Joel 3:6 - Tupanaarü Ore

⁶ Rü yáxü̃wama penagagü ga yema Yudáanecüã̱xgü rü Yerucharéü̃cüã̱xgü, rü ñu̱xũchi puracütanüxü̃xü̃ Griégugüxü̃ namaxã petaxegü.

Joel 3:6 Iomraidhean Croise

Echequié 27:13

Rü yexgumarüxü̃ ta ga yema taxetanüxü̃ ga Gréchiawa rü Tubáxwa rü Méchewa ne ĩxü̃ rü cuxü̃tawa naxca̱x nayataxegü ga curü yemaxü̃gü. Rü nümagü rü duü̃xẽgü ga mugüruü̃maxã rü yemaxü̃gü ga bróũchenaxca̱xmaxã cuxü̃́ nanaxütanügü.

Joel 3:3

Rü ngẽma togü i nachixü̃anecüã̱xgü i duü̃xü̃gü rü sortéuãcü nügü nayanu ga chorü duü̃xü̃gü, rü tümamaxã nataxegü ga buxegü ga iyatüxe rü ingexe. Rü yemawena ga guxema buxegütanü rü bínugu rü ngexü̃gü ga ngĩxü̃negümaxã taxexü̃gu tüxü̃ nagu̱xẽẽgü ga guxema diẽru.

Joel 3:8

Rü Yudíugüxü̃ tá tümamaxã chataxe ya yíxema penegü rü pexacügü nax ngẽmaãcü i ngẽma Yudíugü rü ngẽma duü̃xü̃gü i yáxü̃guxü̃ i naanegu ãchiü̃güxü̃ i Chabéugüxü̃ tümamaxã nataxegüxü̃ca̱x. Rü choma ya Cori ya Tupana nixĩ i pemaxã nüxü̃ chixuxü̃ i ngẽma —ñanagürü.

Chacaría 9:13

Rü choxü̃́ nangẽxma i Yudátanüxü̃ i ñoma chorü würa ya dairuü̃rüxü̃ ixĩgüxü̃ rü ngẽma Efraíü̃tanüxü̃ rü ñoma chuxchirüxü̃ nixĩgü. Rü cumax, Pa Chióü̃x, rü ñoma tara i taxrewa ãmaguxü̃rüxü̃ tá cuxü̃ chixĩxẽxẽ. Rü ngẽma duü̃xü̃gü i cuwa ngẽxmagüxü̃ rü tá chanaporaxẽxẽ nax Griégugüchixü̃anecüã̱xgüxü̃ nada̱i̱xü̃ca̱x —ñanagürü.

Wenaxarü naxümatü ga Tupanaarü mugü 28:32

Rü penegü rü pexacügü rü pexü̃ta tátama duü̃xü̃gü i to i nachixü̃anewa ne ĩxü̃na nanamugü nax norü puracütanüxü̃xü̃ yagagüãxü̃ca̱x. Rü pema rü guxü̃gutáma nagu perüxĩnüe nax wena nüxü̃ pedauxü̃ca̱x, natürü marü taxucürüwama wena nüxü̃ pedau.

Wenaxarü naxümatü ga Tupanaarü mugü 28:68

Rü woo nax Cori ya Tupana cumaxã nüxü̃ ixuxü̃ nax tagutáma wenaxarü ngẽma nama i Equítuanewa daxü̃gu tá naxca̱x cutaeguxü̃, natürü nüma ya Cori ya Tupana rü wapurugu tá nayamugü i cutanüxü̃ nax Equítuaneca̱x nawoeguxü̃ca̱x. Rü ngéma Equítuanewa rü tá curü uanügüna nanaxuaxü̃ nax mugüruxü̃ namaxã nataxegüxü̃ca̱x, natürü nataxutama i naxca̱x taxexü̃ —ñanagürü ga Moiché.