Lebítanüxü̃arü puracüchiga 11:7 - Tupanaarü Ore

⁷ Rü ngẽxgumarüxü̃ i cuchi rü woo nataxrepatü natürü tama wena niyóxmüwemü. Rü ngẽmaca̱x tá namaxã nagu perüxĩnüe nax wüxi i naeü̃ i tama mexü̃ yixĩxü̃ nax penangṍxü̃.

Lebítanüxü̃arü puracüchiga 11:7 Iomraidhean Croise

Ichaía 65:4

Rü ngẽma duü̃xü̃gü rü yuetamaü̃güwa narütogü rü ãxmaxü̃gügu napegü nax ngéma yuetaxü̃ yacua̱xüü̃güxü̃ca̱x. Rü nanangõ̱xgü i chu̱xuxü̃ i cuchimachi, rü norü paneragü rü ngẽma namachitüü̃maxã nayaxüãcugü.

Ichaía 66:17

Tupana rü ñanagürü: —Wüxigu tá nayue i ngẽma duü̃xü̃gü i nügü imexẽẽgüxü̃ nax putüranecüwa naxchicüna̱xãgüxü̃ yacua̱xüü̃güxü̃ca̱x rü ngẽma duü̃xü̃gü i nangõ̱xgüxü̃ i cuchimachi rü ü̃cagü rü togü i naeü̃gü i ãũãchixü̃. Rü wüxicana tá nayue i ngẽma duü̃xü̃gü, erü meama nüxü̃ chacua̱x i ngẽma chixexü̃ i naxügüxü̃ rü nagu naxĩnüexü̃. Rü ngẽxguma i choma rü tá íchangu nax chanangutaque̱xexẽẽxü̃ca̱x i guxü̃ne ya ĩanecüã̱xgü rü nachixü̃anecüã̱xgü. Rü nüma rü tá nua naxĩ rü tá nüxü̃ nadaugü i ngẽma chorü üünemaxã chaxüxü̃.

Ichaía 66:3

Natürü ngẽma duü̃xü̃gü i chixexü̃gu maxẽxü̃ rü nanaxügü i ngẽma nümatama nagu naxĩnüexü̃. Rü ngẽxguma cha̱u̱xca̱x yama̱xgüãgu i wüxi i woca i yatüxü̃ rü cha̱u̱xca̱x rü ñoma wüxi ya duü̃xẽ tüxü̃ yama̱xgüxü̃rüxü̃ nixĩgü. Rü ngẽxguma cha̱u̱xca̱x yama̱xgüãgu i wüxi i carnéru rü cha̱u̱xca̱x rü ñoma wüxi ya airu cha̱u̱xca̱x yama̱xgüãxü̃rüxü̃ nixĩgü. Rü ngẽxguma choxna naxãgüãgu i norü ãmare i trigu rü cha̱u̱xca̱x ñoma cuchiarü nagü choxna naxãgüxü̃rüxü̃ nixĩgü. Rü ngẽxguma pumarate̱xe cha̱u̱xca̱x yagugügu rü cha̱u̱xca̱x ñoma wüxi i naxchicüna̱xãca̱x yagugüãxü̃rüxü̃ nixĩgü. Rü ngẽma duü̃xü̃gü i ngẽma ügüxü̃ rü taãẽãcü nanaxü i guxü̃ma i ngẽma chixexü̃.

Lebítanüxü̃arü puracüchiga 11:6

Rü ngẽxgumarüxü̃ i ngẽma naeü̃ i conéyu rü wena niyóxmüwemü natürü tama nataxrepatü. Rü ngẽmaca̱x tá namaxã nagu perüxĩnüe nax wüxi i naeü̃ i tama mexü̃ yixĩxü̃ nax penangṍxü̃.

Lebítanüxü̃arü puracüchiga 11:8

¡Rü taxũtáma penangõ̱x i namachi i ngẽma naeü̃gü i pexna chachu̱xuxü̃, rü bai nüxü̃ pingógümarexü̃ ega nayu̱xgux! ¡Rü namaxã nagu perüxĩnüe nax wüxi i naeü̃ i tama mexü̃ yixĩxü̃ nax penangṍxü̃!

Ore i mexü̃ ga Matéu ümatüxü̃ 7:6

Rü tama name i Tupanaarü ore i üünexü̃maxã penachixewe i ngẽma duü̃xü̃gü i tama yaxõgüchaü̃xü̃, erü ngürüãchi ngẽmaca̱x tá pexü̃ nadai. Rü tama name i Tupanaarü oremaxã penachixewe i ngẽma duü̃xü̃gü i tama nüxü̃ cua̱xgüchaü̃xü̃, erü tá ínanata̱xgü.

Ore i mexü̃ ga Luca ümatüxü̃ 15:15

Rü yexguma norü puracüca̱x nadau naxü̃tagu ga wüxi ga yatü ga yema nachixü̃anecüã̱x. Rü nüma ga yema yatü rü norü naanewa nanamu nax yéma norü cuchigüna yadauxü̃ca̱x.

Ore i mexü̃ ga Luca ümatüxü̃ 8:33

Rü yexguma ga yema ngo̱xogü rü gumá yatüwa ínachoxü̃ rü yema cuchigügu nayachocu. Rü guxü̃ma ga yema cuchigü rü inaxü̃ãchi, rü naxtaxacutüarü ma̱xpǘxü̃wa nayarüyuxgü, rü yexma nayi.

Wenaxarü naxümatü ga Tupanaarü mugü 14:8

Rü ngẽma cuchi rü woo nataxrepatü ¡rü taxũtáma penangõ̱x! Erü tama wena nayayoxmü̃ i nawemü. Rü ngẽmaca̱x Tupanape̱xewa rü nixãũãchi. ¡Rü taxũtáma penangõ̱x i namachi rü bai tá nüxü̃ pingógü ega nayu̱xgu.