Lebítanüxü̃arü puracüchiga 11:8 - Tupanaarü Ore

⁸ ¡Rü taxũtáma penangõ̱x i namachi i ngẽma naeü̃gü i pexna chachu̱xuxü̃, rü bai nüxü̃ pingógümarexü̃ ega nayu̱xgux! ¡Rü namaxã nagu perüxĩnüe nax wüxi i naeü̃ i tama mexü̃ yixĩxü̃ nax penangṍxü̃!

Lebítanüxü̃arü puracüchiga 11:8 Iomraidhean Croise

Ichaía 52:11

Rü pema i Babiróniaanewa ngẽxmagüxe ¡rü Tupanape̱xewa pegü pemexẽxẽgü rü ípechoxü̃! ¡Rü pemax nax peyanaxü̃ i Tupanapataarü ngẽmaxü̃gü i üünexü̃ rü taxṹ i nüxü̃ pedauxü̃ i ta̱xacürü chixexü̃!

Ochéa 9:3

Rü pemax, Pa Iraéanecüã̱xgüx, rü wena táxarü Equítuaneca̱x pewoegu. Rü Achíriaanewa tá penangõ̱x i õna ya Tupana pexna chu̱xuxü̃. Rü marü taxũtáma nawa pemaxẽ i ngẽma naane ya Tupana pexna ãxü̃.

Lebítanüxü̃arü puracüchiga 11:7

Rü ngẽxgumarüxü̃ i cuchi rü woo nataxrepatü natürü tama wena niyóxmüwemü. Rü ngẽmaca̱x tá namaxã nagu perüxĩnüe nax wüxi i naeü̃ i tama mexü̃ yixĩxü̃ nax penangṍxü̃.

Lebítanüxü̃arü puracüchiga 11:9

Rü natanüwa i ngẽma choxnigü i dexáwa maxẽxü̃ i márwa rüe̱xna natügüwa rü name nax penangṍxü̃ i ngẽma choxni i ãchitawemüxü̃güxü̃ rü ãchipa̱xgüxü̃.

Lebítanüxü̃arü puracüchiga 5:2

Rü ngẽxguma chi wüxíe nüxü̃ ingógügu i wüxi i naeü̃ i Tupanape̱xewa ãũãchixü̃ ngẽxgumarüxü̃ i wüxi i naeü̃ i dauxchitacüã̱x i yuxü̃, rüe̱xna wüxi i naxü̃na i yuxü̃, rüe̱xna wüxi i naeü̃ i ñaxtüanegu nügü itúxü̃ i yuxü̃ rü nitümaguãchi nax pecadu taxüxü̃ woo tama nüxü̃ tacuáãcüma nüxü̃ tingõgügu.

Ore i mexü̃ ga Matéu ümatüxü̃ 15:11

Ngẽma õna i duü̃xü̃gü ngṍxü̃ rü tama ngẽma nixĩ i napecaduã̱xẽẽgüxü̃. Natürü ngẽma ore i chixexü̃ i nüxü̃ yaxugüxü̃, rü ngẽmawaxi nixĩ i napecaduã̱xü̃ —ñanagürü.

Ore i mexü̃ ga Matéu ümatüxü̃ 15:20

Rü guxü̃ma i ngẽma chixexü̃ waxi nixĩ i duü̃xü̃güxü̃ pecaduã̱xẽẽxü̃. Natürü ngẽma nax tama naya̱u̱xme̱xgüxü̃ naxü̃pa nax nachibüexü̃, rü ngẽma rü tama nanapecaduã̱xẽxẽ i duü̃xü̃gü —ñanagürü.

Ore i mexü̃ ga Márcu ümatüxü̃ 7:15

Rü taxuxü̃ma i ta̱xacü i düxétüwa ne ũxü̃ rü taa̱xwa ixücuxü̃ nixĩ i Tupanape̱xewa tüxü̃ chixexẽẽxü̃. Natürü ngẽma taãẽwa ne ũxü̃, rü ngẽmawaxi nixĩ i tüxü̃ chixexẽxẽxü̃ i Tupanape̱xewa.

Ore i mexü̃ ga Márcu ümatüxü̃ 7:18

Rü nüma rü ñanagürü nüxü̃: —¿Ẽ̱xna pema rü ta tama nüxü̃ pecua̱x i ngẽma? ¿Ẽ̱xna tama i nüxü̃ pecuáxü̃ nax taxuxü̃ma i ta̱xacü i düxétüwa ne ũxü̃ rü taa̱xwa ixücuxü̃ yixĩxü̃ i Tupanape̱xewa tüxü̃ chixexẽẽxü̃?

Ore i mexü̃ ga Márcu ümatüxü̃ 7:2

Rü yexguma nüxü̃ nadaugügu nax ñuxre ga Ngechuchuarü ngúexü̃gü tama naya̱u̱xme̱xgüãcüma nachibüexü̃ rü chixri nachiga nidexagü, yerü yema ngúexü̃gü rü tama nagu naxĩ ga yema Yudíugücüma nax naya̱u̱xme̱xgüxü̃ nax Tupanape̱xewa yamexü̃ca̱x naxü̃pa nax nachibüexü̃.

Ngechuchuarü ngúexü̃gü ga yamugüxü̃arü puracüchiga 10:28

Rü yexguma ga Pedru rü ñanagürü nüxü̃ ga yema duü̃xü̃gü ga yexma ngutaque̱xegüxü̃: —Pema nüxü̃ pecua̱x i toma i Yudíugüca̱x rü nangẽxma i torü mugü i toxna nachu̱xuxü̃ nax pemaxã tangutaque̱xegüxü̃, rü pepatagu nax tachocuxü̃. Natürü Tupana choxü̃ nango̱xetüxẽxẽ rü choxü̃ nüxü̃ nadauxẽxẽ nax tama namexü̃ nax nagu charüxĩnüxü̃ nax tama Tupanape̱xewa timexü̃ ya yíxema tama Yudíugü ixĩgüxe.

Romanos 14:21

Rü ngẽmaca̱x tama name i cunangõ̱x i namachi, rüe̱xna cuyaxaxü ya bínu, rüe̱xna cunaxü i ta̱xacü i to, ega ngẽmagagu chixexü̃gu cunangu̱xẽẽ̱xgu i cuenexẽ i yaxõxü̃.

1 Corintios 8:8

Rü yixema nüxü̃ tacua̱x nax tama ta̱xacürü namachi nax ingṍxü̃gagu yixĩxü̃ nax Tupanape̱xewa imexü̃ rüe̱xna ichixexü̃.

2 Corintios 6:17

Rü yemaca̱x ñanagürü ta ga tórü Cori: “¡Ípechoxü̃ i natanüwa i ngẽma duü̃xü̃gü i tama chorü duü̃xü̃gü ixĩgüxü̃! ¡Rü taxṹ i nüxü̃ pingógüxü̃ i ngẽma chope̱xewa ãũãchixü̃! Rü choma rü tá pexü̃ chayaxu.

Efesios 5:11

Rü tama name i pema rü ta nagu pexĩ i ngẽma chixexü̃gü i taxuwama mexü̃ i ngẽma togü i duü̃xü̃gü i ẽanexü̃wa ngẽxmagüxü̃ ügüxü̃. Natürü narümemae nixĩ i penango̱xẽxẽ nax nachixexü̃ i ngẽma naxügüxü̃.

Efesios 5:7

Rü ngẽmaca̱x tama name i namaxã pexãmücü rü naga pexĩnüe i ngẽma duü̃xü̃gü.

Colosenses 2:16

Rü ñu̱xma rü taxuca̱xma tü̱xcüü̃ pexü̃ nixugüe i ngẽma Yudíugü naxca̱x i ngẽma õna i pengõ̱xgüxü̃ rü ngẽma axexü̃ i pixaxgüxü̃. Rü taxuca̱xma tü̱xcüü̃ pexü̃ nixugüe nachiga i ngẽma petaarü ngunexü̃gü i nümagü nagu naxauregüxü̃, rü yimá tauemacügü ya ngexwacaxü̃cü i nagu naxauregüxü̃, rü ngẽma ngü̃xchigaarü ngunexü̃gü i nagu naxauregüxü̃.

Popera ga Yudíugü ga yaxõgüxü̃ca̱x ümatüxü̃ 9:10

Rü yema nũxcümaü̃güxü̃ ga mugü ga õnagüchiga rü axexü̃güchiga rü nacümagüchiga ixĩxü̃, rü duü̃xü̃güarü düxétüxü̃neca̱xicatama nixĩgü. Rü woo name ga yema mugü ga noxrix, natürü yexguma ínanguxgu ga Cristu rü marü yexma nayacua̱x nax duü̃xü̃gümaxã inacuáxü̃ ga yema mugü.