Lebítanüxü̃arü puracüchiga 11:10 - Tupanaarü Ore

¹⁰ Natürü ngẽma choxnigü i ngechitawemü̱xü̃güxü̃ rü ngechipa̱xgüxü̃, rü tá namaxã nagu perüxĩnüe nax choxni i tama mexü̃ yixĩxü̃ nax penangṍxü̃. Rü woo márcüã̱x yixĩxgu, rüe̱xna natügücüã̱x yixĩxgu, rüe̱xna choxni i íxraxü̃ yixĩxgu, rüe̱xna choxni i taxü̃ yixĩxgu, rü tá namaxã nagu perüxĩnüe nax choxni i tama mexü̃ yixĩxü̃ nax penangṍxü̃.

Lebítanüxü̃arü puracüchiga 11:10 Iomraidhean Croise

Ucu̱xẽgüchiga 29:27

Ngẽma mexü̃gu maxẽxü̃ rü tama yáxna namaxã naxĩnüe i ngẽma chixexü̃gu maxẽxü̃. Rü ngẽma chixexü̃gu maxẽxü̃ rü tama yáxna tümamaxã naxĩnüe ya yíxema mexü̃gu maxẽxe.

Lebítanüxü̃arü puracüchiga 7:18

Rü ngẽxguma norü tomaepü̱x i ngunexü̃wa texé nangõ̱xgu i ngẽma namachi i chorü ngüxmüxẽẽruü̃ca̱x imáxü̃ rü ngẽma naxü̃na i cha̱u̱xca̱x imáxü̃ rü taxũtáma pexü̃́ chanayaxu. Rü tá nüxü̃ chaxo rü ngẽma namachi rü chope̱xewa rü tá taxuwama name. Rü yíxema ngẽma namachi ngṍxe rü tá nayange i ngẽma pecadu.

Ucu̱xẽgüchiga 13:20

Ngẽxguma duü̃xü̃gü i nüxü̃ cuáxü̃maxã cuxãmücügu, rü tá cunayaxu i cua̱x. Natürü ngẽxguma ngẽma duü̃xü̃gü i naechitamare maxẽxü̃maxã cuxãmücügu, rü tá icuyarütaxu.

Wenaxarü naxümatü ga Tupanaarü mugü 14:3

Rü tama name i penangõ̱x i ngẽma naeü̃ ya Tupana pexna chu̱xuxü̃. Rü ñaagü nixĩ i ngẽma naeü̃gü i mexü̃ nax penangṍxü̃: rü wocagü, rü carnérugü, rü chíbugü,

Yema Cuáü̃ nüxü̃ dauxü̃ i yixcüra tá ngupetüxü̃chiga 21:8

Natürü ngẽma muü̃exü̃ rü ngẽma tama yaxõgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽxgumarüxü̃ ta i ngẽma aixwa̱xegüxü̃, rü ngẽma máetagüxü̃, rü ngẽma naxü̃nearü ngúchaü̃gu maxẽxü̃, rü ngẽma iyuüxü̃, rü ngẽma tupananetachicüna̱xãxü̃ icua̱xüü̃güxü̃, rü ngẽma idorata̱a̱xgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽma nixĩ i poxcu i taguma iyacuáxü̃”, ñanagürü.

Naanearü ügüchiga 1:20

Rü ñu̱xũchi Tupana rü ñanagürü: —¡Dexáwa nangó rü yamu i naguxü̃raxü̃xü̃ i choxnigü rü naguxü̃raxü̃xü̃ i ta̱xacü i to i dexáwa maxẽxü̃! ¡Rü ngẽxgumarüxü̃ ta nangó i naguxü̃raxü̃xü̃ i werigü i ñaa naaneétügu íxüüüxü̃! —ñanagürü. Rü yemaacü nixĩ.

Lebítanüxü̃arü puracüchiga 11:9

Rü natanüwa i ngẽma choxnigü i dexáwa maxẽxü̃ i márwa rüe̱xna natügüwa rü name nax penangṍxü̃ i ngẽma choxni i ãchitawemüxü̃güxü̃ rü ãchipa̱xgüxü̃.

Lebítanüxü̃arü puracüchiga 11:11

Rü tama name nax penangṍxü̃ i ngẽma choxnigü i ngechitawemü̱xü̃güxü̃ rü ngechipa̱xgüxü̃ rü tá namaxã nagu perüxĩnüe nax choxni i tama mexü̃ yixĩxü̃ nax penangṍxü̃. Rü ngẽxguma nayuemaregu rü tá nüxü̃ pexo erü nixãũãchi.