Lebítanüxü̃arü puracüchiga 10:1 - Tupanaarü Ore

¹ Aróü̃ nanegü ga Nadáx rü Abiú rü wüxichigü nanayaxu ga noxrütama ã́xwepáxü̃. Rü ngexcürüücümare ga ã́xwe ga tama Tupana naxwa̱xecümaxã nanaxüãcugü. Rü gumá ã́xweétügu nanagü ga norü pumarate̱xe rü ñu̱xũchi Tupanape̱xewa nanangegü nax yemamaxã nüxü̃ yacua̱xüü̃güxü̃ca̱x. Rü yemaacü tama nayanguxẽẽgü ga yema Tupana namaxã nüxü̃ ixuxü̃.

Lebítanüxü̃arü puracüchiga 10:1 Iomraidhean Croise

Nüxíraxü̃xü̃ ga popera ga ãẽ̱xgacügüchiga 18:38

Rü yexgumatama Cori ya Tupanaarü üxüema rü ngürüãchi yexma naétü nangu ga yema wocaxacümachi. Rü nixa ga yema namachi rü üxü rü wootama ga guma nutagü rü waixü̃mü. Rü yema dexá ga yema ícaeguxü̃machatexewa yexmaxü̃ rü nipa.

Wiyaegü 141:2

Rü ñaa chorü yumüxẽ i cumaxã nüxü̃ chixuxü̃ ¡rü nayaxu ñoma pumarate̱xe i yáuanecü chaxunagüchacüxüãcüma cuxca̱x chiguxü̃rüxü̃!

Ínachoxü̃xü̃chiga 24:1

Cori ya Tupana rü Moichéxü̃ ñanagürü: —Ngẽma nachica i nawa changexmaxü̃gu namaxã naxĩnagü i Aróü̃, rü Nadáx, rü Abiú, rü ñu̱xũchi ngẽma 70 i Iraétanüxü̃arü ãẽ̱xgacü. Natürü yáxü̃waxü̃ra tátama nayachaxãchigü, rü ngẽxma tá nacaxã́pü̱xügü.

Ínachoxü̃xü̃chiga 24:9

Rü yexguma ga Moiché, rü Aróü̃maxã, rü Nadáxmaxã, rü Abiúmaxã, rü ñu̱xũchi yema 70 ga Iraétanüxü̃arü ãẽ̱xgacügümaxã guma ma̱xpǘnegu naxĩnagü,

Ínachoxü̃xü̃chiga 27:3

Rü guxü̃ma i norü ngẽmaxü̃gü i ngẽma ãmarearü guruxü̃ rü tá bróũchenaxca̱x nixĩgü. Rü ngẽma norü tanimacapáü̃gü rü ngẽma norü paragü, rü norü nagüpáü̃gü, rü ngẽma namachiarü choxruü̃gü, rü ngẽma Ãxwepáü̃gü rü bróũchenaxca̱x tá nixĩgü.

Ínachoxü̃xü̃chiga 28:1

¡Rü chorü puracüca̱x nüxü̃ naxuneta ya cuenexẽ ya Aróü̃ rü nanegü ya Nadáx, rü Abiú, rü Ereachá, rü Itamá! Rü nümagü tá nixĩ i chorü chacherdótegü.

Ínachoxü̃xü̃chiga 31:11

rü ngẽma chíxü̃ i baeruruxü̃, rü ngẽma pumarate̱xe i yixichixü̃ i chopataca̱x ixĩxü̃. Rü guxü̃ma i ngẽma rü ngẽma cumaxã nüxü̃ chixuxü̃ãcü tá nixĩ i naxügüãxü̃ —ñanagürü ga Tupana.

Ínachoxü̃xü̃chiga 37:29

Rü nüma ga Becharé rü nanaxü ta ga yema chíxü̃ ga baeruruxü̃ ixĩxü̃ rü yema pumarate̱xe ga paacaxü̃. Rü yema pumarate̱xe rü ñoma pumaraarü üxü̃ cua̱xgüxü̃ naxügüxü̃rüü̃tama nanaxü.

Ínachoxü̃xü̃chiga 38:3

Rü ínanaxüxü̃ ta ga norü yemaxü̃gü ga yema ãmarearü guruxü̃. Rü yemagü nixĩ ga tanimacapáü̃gü, rü paragü, rü tacháũgü, rü choxchataü̃gü, rü ã́xwepáxü̃gü.

Ínachoxü̃xü̃chiga 40:27

Rü yemawa nayagu ga yema pumarate̱xe ga paacaxü̃ yema Cori ya Tupana namaxã nüxü̃ ixuxü̃ãcü.

Ínachoxü̃xü̃chiga 6:23

Rü nüma ga Aróü̃ rü Erichebámaxã naxãxma̱x. Rü ngĩma ga Erichebá rü Aminadáxacü iyaxĩ, rü Nachóü̃eya̱x iyaxĩ. Rü namaxã ixãxacü ga Nadáx, rü Abiú, rü Ereachá, rü ñu̱xũchi Itamá.

Ínachoxü̃xü̃chiga 8:27

Rü ngẽmaca̱x tanaxwa̱xe nax ngextá taxúema íxãpataxü̃wa taxĩxü̃ i tomaepü̱x i ngunexü̃ naxca̱x taxĩxü̃wa, nax ngéma Cori ya torü Tupanaca̱x tayadaixü̃ca̱x i ngẽma torü ãmaregü, ngẽma nüma toxü̃ namuxü̃ãcüma —ñanagürü.

Yeremía 19:5

Rü naétü ãmarearü guruü̃gü naxügü nax yemawa naxacüxe tüxü̃ ínagu naxca̱x ga tupananeta ga Baá. Rü ngẽma nacüma i chixexü̃ rü tama choma chanamu nax naxügüã̱xü̃ca̱x rü taguma namaxã nüxü̃ chixu rü bai i ñuxgu chauãẽwa ínanguxü̃ ga yema.

Yeremía 32:35

Rü yexgumarüxü̃ ta Ben-inóü̃arü doxonexü̃gu nanaxügü ga Baáxarü ãmarearü guruü̃gü nax yemawa tupananeta ga Molóxca̱x tüxü̃ ínaguxü̃ca̱x ga nanegü rü naxacügü. Rü yemaacü Yudátanüxü̃güxü̃ napecaduã̱xẽẽgü ga yexguma naxügüãgu ga yema chixexü̃ ga poraãcü naxchi chaxaixü̃ ga taguma namaxã nüxü̃ chixuxü̃ nax naxügüã̱xü̃ca̱x rü bai ñuxgu nagu charüxĩnüxü̃.

Yeremía 44:15

Rü yema yatügü ga nüxü̃ cua̱xgüxü̃ nax naxma̱xgü pumarate̱xe yagugüxü̃ naxca̱x ga yema tupananetagü, rü yema ngexü̃gü ga yéma yexmagüxü̃ rü wüxitücumü ga muxü̃ma nixĩ. Rü naétü nayexmagü ga yema Yudíugü ga Equítuanearü súrwa maxẽxü̃. Rü guxü̃ma ga yema duü̃xü̃gü rü Yeremíaxü̃ nangãxü̃gü rü ñanagürügü:

Yeremía 44:8

¿Rü tü̱xcüü̃ choxü̃ penuxẽxẽ namaxã i ngẽma chixexü̃ i pexügüxü̃ rü ngẽma nax pumarate̱xe naxca̱x pigugüxü̃ i norü tupananetagü i Equítuane i nawa pengugüxü̃ nax nua pemaxẽxü̃ca̱x? Rü ngẽma chixexü̃ i pexügüxü̃gagu rü pematama naxca̱x pedaugü i perü poxcu. Rü ngẽmaãcü wüxi i cua̱xruxü̃ tá pixĩgü naxca̱x i guxü̃ma i ngẽma togü i nachixü̃anegü i ñoma i naanewa ngẽxmagüxü̃. Rü tá chixexü̃maxã pexü̃ narüdaunü rü tá pexü̃ nacugüe.

Yeremía 7:31

Rü naétü ga yema chixexü̃ ga naxügüxü̃, rü Ben-inóü̃arü doxonexü̃gu ga Tópegu rü norü tupananetaca̱x nanaxügü ga wüxi ga ãmarearü guruxü̃ nax yéma nanegü rü naxacügü tüxü̃ ínaguxü̃ca̱x. Rü choma rü tama chanamu nax yema naxügüxü̃, rü bai ga chorü ĩnüwa nagu charüxĩnüxü̃.

Lebítanüxü̃arü puracüchiga 16:1

Rü nüma ga Cori ya Tupana rü Moichémaxã nidexa nawena ga nax nayuexü̃ ga yema taxre ga Aróü̃ nanegü, yerü nagu nachocu ga yema naxmachiã ga Üünexüchixü̃ ga Cori ya Tupana nawa yexmaxü̃.

Lebítanüxü̃arü puracüchiga 16:12

Rü ñu̱xũchi nüma ya Aróü̃ rü tá nanayaxu i wüxi i pumarate̱xepáü̃. Rü ngẽma Tupanapatape̱xewa ngẽxmaxü̃ i guruü̃wa tá nanayaxu ya ã́xwe ya naicü, rü yimamaxã tá nanaxüãcu i ngẽma pumarate̱xearü guruü̃páü̃. Rü tá nanayaxu i taxreãcume̱xẽ i pumarate̱xe i yixichixü̃. Rü ngẽmamaxã tá ngẽma tüyemachiü̃arü aixepeguama naxücu.

Lebítanüxü̃arü puracüchiga 22:9

Rü namaxã nüxü̃ ixu i ngẽma chacherdótegü nax yanguxẽẽgüãxü̃ca̱x i chorü mugü. Rü ngẽxguma mea naga naxĩnüegu rü taxuxü̃táma nayue nagagu nax naxãũãchixẽẽãxü̃ i chorü ãmaregü. Erü choma ya Cori ya Tupana nixĩ i chorü puracü i üünexü̃ca̱x nüxü̃ chaxunetaxü̃ i chacherdótegü.

Lebítanüxü̃arü puracüchiga 9:24

Rü nawa ínaxũxũ ga üxüema ga yaguxü̃ ga yema naxü̃na ga yagugüchaü̃xü̃ rü yema chíxü̃ ga ãmarearü guruü̃étügu nuxü̃. Rü yexguma yemaxü̃ nadaugügu ga Iraétanüxü̃, rü norü taãẽmaxã tagaãcü aita naxüe, rü ñu̱xũchi waixü̃müanegu nanangücuchitanü.

Iraétanüxü̃arü muxchiga 16:46

Rü nüma ga Moiché rü Aróü̃xü̃ ñanagürü: —¡Nua nange i curü pumarate̱xearü guruxü̃, rü ã́xwe i naxü̃nagüarü guruü̃wa cuyaxucümaxã naxüãcu, rü ñu̱xũchi pumarate̱xe ngẽxma ta nagü! ¡Rü ñu̱xũchi paxa duü̃xü̃gü íngẽxmagüxü̃wa naxũ rü ngéma duü̃xü̃güca̱x nüxna nachogü ya Tupana nax nüxü̃́ nüxü̃ nangümaxü̃ca̱x i norü chixexü̃gü! Erü nüma ya Cori ya Tupana rü poraãcü nanuxũchi, rü ngẽma da̱xaweane i namaxã nadaiaxü̃ rü marü inaxügü —ñanagürü.

Iraétanüxü̃arü muxchiga 26:61

Natürü ga Nadáx rü Abiú rü nayue ga yexguma Cori ya Tupanape̱xewa yagugüãgu i pumarate̱xe i tama Tupanaca̱x mexü̃.

Iraétanüxü̃arü muxchiga 4:18

—Rü tama chanaxwa̱xe nax naxoxü̃ i ngẽma Queáxtanüxü̃ natanüwa i Lebítanüxü̃.

Wenaxarü naxümatü ga Tupanaarü mugü 12:32

Natürü i pema rü penaxwa̱xe nax guxü̃guma nagu pexĩxü̃ i guxü̃ma i ngẽma mugü i pemaxã nüxü̃ chixuxü̃. Rü taxũtáma ta̱xacürü to i mugü pixücuchi rüe̱xna ípenaxüxüchi nawa i ngẽma pemaxã nüxü̃ chixuxü̃.

Wenaxarü naxümatü ga Tupanaarü mugü 4:2

¡Rü taxṹ i to i mugü pixücuchixü̃ rüe̱xna ípenaxíxraãchixü̃ i ngẽma Cori ya Tupanaarü mugü i pexü̃ changúexẽxẽxü̃! ¡Rü peyangu̱xẽxẽ i ngẽma norü mugü i choma pemaxã nüxü̃ chixuxü̃!

Popera ga Yudíugü ga yaxõgüxü̃ca̱x ümatüxü̃ 9:4

Rü yéma nayexma ga yema mecha ga úirunaxca̱x ga nawa yagugüãxü̃ ga pumara ga yixixü̃. Rü yéma nayexma ta ga yema baú ga guxü̃wama úirumaxã tüxünexü̃ ga Tupanaarü mugü nagu nucuxü̃. Rü yematama baúarü aixepewa nayexma ga wüxi ga napaxü̃ ga úirunaxca̱x ga maná ga daxũwa rüyixü̃maxã ããcuxü̃. Rü yexgumarüxü̃ ta yema baúarü aixepewa nayexma ga Aróü̃arü caxü̃ruxü̃ ga rüxüxü̃ne, rü gumá nutagü ga Tupanaarü mugü nagu ümatügüxü̃.