trigute̱xe i chíxü̃maxã iñumüxü̃, erü nüma ya Cori ya Tupana rü ñoma i ngunexü̃ tá pexü̃ nügü nawe̱x! —ñanagürü ga Moiché.

Maraquía 1:11

Rü guxü̃ma i nachixü̃anegü i ñoma i naanecüã̱x rü duü̃xü̃gü choxü̃ nicua̱xüü̃gü, rü pumarate̱xe cha̱u̱xca̱x nigugü rü ãmare choxna naxãgü.

Iraétanüxü̃arü muxchiga 18:9

Rü cuxrü tá nixĩ i ngẽma ãmaregü i Iraétanüxü̃ choxna ãgüxü̃. Rü ngẽma naxü̃nagü i cha̱u̱xca̱x peguxü̃wa rü cuxrü tá nixĩ i ngẽma namachi i cuxna üxü̃. Rü cuxrü tá nixĩ i ngẽma ãmaregü i trigute̱xe, rü ãmaregü i pecaduarü ütanüruü̃gü, rü ãmaregü i Iraétanüxü̃ choxna naxü̃ norü guxchaxü̃gü i naxügüxü̃arü ütanüruxü̃. Rü guxü̃ma i ngẽma ãmaregü i üünexü̃ rü tá cuxrü rü cunegüarü nixĩ.

Iraétanüxü̃arü muxchiga 28:5

Rü wüxigu ngẽma carnérugümaxã rü tá choxna penaxã i taxre i quíru i arína i mexẽchixü̃ i wüxi i litru i oribuarü chíxü̃maxã ñumüxü̃ —ñanagürü ga Tupana.

Iraétanüxü̃arü muxchiga 29:18

Rü ngẽma wüxichigü i wocaxacü, rü carnéru, rü carnéruxacü, rü norü arínamaxã rü norü bínumaxã tá ípenagu, ngẽma choma pexü̃ chamuxü̃ãcüma.

Iraétanüxü̃arü muxchiga 7:13

Rü norü ãmare nixĩ ga wüxi ga bachía ga diẽrumünaxca̱x ga 1,430 gramu yacü, rü wüxi ga tachóü̃ ga diẽrumünaxca̱x ga 770 gramu yacü ga yexguma Tupanapataarü yáruü̃wa inayaxgu. Rü gumá bachía rü gumá tachóü̃ rü nixããcu namaxã ga yema rümemaexü̃ ga arína ga chíxü̃maxã iñumüxü̃ naxca̱x ga yema ãmare ga ãte̱xexü̃.

Iraétanüxü̃arü muxchiga 7:19

Rü norü ãmare nixĩ ga wüxi ga bachía ga diẽrumünaxca̱x ga 1,430 gramu yacü, rü wüxi ga tachóü̃ ga diẽrumünaxca̱x ga 770 gramu yacü ga yexguma Tupanapataarü yáruü̃wa inayaxgu. Rü gumá bachía rü guma tachóü̃ rü nixããcu namaxã ga yema rümemaexü̃ ga arína ga chíxü̃maxã iñumüxü̃ naxca̱x ga yema ãmare ga ãte̱xexü̃.

Iraétanüxü̃arü muxchiga 8:8

Rü ngẽmawena rü ngéma tá nanagagü i wüxi i wocaxacü i yatüxü̃, rü ngéma tá nanangegü i íxraxü̃ i arína i rümemaexü̃ i chíxü̃maxã i ñumüxü̃ i chorü ãmareruxü̃. Rü naétü rü ngéma tá nanaga i wüxi i to i wocaxacü i yatüxü̃ norü pecaduarü ütanüruxü̃.

Ore i mexü̃ ga Cuáü̃ ümatüxü̃ 6:35

Rü Ngechuchu ñanagürü nüxü̃: —Choma nixĩ i ngẽma paũ i maxẽxẽẽruxü̃ chixĩxü̃. Rü yíxema texé ya chowe rüxũxẽ rü tagutáma tataiya. Rü texé ya choxü̃́ yaxṍxe rü tagutáma tita̱xawa.

Nüxíraxü̃xü̃ ga popera ga Cuáü̃ ümatüxü̃ 2:20

Natürü guxãma i pema rü Cristu ya Üünecü marü pexna nanamu i Naãxẽ ya Üünexü̃, rü ngẽmaca̱x meama nüxü̃ pecua̱x i Tupanaarü ore i aixcüma ixĩxü̃.

Nüxíraxü̃xü̃ ga popera ga Cuáü̃ ümatüxü̃ 2:27

Natürü Cristu rü marü pexna nanamu i Naãxẽ ya Üünexü̃, rü nüma rü pewa namaxü̃. Rü ngẽmaca̱x tama penaxwa̱xe i to i perü ngúexẽẽruxü̃, erü nümatama i Naãxẽ ya Üünexü̃ rü pexü̃ nangúexẽxẽ i guxü̃ma. Rü norü ngu̱xẽẽtae rü aixcüma nixĩ rü tama dora nixĩ. Rü ngẽmaca̱x name nixĩ nax guxü̃guma Cristuaxü̃́ peyaxõgüxü̃, ngẽma Naãxẽ ya Üünexü̃ pexü̃ ngúexẽẽxü̃rüxü̃.

Popera ga Yúda ümatüxü̃ 1:20

Natürü pemax, Pa Chauenexẽgü ya Pexü̃ Changechaü̃güxe, ¡rü pegü perüngü̃xẽxẽ̱x nax guxü̃guma yexeraãcü nagu pexĩxü̃ rü peyaxõgüxü̃ i ngẽma ore i üünexü̃ i marü peyauxgüxü̃! ¡Rü guxü̃guma Tupanaãxẽ i Üünexü̃arü ngü̃xẽẽmaxã peyumüxẽgü!

Yema Cuáü̃ nüxü̃ dauxü̃ i yixcüra tá ngupetüxü̃chiga 8:3

Rü yemawena ínangu ga wüxi ga to ga Tupanaarü orearü ngeruxü̃ ga daxũcüã̱x. Rü nüma rü yema pumarate̱xearü guruü̃pe̱xegu nachi. Rü yéma nanange ga wüxi ga buetarexacü ga pumarate̱xearü guruxü̃ ga úirunaxca̱x. Rü nüxna nanaxã ga taxü̃ ga pumarate̱xe nax yema tochicaxü̃pe̱xewa yexmaxü̃ ga pumaraarü gute̱xeruü̃wa yaguãxü̃ca̱x, nax yema pumaraema rü wüxigu Tupanaarü duü̃xü̃güarü yumüxẽmaxã Tupanaxü̃tawa nanguxü̃ca̱x.