Lebítanüxü̃arü puracüchiga 13:12 - Tupanaarü Ore

^12-13 Natürü ngẽxguma chacherdóte nüxü̃ da̱u̱xgu nax yaxũxü̃ i wüxíearü da̱xawe rü tümacutüwa inaxügüxü̃ rü ñu̱xmata tümaeruwa nangu, rü nüma ya chacherdóte rü tá mea nanangugü i ngẽma da̱xawe. Rü ngẽxguma nüxü̃ nada̱u̱xgu nax guxü̃ i tümaxü̃newa nanguxü̃ rü nax yacómüãchixü̃ i guxü̃ma i tümacha̱xmüxü̃, rü ngẽmawa tá nüxü̃ nacua̱x nax marü tümaca̱x yataanexü̃ rü tama taxãũãchixü̃.

Lebítanüxü̃arü puracüchiga 13:12 Iomraidhean Croise

Romanos 7:14

Nüxü̃ tacua̱x i ngẽma mugü rü Tupanaãxẽ i Üünexü̃wa ne naxũ. Natürü choma rü duü̃xü̃mare chixĩ, rü ngẽmaca̱x nixĩ i chomaxã inacuáxü̃ i ngẽma pecadu.

Ichaía 64:6

Rü guxãma i toma rü cupe̱xewa duü̃xü̃gü i ixãũãchixü̃ tixĩgü. Rü woo i ngẽma taxüxü̃ i toxca̱x mexü̃, rü cupe̱xewa rü ñoma wüxi i wexa i ãũãchixü̃rüxü̃ nixĩ. Rü guxãma chixexü̃gu tayi ñoma naixatügü i pagüxü̃ irüyi̱xixü̃rüxü̃. Rü torü chixexü̃gü rü toxü̃ nigagü ñoma buanecü i ta̱xacü ngextá cuegüxü̃rüxü̃.

Yox 42:6

Rü ngẽmaca̱x i ñu̱xma rü marü nüxü̃ charüxo ga yema noxri cumaxã nagu charüxĩnüxü̃. Rü ngẽmaca̱x nua waixü̃müte̱xewa rü tanimacate̱xewa charüto —ñanagürü ga Yox.

Yox 40:4

—Choma rü taxumaama cuxü̃ changãxü̃, Pa Tupanax, erü choma rü taxuwama chame i cupe̱xewa. Rü narümemae nixĩ i noxtacüma ichayarüngea̱x.