Lebítanüxü̃arü puracüchiga 1:16 - Tupanaarü Ore

¹⁶ Rü tá nanayaxu i norü tüe wüxigu namaxã i naü̃, rü ãmarearü guruü̃arü éstewaama tá nanata̱x i tanimaca ínagüxü̃wa.

Lebítanüxü̃arü puracüchiga 1:16 Iomraidhean Croise

Danié 4:33

Rü yexgumatama ningu ga yema Tupana namaxã ueguxü̃. Rü nüma ga Nabucudonochó rü naxãũãxẽ. Rü duü̃xü̃güna nixũgachi rü wocagürüxü̃ maxẽ nanangõ̱x rü cherenamaxã niwaxine. Rü nayae rü narüxü, rü ñoma dawüã̱xmürüxü̃ nixĩ, rü napatü rü ñoma dawüpatürüxü̃ nixĩ.

Lebítanüxü̃arü puracüchiga 16:27

Rü ngẽma wocaxacü rü ngẽma chíbu i pecaduca̱x daixü̃, rü yimá nagü i Aróü̃ rü naxmachiã i üünexü̃wa ngecü nax choma pexü̃́ nüxü̃ icharüngümaxü̃ca̱x i perü pecadugü. Rü pema ípexãchiü̃güxü̃arü yáxü̃wa tá ípenagu i naxcha̱xmüxü̃, rü namachi, rü naü̃.

Lebítanüxü̃arü puracüchiga 6:3

Rü ngẽxgumarüxü̃ ta ega texé wüxi i togüarü ngẽmaxü̃ iyarütaxuxü̃ itayangauxgux rü ñu̱xũchi tama nüxü̃ tixuxgu nax nüxü̃ itayangauxü̃, rü chixexü̃ taxü. Rü ngẽxgumarüxü̃ ta ega natüca̱xma tümamücümaxã itaxügagu natürü tama tayangu̱xẽẽgu i ngẽma nüxü̃ tixuxü̃, rü chixexü̃ taxü.

Ore i mexü̃ ga Luca ümatüxü̃ 1:35

Rü nüma ga daxũcüã̱x ga Gábi rü ngĩxü̃ nangãxü̃, rü ñanagürü: —Tupanaãxẽ ya Üünecü tá cuxna nangu. Rü Tupana ya Guxü̃étüwa Ngẽxmacüarü pora rü wüxi i caixanexü̃rüxü̃ tá cugu nayanga̱i̱xema. Rü ngẽmaca̱x ngẽma cune rü Üünecü ya Tupana Nanemaxã tá nanaxugü i duü̃xü̃gü.

Nüxíraxü̃xü̃ ga popera ga Pedru ümatüxü̃ 1:2

Rü pexü̃ nixĩ ga nadexü̃ ga Tanatü ya Tupana, yerü woetama yema nixĩ ga nũxcümaxü̃chima nagu naxĩnüxü̃. Rü nüma ya Tupana rü Naãxẽ ya Üünecümaxã pexü̃ nimexẽẽgü nax nape̱xewa pixüünegüxü̃ca̱x rü Ngechuchu ya Cristuga nax pexĩnüexü̃ca̱x rü nagümaxã nax piyauxgüxü̃ca̱x nax nataxuxü̃ca̱x i perü chixexü̃gü. Rü chanaxwa̱xe i Tanatü ya Tupana poraãcü pexü̃ narüngü̃xẽxẽ rü pexü̃ nataãẽgüxẽxẽ.