Lebítanüxü̃arü puracüchiga 1:9 - Tupanaarü Ore

⁹ Rü yíxema cha̱u̱xca̱x inaxãxe i ngẽma naxü̃na rü tá meama dexámaxã tayayauxgü i naü̃nüta rü naparagü. Rü nüma ya chacherdóte rü ngẽma guruü̃wa tá ínanagu i guxü̃ma nax choma namaxã chataãxẽxü̃ca̱x i ngẽma naema i ngẽma ãmare.

Lebítanüxü̃arü puracüchiga 1:9 Iomraidhean Croise

Naanearü ügüchiga 8:21

Rü yexguma Cori ya Tupanaxü̃ napaxgu ga yema naema rü nüma rü namaxã nataãxẽ. Rü ñanagürü: —Tagutáma wena chixexü̃ namaxã chaxuegu i ñaa naane nagagu i ngẽma duü̃xü̃gü woo yexguma noxritama chanango̱xẽẽgu i ngẽma duü̃xü̃gü rü chixexü̃guxicatama narüxĩnüe. Rü ngẽxgumarüxü̃ ta tagutáma wena chanadai i guxü̃ma i naeü̃gü i ngẽma ñu̱xma namaxã chaxüxü̃rüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:34

rü Chamué rü Ercaná nane nixĩ, rü Ercaná rü Yeruáü̃ nane nixĩ, rü Yeruáü̃ rü Erié nane nixĩ, rü Erié rü Tóa nane nixĩ,

Norü taxre ga to ga popera ga ãẽ̱xgacügüchiga ümatüxü̃ 4:6

Rü nüma ga Charomóü̃ rü yexgumarüxü̃ ta nanaxü ga 10 ga ya̱u̱xme̱xü̃páxü̃gü ga bróũchenaxca̱x. Rü yema wüxime̱e̱xpü̱x rü Tupanapata ga taxü̃nearü tügünecüwagu nananu rü yema to ga wüxime̱e̱xpü̱x rü norü to̱xwecüwagu nananu. Rü yemawa nixĩ ga yayauxgüãxü̃ ga guxü̃ma ga yema ãmare namaxã ínagugüü̃xü̃. Natürü yema dexáchixü̃ ga taxü̃wa nixĩ ga chacherdótegü ga nügü yayauxgüxü̃.

Wiyaegü 51:6

Cuma rü nüxü̃ cungechaü̃ i ngẽma duü̃xü̃ i aixcüma nüxü̃ ixuxü̃ i norü pecadugü. Rü chauãẽwa cunanguxẽxẽ i cua̱x.

Wiyaegü 66:15

Rü ngẽma curü ãmarearü guruü̃wa rü tá cuxca̱x chayagu i wocaxacügü i ngüexü̃, rü wocagü i iyatüxü̃, rü chíbugü i iyatüxü̃, rü carnérugü nax ngẽma naemamaxã cutaãẽxü̃ca̱x.

Ínachoxü̃xü̃chiga 12:9

Rü bai i íxraxü̃ i ngẽma namachi i pengṍxü̃ rü tá nangáxüra rüe̱xna namuxra. Rü guxü̃ma i namachi rü naeru rü naparagü rü naü̃nütagü, rü tá penanagü.

Ínachoxü̃xü̃chiga 29:18

¡Rü ngẽma carnéru rü ãmarearü guruü̃wa cha̱u̱xca̱x yagu! Rü ngẽma naema i ngẽma ãmare rü choma rü tá poraãcü namaxã chataãẽxü̃chi.

Ínachoxü̃xü̃chiga 29:25

¡Rü ngẽmawena rü nüxna nade i naxme̱xwa, rü ãmarearü guruü̃wa ínagu wüxigu namaxã i ngẽma naxü̃na i quimáxü̃! Rü ngẽma naema i ngẽma ãmare rü choma rü tá poraãcü namaxã chataãẽxü̃chi. Erü ngẽma nixĩ i ãmare i cha̱u̱xca̱x quiguxü̃.

Yeremía 4:14

Pa Yerucharéü̃cüã̱xgü, ¡nüxü̃ perüxoe i ngẽma chixexü̃ i nagu pemaxẽxü̃! Rü ngẽxgumaxicatama tá nixĩ i nüxna ípenguxü̃xü̃ i ngẽma ãũcümaxü̃ i pexca̱x ínguxchaü̃xü̃. ¿Rü ñuxguxüra tá ta nixĩ i pegüna peyaxũgachixẽẽxü̃ i ngẽma chixexü̃ i ĩnügü i peãẽwa ngẽxmagüxü̃?

Echequié 20:28

Rü yexguma nagu chanachocuxẽẽgu ga yema naane ga namaxã chaxueguxü̃ nax nüxna chanaxãxü̃ca̱x, rü nümagü ga perü o̱xigü rü yexguma nüxü̃ nadaugügu ga wüxi ga ma̱xpǘne rüe̱xna wüxi ga nai ga taetane rü guma ma̱xpǘnewa rü guma naixtüü̃wa norü tupananetagüca̱x nanadai rü ínanagu ga norü ãmaregü ga poraãcü naxchi chaxaixü̃. Rü yema norü ãmareétügu nanabagü ga norü bínugü rü norü tupananetagüca̱x ínanagu ga norü pumarate̱xe.

Echequié 20:41

Rü ngẽxguma pexü̃ íchagaxü̃gu nawa i ngẽma nachixü̃anegü rü yima ĩanegü i ñu̱xma nagu pewoonene, rü tá pexü̃ chayaxu ñoma ãmare i chi̱xemaxü̃rüxü̃. Rü ngẽmaãcü guxü̃ i togü i nachixü̃anecüã̱xpe̱xewa tá ichanawe̱x i chorü üüne i petanüwa tá chango̱xẽxẽxü̃.

Echequié 40:38

Rü yema nórtewa yexmaxü̃ ga ücuchicaarü ngu̱xẽẽchicacüwawa nayexma ga wüxi ga to ga ucapu. Rü yema ucapuwa nixĩ ga yayauxgüãxü̃ ga yema naxü̃nagü ga nadaigüxü̃ ga Tupanaca̱x ínagugüchaü̃xü̃.

Lebítanüxü̃arü puracüchiga 1:13

Rü ngẽmawena ya yíxema Tupanaca̱x ãmare iguxe rü tá dexámaxã tayayauxgü i naü̃nüta rü naparagü. Rü nüma i chacherdóte rü ngẽma guruü̃wa tá ínanagu i guxü̃ma nax choma ya Cori ya Tupana namaxã chataãẽxü̃ca̱x i ngẽma naema i ngẽma ãmare.

Lebítanüxü̃arü puracüchiga 1:17

Rü ngẽmawena rü tümape̱xatügu tá tüxü̃ narügáute ya yíxema muxtucuxacü, natürü taxũtáma tüxü̃ narügáutexüchi nax ngẽmaãcü wüxichigü ya tümape̱xatü rü tümachipanüwatama nangẽxmaxü̃ca̱x. Rü ngẽmawena i nüma i chacherdóte rü yima üxü ya ãmarearü guruü̃étüwa iya̱u̱xranewa tá tüxü̃ nigu. Rü ngẽma rü wüxi i ãmare i üxüwa iguxü̃ tá nixĩ nax choma rü naemamaxã chataãẽxü̃ca̱x.

Lebítanüxü̃arü puracüchiga 2:16

Rü ngẽmawena ya chacherdóte rü íxraxü̃ i ngẽma trigu i camüxü̃ tá nayaxu rü wüxigu namaxã i ngẽma chíxü̃ rü pumarate̱xe tá nayagu. Rü ngẽma ãmare i yaguxü̃wa tá nüxna cucua̱xãchi nax choma ya Cori ya Tupana chixĩxü̃ i cuxna chanaxãxü̃ i guxü̃ma i cuxü̃́ ngẽxmaxü̃.

Lebítanüxü̃arü puracüchiga 2:2

Rü ngẽmawena rü Aróü̃ nanegü i chacherdótegüxü̃tawa tá tanange. Rü wüxi i ngẽma Aróü̃ nane rü tá wüxi i naxme̱xãcu nayaxu i trigute̱xe i chíxü̃ã́xü̃ rü pumate̱xeã́xü̃. Rü ngẽma ãmarearü guruü̃wa tá nayagu nax ngẽmawa choxna tacua̱xãchixü̃ca̱x. Rü ngẽma naema i ngẽma ãmare, rü choma ya Cori ya Tupana rü tá namaxã chataãxẽ.

Lebítanüxü̃arü puracüchiga 2:9

Rü ngẽma ãmarearü guruxü̃ íngẽxmaxü̃wa rü nüma i chacherdóte rü tá íxraxü̃ nayaxu i ngẽma ãmare. Rü ngẽma ãmarearü guruü̃wa tá nayagu nax ngẽmawa choxna cucua̱xãchixü̃ca̱x. Rü ngẽma naema i ngẽma ãmare, rü choma ya Cori ya Tupana rü tá namaxã chataãxẽ.

Lebítanüxü̃arü puracüchiga 3:11

Rü ñu̱xũchi ngẽma chacherdóte rü ãmarearü guruü̃étüwa tá ínanagu i guxü̃ma i ngẽma ãmare. Rü ngẽma ãmare rü õna i Cori ya Tupanaca̱x íguxü̃ nixĩ.

Lebítanüxü̃arü puracüchiga 3:5

Rü nüma i chacherdótegü tá nixĩ i ãmarearü guruü̃arü üxü i yauranewa ínaguaxü̃ wüxigu ngẽma naxü̃namaxã. Rü ngẽma naema i ngẽma ãmare, rü Cori ya Tupana rü tá namaxã nataãxẽ.

Lebítanüxü̃arü puracüchiga 4:31

Rü nüma i chacherdóte tá nanade i guxü̃ma i ngẽma cabraarü chíxü̃, ngẽma Cori ya Tupanaarü ngüxmüxẽẽruü̃ca̱x yama̱xgüxü̃ i naxü̃na nadearüchíxü̃ã́xü̃rüxü̃. Rü ngẽma chíxü̃ rü ãmarearü guruü̃wa tá nayagu. Rü naema i ngẽma chíxü̃ rü Cori ya Tupana rü tá namaxã nataãxẽ. Rü nüma ya chacherdóte rü ngẽmaãcü tá ngẽma chíbumaxã nanaxütanü i tümaarü pecadu ya yíxema duü̃xẽ. Rü choma ya Cori ya Tupana rü tá tüxü̃́ nüxü̃ icharüngüma i tümaarü pecadu.

Lebítanüxü̃arü puracüchiga 6:14

Rü ñaa ucu̱xẽgü rü ãmaregü i trigute̱xeca̱x ixĩxü̃ nixĩ: Rü ngẽma Aróü̃ nanegü i chacherdótegü tá nixĩ i ãmarearü guruü̃pe̱xewa choxna naxãgüxü̃ i ngẽma ãmaregü i trigute̱xe ixĩxü̃.

Lebítanüxü̃arü puracüchiga 8:21

Rü yemawena rü dexámaxã nanayaxu ga yema naü̃nütagü rü guma naparagü. Rü ñu̱xũchi ãmarearü guruü̃wa ínanagu ga guxü̃ma ga yema carnéru nax wüxi ga ãmare ga Cori ya Tupana naemamaxã nataãẽxü̃ca̱x. Rü nüma ga Moiché rü yemaacü ínanagu yema Cori ya Tupana namaxã nüxü̃ ixuxü̃rüxü̃.

Lebítanüxü̃arü puracüchiga 8:28

Rü yexguma nüma ga Moiché rü Aróü̃na rü nanegüna nanade ga guxü̃ma ga yema. Rü ãmarearü guruü̃wa ínanagu wüxigu namaxã ga yema ãmare ga Tupanaca̱x yaguxü̃. Rü yemaacü nüxü̃ naxuneta ga Aróü̃ rü nanegü nax Tupanaarü puracü naxügüxü̃ca̱x. Rü yema nixĩ ga ãmaregü ga Tupanaca̱x yaguxü̃ nax naemamaxã nataãẽxü̃ca̱x.

Lebítanüxü̃arü puracüchiga 9:14

Rü yemawena dexámaxã nanayaxu ga naü̃nüta rü naparagü rü ñu̱xũchi ãmarearü guruü̃wa ínanagu wüxigu namaxã ga naxü̃ne ga yema naxü̃na.

Chacaría 13:7

Rü Cori ya Tupana ya Guxãxétüwa Ngẽxmacü rü ñanagürü: —¡Pa Tara i Taxrewa Ãmaguxü̃x, rü naxca̱x ixũ i chorü carnéruarü dauruxü̃ rü ngẽma chorü ngü̃xẽẽruxü̃! ¡Rü yama̱x ya yima carnéruarü dauruxü̃ nax nawoonexü̃ca̱x i carnérugü! Rü choma rü tá chanadai i ngẽma carnéruxacügü.

Iraétanüxü̃arü muxchiga 28:11

Rü ngexwacaxü̃cü ya tauemacü nagu ngóxü̃ i ngunexü̃gu rü Cori ya Tupanaca̱x tá penadai rü peyagu i taxre i wocaxacügü i iyatüxü̃ rü wüxi i carnéru i yatüxü̃ rü 7 i carnéruxacügü i iyatüxü̃ i wüxi ya taunecü nüxü̃́ ngẽxmagüxü̃ i taxuwama chixexü̃.

Iraétanüxü̃arü muxchiga 28:7

Rü ñanagürü ga Tupana: —Wüxichigü i carnéru rü wüxi ya litru ya bínu tá nagu yabagüchigüãcüma nayagugü. Rü yimá bínu rü chanaxwa̱xe nax chopatawa chopexegu nanabagü nax namaxã chataãẽxü̃ca̱x.

Iraétanüxü̃arü muxchiga 28:8

Rü ngẽma norü taxre i carnéru i yáuanecü tá yagugüxü̃, rü ngẽma carnéru i pa̱xmama yagugüxü̃rüxü̃ tátama arínamaxã, rü bínumaxã nayagugü. Rü ngẽma ãmare i cha̱u̱xca̱x yagugüxü̃, rü naema rü Chauãẽgu tá nayatãũxü̃.

2 Corintios 2:15

Erü toma rü ñoma pumara i Cristu Tupanana ãxü̃rüxü̃ tixĩgü, rü togagu guxü̃wama nangu i norü ore natanüwa i ngẽma yaxõgüxü̃ rü natanüwa i ngẽma tama yaxõgüxü̃.

Efesios 5:2

Rü name i pegü pengechaü̃gü yema Cristu tüxü̃ ngechaü̃xü̃rüxü̃. Rü nüma rü taxca̱x nügü inaxã rü taxca̱x nayu nax yemaacü Tupanaca̱x wüxi i ãmare i chi̱xemaxü̃ yixĩxü̃ca̱x.

Wenaxarü naxümatü ga Tupanaarü mugü 12:27

Rü ngẽma Tupanaarü ãmarearü guruü̃wa tá naxca̱x ípenagu i perü naxü̃nagü. Rü yimá nagü i ngẽma naxü̃nagü i Tupanana pexãxü̃ rü tá ngẽma ãmarearü guruü̃étügu penaba. Natürü i ngẽma namachi rü name nax penangṍxü̃.

Filipenses 4:18

Rü ñu̱xma rü marü choxü̃́ nangẽxma i guxü̃ma i ta̱xacü i chanaxwa̱xexü̃, rü aixcüma ngẽmaarü yexera choxü̃́ nangẽxma. Rü ñu̱xma nax Epaporudítu núma nangexü̃ i perü ãmare, rü taxuxü̃ma choxü̃́ nataxu. Rü ngẽma perü ãmare i cha̱u̱xca̱x núma pemuxü̃, rü Tupanape̱xewa rü ñoma wüxi i pumara i yixĩxü̃rüxü̃ nixĩ, rü nüma rü poraãcü namaxã nataãxẽ.