Lebítanüxü̃arü puracüchiga 18:5 - Tupanaarü Ore

⁵ Rü chanaxwa̱xe i aixcüma nagu pexĩ i ngẽma chorü mugü rü chorü ucu̱xẽgü. Rü yíxema nagu maxü̃́xẽ rü tá tamaxü̃. Erü choma nixĩ i perü Cori ya Tupana chixĩxü̃.

Lebítanüxü̃arü puracüchiga 18:5 Iomraidhean Croise

Neemía 9:29

Rü cuyaxucu̱xẽgü nax wena yanguxẽẽgüãxü̃ca̱x ga curü mugü. Natürü ga nümagü rü tama inaxĩnüechaxü̃, rü tama nanayauxgüchaxü̃ ga yema curü mugü. Rü yemaacü nüxü̃ naxoe ga curü mugü i maxü̃ tüxna ãxü̃ ya yíxema naga ĩnüxe. Rü naechitamare namaxẽ rü ínayataiãchiarü maxü̃ã̱xgü rü yemaca̱x tama naga naxĩnüe i curü mugü.

Ínachoxü̃xü̃chiga 6:2

Rü Tupana rü wena Moichémaxã nidexa rü ñanagürü: —Choma nixĩ i Cori ya Tupana chixĩxü̃. Rü Tupana ya Guxü̃étüwa Ngẽxmacü ñaxü̃maxã chaugü chango̱xẽxẽ naxca̱x ga gumá curü o̱xigü ga Abraáü̃ rü Ichaá rü Acóbu. Natürü tama namaxã nüxü̃ chixu ga chauégaxüchi ga Cori ya Tupana ñaxü̃.

Ínachoxü̃xü̃chiga 6:6

¡Rü ngẽmaca̱x i ñu̱xma rü namaxã nüxü̃ yarüxu i Iraétanüxü̃, rü choma ya Cori ya Tupana rü tá Equítuanecüã̱xme̱xẽwa íchananguxü̃xẽxẽ! Rü ngẽma yáxü̃ i puracügü i Equítuanecüã̱x naétüwa ngẽxmaxẽẽxü̃wa tá íchananguxü̃xẽxẽ. Rü tá ichanawe̱x i chorü pora, rü taxü̃ i ãũcümaxü̃gümaxã tá íchananguxü̃xẽxẽ.

Ichaía 55:3

¡Rü cha̱u̱xca̱x pexĩ, rü choxü̃́ iperüxĩnüe! ¡Chauga pexĩnüe rü tá pemaxẽ! Rü choma rü tá pemaxã chanaxü i wüxi i uneta i taguma gúxü̃. Rü ngẽmaãcü tá chayanguxẽxẽ ga yema chorü uneta ga ãẽ̱xgacü ga nüxü̃ changechaü̃xü̃chicü ga Dabímaxã nüxü̃ chixuxü̃.

Echequié 18:9

Rü nagu tamaxü̃ i chorü mugü rü aixcüma tayanguxẽxẽ. Rü yíxema tixĩ ya aixcüma mexẽ, rü ngẽmaca̱x taxũtáma tüxü̃ chapoxcu. Rü choma ya Cori ya Tupana nixĩ i nüxü̃ chixuxü̃ i ngẽma.

Echequié 20:11

Rü yéma nüxna chanaxã ga chorü mugü i maxü̃ tüxna ãxü̃ ya yíxema naga ĩnüexe.

Echequié 20:13

Natürü yexguma chianexü̃wa nayexmagügu rü chomaxã nanue rü tama chauga naxĩnüechaü̃ rü tama naga naxĩnüechaü̃ ga yema chorü mugü ga maxü̃ chi tüxna ãxü̃ ya guxãma ya naga ĩnüe. Rü woo ga chorü ngü̃chigaarü ngunexü̃gü rü tama nanaxauregü rü tama nagu choxü̃ nicua̱xüü̃gü. Rü yemaca̱x ga choma rü poraãcü namaxã chanu rü nagu charüxĩnü nax wüxicana chi yexma chianexü̃gu chanadaixü̃.

Echequié 20:21

—Natürü woo i ngẽma nanegü rü naxacügü rü chomaxã nanueama. Rü tama naga naxĩnüe rü tama nayanguxẽẽgü rü tama nagu namaxẽ i ngẽma chorü mugü i maxü̃ tüxna ãxü̃ ya yíxema nagu maxü̃́xẽ. Rü woo chorü ngü̃chigaarü ngunexü̃gü rü tama nanaxauregü. Rü yexguma ga choma rü chorü numaxã nagu charüxĩnü nax wüxicana chi yexma chianexü̃gu chanadaixü̃.

Lebítanüxü̃arü puracüchiga 18:6

¡Rü taxuxü̃táma i wüxi i yatü rü wüxi ya ngexe ya natanüxü̃xüchi ixĩxẽ nüxü̃́ tangúchaü̃ nax tümamaxã namaxü̃xü̃ca̱x! Rü choma nixĩ i Iraétanüxü̃arü Cori ya Tupana chixĩxü̃.

Maraquía 3:6

Rü ñanagürü: —Choma nixĩ ya Cori ya Tupana chixĩxü̃. Rü taguma naxüchicüxü i chorü uneta. Rü ngẽmaca̱x i pemax, Pa Acóbutanüxü̃x, rü tama iperüxo.

Ore i mexü̃ ga Matéu ümatüxü̃ 19:17

Rü Ngechuchu nanangãxü̃ rü ñanagürü nüxü̃: —¿Tü̱xcüü̃ “Mecü”, ñacurügü choxü̃? Erü Tupanaxicatama nixĩ ya mecü ixĩcü, rü nataxuma i to. Natürü ngẽxguma cunayauxchaü̃gu i maxü̃ i taguma gúxü̃, rü ¡naga naxĩnü i Tupanaarü mugü! —ñanagürü.

Ore i mexü̃ ga Luca ümatüxü̃ 10:28

Rü yexguma ga Ngechuchu rü ñanagürü nüxü̃: —Ngẽma ore i choxü̃ namaxã cungãxü̃xü̃ rü marü name. Rü ngẽxguma ngẽma ore quinguxẽẽ̱xgu, rü tá cunayaxu i maxü̃ i taguma gúxü̃ —ñanagürü.

Romanos 10:5

Rü Moiché nanaxümatü nachiga nax ñuxãcü Tupanape̱xewa tamexü̃ ya wüxíe ega naga taxĩnügu i ngẽma mugü, rü ñanagürü: “Yíxema naga ĩnüxe i ngẽma mugü rü tá tamaxü̃”, ñanagürü.

Gálatas 3:12

Natürü ngẽma mugü rü tama ngẽma õwa ne naxũ. Erü Tupanaarü orewa rü ñanagürü: “Rü yíxema aixcüma naga ĩnüxe i guxü̃ma i ngẽma mugü, rü ngẽmagagu tá tüxü̃́ nangẽxma i tümaarü maxü̃”, ñanagürü.

Wenaxarü naxümatü ga Tupanaarü mugü 30:20

¡Ẽcü nüxü̃ pengechaxü̃ ya Cori ya perü Tupana, rü naga pexĩnüe, rü aixcüma peyanguxẽxẽ i ngẽma pexü̃ namuxü̃! Erü naxme̱xwa nangẽxma i perü maxü̃ rü ngẽma perü ngunexü̃gü i nagu tá pemaxẽxü̃ nawa i ngẽma naane ga perü o̱xigü ga Abraáü̃ rü Ichaá rü Acóbumaxã naxueguxü̃ —ñanagürü ga Moiché.

Wenaxarü naxümatü ga Tupanaarü mugü 30:6

Rü nüma ya perü Cori ya Tupana rü peãẽwa rü petaagüãẽwa tá nayanaxoxẽxẽ i ngẽma chixexü̃ i ngéma ngẽxmaxü̃ nax ngẽmaãcü aixcüma nüxü̃ pengechaü̃güxü̃ca̱x perü maxü̃nemaxã rü peãẽmaxã nax ngẽmaãcü pexü̃́ nangẽxmaxü̃ca̱x i perü maxü̃.

Wenaxarü naxümatü ga Tupanaarü mugü 4:1

Rü ñu̱xma Pa Chautanüxügü Pa Iraétanüxü̃x, ¡rü nüxü̃ pexĩnüe i ngẽma Tupanaarü mugü ga pexü̃ changúexẽxẽxü̃ nax aixcüma mea peyanguxẽẽxü̃ca̱x rü nagu pemaxẽxü̃ca̱x rü ngẽmaãcü penayaxuxü̃ca̱x i ngẽma naane i nũxcümaü̃güxü̃ i perü o̱xigüarü Cori ya Tupana tá pexna ãxü̃!