Lebítanüxü̃arü puracüchiga 13:3 - Tupanaarü Ore

³ Rü nüma i ngẽma chacherdóte rü tá mea nanangugü i ngẽma o̱xri i tümaxü̃newa rügoxü̃. Rü ngẽxguma yacómüãchitanügu ya yima tümata̱xaxü̃negü i ngẽma ítarüxóxü̃wa rü ñu̱xũchi ngẽma o̱xri rü poraãcü ínape̱xgu i tümacha̱xmüxü̃wa, rü ngẽmawa tá nüxü̃ nacua̱x nax aixcüma chaxünearü o̱xri yixĩxü̃. Rü nawena nax nangugüãxü̃ i tümaarü o̱xri ya yíxema duü̃xẽ rü nüma ya chacherdóte tá nüxü̃ nixu nax taxãũãchixü̃.

Lebítanüxü̃arü puracüchiga 13:3 Iomraidhean Croise

Naanearü ügüchiga 13:3

Rü inaxũãchi ga Négueanewa rü meama nixũ ñu̱xmata ĩane ga Betéwa nangu. Rü wenaxarü ü̃paacü nagu naxãchiü̃xü̃ ga ĩane ga Beté rü ĩane ga Áiarü ngãxü̃wa yexmaxü̃wa nangu.

Echequié 16:30

Rü choma ya Cori ya Tupana rü cumaxã nüxü̃ chixu nax cuma rü cuchixeãẽmarexü̃ rü wüxi i ngexü̃ i naxü̃nemaxã taxexü̃ i tama ãnexü̃ nacuáxü̃arü ĩnü cuxü̃́ ngẽxmaxü̃. Rü yemaca̱x cunaxü ga guxü̃ma ga yema chixexü̃gü.

Echequié 44:23

Rü ngẽma chacherdótegü rü nanaxwa̱xe nax chorü duü̃xü̃güxü̃ nangúexẽẽxü̃ nax nüxü̃ nacua̱xgüxü̃ca̱x nax ngexü̃ yixĩxü̃ i ngẽma üünexü̃ rü ñu̱xũchi ngexü̃ yixĩxü̃ i ngẽma chixexü̃. Rü ngẽxgumarüxü̃ ta nanaxwa̱xe nax nangúexẽẽãxü̃ nax ngexü̃ yixĩxü̃ i ngẽma chope̱xewa mexü̃ rü ngexü̃ yixĩxü̃ i ngẽma chope̱xewa ãũãchixü̃.

Ochéa 7:9

Rü ngẽma to i nachixü̃anecüã̱xgü rü naechita nüxna nanayaxu i ngẽma Efraíü̃tanüxü̃arü pora. Rü düxwa napuxerumare i ngẽma Efraíü̃tanüxü̃, natürü tama nüxü̃ nacua̱xégagü nax marü yangearü poraáxü̃.

Lebítanüxü̃arü puracüchiga 10:10

Erü penaxwa̱xe i mea peãẽxü̃ pecua̱x nax nüxü̃ pecuáxü̃ca̱x i ngexü̃rüüxü̃ nixĩ i ngẽma üünexü̃ rü ngexü̃rüüxü̃ nixĩ i ngẽma tama üünexü̃, rü ngexü̃rüüxü̃ nixĩ i ngẽma Tupanape̱xewa mexü̃ rü ngẽma Tupanape̱xewa ãũãchixü̃. Rü ngẽmaãcü tá meama penangúexẽxẽ i ngẽma Iraétanüxü̃gü nax nagu naxĩxü̃ i guxü̃ma i chorü mugü i Moichéwa pemaxã nüxü̃ chixuxü̃ —ñanagürü ga Tupana.

Lebítanüxü̃arü puracüchiga 13:10

Rü nüma i chacherdóte rü tá nanangugü i ngẽma nax nachaxü̃ i tümacha̱xmüxü̃. Rü ngẽxguma nacómügu i ngẽma rüchaxü̃ rü yacómüãchigu ya yima tümata̱xagü i ngẽma ítarüchaxü̃wa rü ngẽxguma ngẽma rüchaxü̃wa nüxü̃ da̱u̱xgu i tümamachi i maxü̃, rü ngẽmawa nüxü̃ tacua̱x nax aixcüma chaxü̃ne yixĩxü̃ i ngẽma da̱xawe. Rü nüma i chacherdóte rü tá tümamaxã nanaxuegu nax Tupanape̱xewa taxãũãchixü̃. Rü taxũtáma tüxü̃ narüwaxtaü̃gü erü Tupanape̱xewa taxãũãchi.

Lebítanüxü̃arü puracüchiga 13:20

Rü nüma i ngẽma chacherdóte rü tá mea nanangugü i ngẽma o̱xri i tümaxü̃newa rügoxü̃. Rü ngẽxguma ngẽma o̱xri rü poraãcü ínape̱xgu rü yacómüãchitanügu ya yima tümata̱xagü i ngẽma ítarüxóxü̃wa, rü ñu̱xũchi nüma ya chacherdóte rü tá tümamaxã nanaxuegu nax taxãũãchixü̃, erü aixcüma chaxünearü o̱xri nixĩ i ngẽma tümawa irügoxü̃.

Lebítanüxü̃arü puracüchiga 13:4

Natürü ngẽxguma nacómügu i tümacha̱xmüxü̃ i ngẽma o̱xri íngẽxmaxü̃wa natürü tama ínape̱xgu i ngẽma o̱xri i tümacha̱xmüxü̃wa tüxü̃́ ngẽxmaxü̃ rü tama yacómüãchitanügu ya yima tümata̱xaxü̃negü i ngẽma ítarüxóxü̃wa, rü ngẽxguma i ngẽma chacherdóte rü 7 i ngunexü̃ tá wüxi i nachicagu tüxü̃ narüwãxtaxü̃.

Lebítanüxü̃arü puracüchiga 13:8

Rü nüma i chacherdóte rü ngẽxguma tüxü̃́ nangugüãgu i ngẽma tümaarü o̱xri nax yaxũchigüamaxü̃ i tümacha̱xmüxü̃wa, rü ñu̱xũchi tá tümamaxã nanaxuegu nax chaxünemaxã tida̱xawexü̃ rü ngẽmaca̱x taxãũãchixü̃ i Tupanape̱xewa.

Lebítanüxü̃arü puracüchiga 14:37

Rü ngẽxguma ngẽma chacherdóte nüxü̃ da̱u̱xgu nax naxtapü̱xwa yachúxü̃ rü naxtapü̱xarü aixepegu nax naxücuxü̃ rü naya̱u̱xãchixü̃ rü nadauãchixü̃, rü ngẽxguma i nüma ya chacherdóte rü tá ínaxũxũ nawa ya yima ĩpata, rü tá nanamu nax 7 i ngunexü̃ nawãxtaxü̃.

Lebítanüxü̃arü puracüchiga 14:54

Rü ngẽmagü nixĩ i ore nachiga i naguxü̃raü̃xü̃ i chaxüne, rü dawe i tiñagu ãégaxü̃, rü naxchiru i chúxü̃ rü ĩpatagü ya ichúene, rü dawe i namaxã rüchaxü̃, rü waiãchixü̃ne, rü churixü̃ne i chóxü̃. Rü ngẽma orewa tá nüxü̃ pecua̱x i ta̱xacü nixĩ i Tupanape̱xewa mexü̃ rü ta̱xacü nixĩ i nape̱xewa ãũãchixü̃. Rü ngẽma nixĩ i ore nachiga i ngẽma chaxüne i naxcha̱xmüü̃wa rü naxchiruwa rü chúxü̃wa pexna üexü̃.

Lebítanüxü̃arü puracüchiga 5:3

Rü ngẽxguma chi wüxi ya duü̃xẽ rü tümaechita nüxü̃ tingõgücüraxü̃gu i ta̱xacü i ãũãchixü̃ i duü̃xẽwa ixũxũxü̃, rü woo ngexü̃rüüxü̃mare yixĩxgu rü woo tama ngẽxgumatama nüxü̃ tacua̱xgu nax pecadu taxüxü̃, natürü ngẽxguma yixcüra nüxü̃ ticua̱xãchigu nax chixexü̃ taxüxü̃ rü tümagagutama tá nixĩ.

Maraquía 2:7

Rü wüxi i chacherdótearü puracü nixĩ nax duü̃xẽgü tüxü̃ nangúexẽẽxü̃ nax choxü̃ tacua̱xgüxü̃ca̱x. Rü ngẽmaca̱x name nax guxü̃ma i duü̃xü̃gü naxü̃tawa ĩxü̃ nax tüxü̃ nangúexẽẽxü̃ca̱x, erü choma nax guxãétüwa changexmaxü̃ rü nüxü̃ chaxuneta nax chorü orearü uruü̃gü yixĩgüxü̃ca̱x.

Ore i mexü̃ ga Matéu ümatüxü̃ 16:19

Rü choma rü tá cuxna chanaxã i pora nax chorü duü̃xü̃gümaxã icucuáxü̃ca̱x ya Tupana ãẽ̱xgacü ixĩxü̃wa. Rü yíxema tama cuxü̃́ irüxĩnüxe i ñoma i naanewa rü taxũtáma Tupana ãẽ̱xgacü ixĩxü̃wa tichocu. Natürü yíxema cuxü̃́ irüxĩnüxe i ñoma i naanewa rü Tupana ãẽ̱xgacü ixĩxü̃wa tá tangugü —ñanagürü.

Ore i mexü̃ ga Cuáü̃ ümatüxü̃ 20:23

Rü ngẽxguma duü̃xü̃gü nüxü̃ rüxoegu i norü pecadugü, rü pema rü pexü̃́ nangẽxma i pora nax namaxã nüxü̃ pixuxü̃ nax Tupana marü nüxü̃́ nüxü̃ rüngü̃maxü̃ i norü pecadugü. Natürü ngẽxguma duü̃xü̃gü tama nüxü̃ rüxoegu i norü pecadugü, rü pema rü pexü̃́ nangẽxma i pora nax namaxã nüxü̃ pixuxü̃ nax norü pecadugüwatama nangẽxmagüxü̃ —ñanagürü ga Ngechuchu.

Ngechuchuarü ngúexü̃gü ga yamugüxü̃arü puracüchiga 20:28

Rü ngẽmaca̱x i ñu̱xma rü penaxwa̱xe nax pexuãẽgüxü̃ rü mea nüxna pedaugüxü̃ i guxü̃ma i yaxõgüxü̃ i petanüwa ngẽxmagüxü̃. Erü ngẽma nixĩ i Tupanaãxẽ ya Üünecü nagu pexü̃ mugüxü̃ nax nüxna pedaugüxü̃ca̱x i ngẽma Tupanaarü duü̃xü̃gü i yaxõgüxü̃ ya Ngechuchu nagümaxãtama naxca̱x taxexü̃.

Romanos 7:7

¿Rü ñuxũ ñagüxü̃ tá i ñu̱xmax? ¿Rü pexca̱x rü pecadu yixĩxü̃ i ngẽma mugü? Dücax, tama pecadu nixĩ. Natürü yexguma chi yema mugü taxũchima choxü̃ nüxü̃ cua̱xẽẽgu nax ta̱xacü yixĩxü̃ i pecadu, rü taxũchima nüxü̃ chacua̱x i pecadu. Rü yexguma chi yema mugü rü taxũchima choxü̃ nüxü̃ cua̱xẽẽgu nax wüxi i pecadu yixĩxü̃ nax toguã̱xarü ngẽmaxü̃ choxü̃́ ngúchaü̃xü̃, rü taxũchima nüxü̃ chacua̱x nax pecadu yixĩxü̃ i ngẽma.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:20

Rü yema nixĩ ga nüxü̃ üpetüxü̃ ga Imenéu rü Areyándru. Rü düxwa choma Chatanána chanawogü ga yema taxre nax Chataná ngúxü̃ nüxü̃ ingexẽẽgüxü̃ca̱x nax ngẽmawa nüxü̃ nacua̱xgüxü̃ca̱x nax tama namexü̃ nax chixri Tupanachiga yadexagüxü̃.

Norü taxre ga popera ga Timutéuca̱x naxümatüxü̃ ga Pauru 3:13

Natürü ngẽma yatügü i chixexü̃gu maxẽxü̃ rü ngẽma idorata̱a̱xgüxü̃ rü yexeraxü̃ i chixexü̃ tá naxügü. Erü nümagü rü tá togüxü̃ nawomüxẽẽgü, rü ngẽxgumarüxü̃ ta i ngẽma togü rü tá nayawomüxẽxẽgü.

Popera ga Yudíugü ga yaxõgüxü̃ca̱x ümatüxü̃ 13:7

Rü name nixĩ i nüxna pecua̱xãchie ga gumá perü Tupanaarü orearü uruü̃gü ga noxri pemaxã icua̱xgücü rü pemaxã nüxü̃ ixugücü ga Tupanaarü ore. Rü name nixĩ i nagu perüxĩnüe nax ñuxãcü mea pepe̱xewa namaxẽxü̃ rü ñuxãcü mea yaxõgüãcüma nayuexü̃. Rü name nax nüxü̃ peyadauxü̃güxü̃ nawa i norü õ rü mea naxrüxü̃ pemaxẽxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:23

Rü ngẽmawa guxü̃ma i ngẽma yaxõgüxü̃ tá nüxü̃ nacua̱xgü nax aixcüma nüxü̃ chacuáxü̃ i norü maxü̃ rü ngẽma naãxẽwa nagu naxĩnüexü̃. Rü wüxichigü i pemax rü tá pexü̃́ chanaxütanü ngẽxgumarüxü̃ nax ñuxãcü cha̱u̱xca̱x pemaxẽxü̃.