Joel 3:2 - Tupanaarü Ore

² Rü wüxigu tá chanangutaque̱xexẽxẽ i guxü̃ma i ngẽma togü i nachixü̃anecüã̱xgü i duü̃xü̃gü, rü Yochapáxarü doxonexü̃wa tá chanagagü. Rü ngéma tá nixĩ i nüxna naxca̱x chacagüxü̃ ga yema chixexü̃ ga chorü duü̃xü̃gü ga Iraécüã̱xgümaxã naxügüxü̃. Yerü guxü̃ ga nachixü̃anegügu nanawoone ga Iraétanüxü̃, rü ñu̱xũchi ngẽma togü nügü nayanu ga yema chorü naane.

Joel 3:2 Iomraidhean Croise

Norü taxre ga to ga popera ga ãẽ̱xgacügüchiga ümatüxü̃ 20:26

Rü yema norü ãgümücü ga ngunexü̃gu rü Beracáarü doxonexü̃gu nangutaque̱xegü, rü yéma Cori ya Tupanaxü̃ nicua̱xüü̃gü. Rü yemaca̱x ga yema doxonexü̃ rü Beracágu nanaxüégagü. Rü woo ñu̱xma rü ta rü ngẽmatama nixĩ i naéga.

Ichaía 66:16

Erü Tupana rü üxümaxã rü taramaxã tá nanapoxcue i guxü̃ma i ñoma i naanewa maxẽxü̃ i duü̃xü̃gü. Rü tá namuxũchi i ngẽma poxcugu yuexü̃.

Ichaía 66:18

Erü choma rü nüxü̃ chacua̱x i ngẽma nagu naxĩnüexü̃ rü ngẽma naxügüxü̃ i ngẽma duü̃xü̃gü. Rü ngẽmaca̱x i choma rü tá chanangutaque̱xexẽxẽ i guxü̃ma i nachixü̃anecüã̱xgü i duü̃xü̃gü i to i nagawa idexagüxü̃. Rü tá nua nangugü rü tá nüxü̃ nadaugü i chorü pora.

Yeremía 12:14

Rü Cori ya Tupana rü ñanagürü: —Rü ngẽma togü i nachixü̃anecüã̱xgü i chixecümaxü̃ i Iraéanena ngaicamagüxü̃ rü marü nanachixexẽxẽ i ngẽma naane i Iraétanüxü̃na chaxãxü̃ nax guxü̃guma norü yixĩxü̃ca̱x. Rü choma rü norü naanewa tá íchanawoxü̃ i ngẽma togü i nachixü̃anegüarü duü̃xü̃gü i chixecümaxü̃. Rü ngẽma nachixü̃ane i nawa Yudáanecüã̱xgüxü̃ nagagüxü̃, rü choma rü tá ngẽma nachixü̃anewa íchanagaxü̃ i ngẽma Yudáanecüã̱xgü nax norü naaneca̱x nawoeguxü̃ca̱x.

Yeremía 25:31

Rü ngẽma naga i ñoma duruanexü̃rüxü̃ ixĩxü̃ rü guxü̃ i naanewa nangu, erü nüma ya Cori ya Tupana rü taxü̃ i poxcu tá naxca̱x ínanguxẽxẽ i guxü̃ma i nachixü̃anecüã̱x i duü̃xü̃gü. Rü norü chixexü̃ca̱x tá nüxna nicachigü i guxü̃ma i duü̃xü̃gü i ñoma i naanewa maxẽxü̃, rü tá yu namaxã naxuegu i ngẽma chixexü̃gu maxẽxü̃. Rü nümatama ya Cori ya Tupana nixĩ i nüxü̃ ixuxü̃ i ngẽma” —ñanagürü.

Yeremía 49:1

Ñaa nixĩ i Cori ya Tupanaarü ore i Amóü̃chiga. Rü yema Gáxarü naane, rü Iraétanüxü̃arüchire̱x nixĩ, natürü yema Iraétanüxü̃ rü tama chauga naxĩnüe. Rü ngẽmaca̱x i ngẽma naane rü ñu̱xma naxme̱xwa nangẽxma i ngẽma Amóü̃tanüxü̃ i tupananeta i Milcóü̃xü̃ icua̱xüü̃güxü̃.

Yeremía 50:17

Ngẽma Iraétanüxü̃ rü ñoma wüxi i carnéru i rütaxuxü̃ i leóü̃gü nawe ingẽxü̃tanüxü̃rüxü̃ nixĩgü. Rü noxri rü yema Achíriaanearü ãẽ̱xgacü nanadai. Rü yemawena rü Babiróniaanearü ãẽ̱xgacü ga Nabucudonochó rü nanadai ga yema duü̃xü̃gü ga yéma yaxǘgüxü̃.

Echequié 25:8

Rü choma ya Cori ya Tupana rü ñacharügü: —Pemax i Moátanüxü̃ rü Cheícüã̱xgü rü nagu perüxĩnüegu nax ngẽma Yudátanüxü̃ rü chope̱xewa rü guxü̃ma i ngẽma togü i nachixü̃anegüarü duü̃xü̃gürüxü̃ nixĩgü.

Echequié 34:6

Rü yema chorü carnérugü rü guxü̃ma ga máxpü̱xanexü̃gu rü ma̱xpǘnegügu rü guxü̃ma ga naanegu nügü nawoone rü ínatüe. Rü taxúema naxca̱x taxoegaãxẽ, rü naxca̱x tayadaugü.

Echequié 35:10

‘Rü cumax, Pa Ma̱xpǘne ya Cheíx, rü ñacurügü: Ngẽma Iraéane rü Yudáane rü chaugüaxü̃́ tá chanade rü choxrü tá nixĩgü. Rü choma tá nixĩ i norü yora woo Cori ya Tupana rü nawa ngẽxmaxü̃ rü ngéma maxü̃.

Echequié 36:1

—Rü cumax, Pa Yatüx, rü chauégagu Iraéanearü ma̱xpǘnegümaxã idexa rü namaxã nüxü̃ ixu nax mea inaxĩnüexü̃ i ngẽma ore i namaxã nüxü̃ chixuxü̃:

Echequié 36:5

Erü Cori ya Tupana rü ñanagürü: Choma rü chorü numaxã chidexa ga yexguma poxcu namaxã chaxueguxgu ga yema togü ga nachixü̃anegü. Rü yexera yema Edóü̃chixü̃aneca̱x nixĩ i ngẽma poxcu yerü taãẽãcüma nügüaxü̃́ nanayauxgü ga chorü naane rü ñu̱xũchi chorü duü̃xü̃gü ga Iraétanüxü̃xü̃ nacugüeãcüma norü naanegüwa nayabuxgü ga nanetügüarü o rü nayagagü ga naxü̃nagü’ ” —ñanagürü.

Echequié 39:11

Rü ñanagürü ta: —Ngẽma ngunexü̃gu rü tá Góxna chanaxã i wüxi i nachica nax ngẽmagu natáxü̃ca̱x. Rü ngẽma nachica rü Iraéanewa tá nangẽxma nawa i ngẽma metachinüxü̃ i már arü to̱xma̱xtawa ngẽxmaxü̃ i nawa nachopetüxü̃ i duü̃xü̃gü i éstewaama ĩxü̃. Rü ngẽma nax namuxũchixü̃ i naxü̃negü i ngẽma Góxarü churaragü i yuexü̃ rü taxucürüwa ngéma nachopetü i duü̃xü̃gü. Rü ngẽxma tá nixĩ i nata̱xgüãxü̃ i Góx rü ñu̱xũchi guxü̃ma i norü churaragü. Rü tá nanaxüégagü Metachinüxü̃ i Góxarü Churaragü Nagu Ta̱xgüxü̃.

Joel 3:12

¡Pegü pemexẽxẽgü, Pa Nachixü̃anegüx, rü Yochapáxarü doxonexü̃wa pexĩ! Erü ngéma tá nixĩ i Cori ya Tupana i norü chixexü̃güca̱x nüxna naca̱xaxü̃ i guxü̃ma i ngẽma nachixü̃anegü i Iraéanena ngaicamagüxü̃.

Joel 3:14

Rü marü muxü̃ma i duü̃xü̃gü ngẽma doxonexü̃gu nangutaque̱xegü, erü marü ningaica i ngẽma ngunexü̃ i nagu Cori ya Tupana tá namaxã naxueguxü̃ i ngẽma nachixü̃anegüarü poxcu.

Amúx 1:11

Rü Cori ya Tupana rü ñanagürü ta: —Yema Edóü̃cüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü yema natanüxü̃ ga Iraétanüxü̃we nangegü taramaxã rü tama nüxü̃́ nangechaxü̃tümüxü̃güãcüma nanadaiama. Yerü poraãcü namaxã nanue rü tama namaxã narüngüxmügü.

Miquéa 4:12

Natürü ngẽma nachixü̃anecüã̱xgü rü tama nüxü̃ nacua̱xgü i ngẽma Tupanaarü ĩnü, rü ñu̱xũchi ngẽma naãẽwa nagu naxĩnüxü̃. Rü tama nüxü̃ nacua̱xgü nax nüma ya Cori ya Tupana rü ñoma trigune ínapogüãxü̃gu nutaque̱xexü̃rüxü̃ tá wüxigu nananutaque̱xe i ngẽma nachixü̃anecüã̱xgü nax napoxcueãxü̃ca̱x.

Chofonía 3:8

¡Rü ngẽmaca̱x choxü̃ ípeyangu̱xẽxẽ ñu̱xmata nawa nangu i ngẽma ngunexü̃ i nagu tá pexna naxca̱x chaca̱xü̃ i perü chixexü̃gü! Rü choma ya Cori ya Tupana rü ñachagürü: “Wüxigu tá chanangutaque̱xexẽxẽ i guxü̃ma i nachixü̃anecüã̱xgü rü guxü̃ma i ãẽ̱xgacügü nax chanapoxcuexü̃ca̱x naxca̱x i ngẽma chixexü̃ i naxügüxü̃. Rü guxü̃táma i ñoma i naane rü tá inayarüxo rü ngẽma chorü üxüema tá nayagu”, ñachagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:18

Rü ngẽma duü̃xü̃gü i tama cuxrü ixĩgüxü̃ rü poraãcü nanue, natürü nawa nangu i ngẽma ngunexü̃ i nagu tá cunapoxcuexü̃. Rü marü nawa nangu nax nüxü̃ quicagüxü̃ i guxü̃ma i duü̃xü̃gü i yuexü̃. Rü marü nawa nangu nax nüxü̃́ cunaxütanüxü̃ i ngẽma curü duü̃xü̃gü i curü orearü uruü̃gü, rü ngẽma cupe̱xewa imexü̃, rü guxü̃ma i ngẽma cuxü̃ muü̃exü̃ i yaexü̃ rü buexü̃. Rü marü nawa nangu nax icuyanaxoxẽẽxü̃ i ngẽma duü̃xü̃gü i nachixexẽẽxü̃ i ñoma i naane”, ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:14

Rü yema ngo̱xoãxẽgü nixĩ ga naxügüxü̃ ga taxü̃ ga cua̱xruü̃gü. Rü ínachoxü̃ nax nangutaque̱xexẽẽgüãxü̃ca̱x i guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü nax Tupana ya Guxü̃étüwa Ngẽxmacümaxã nügü nada̱i̱xü̃ca̱x nagu i ngẽma ngunexü̃ ya Tupana nüxü̃ unetaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:16

Rü yema ngo̱xoãẽgü, rü nanangutaque̱xexẽxẽ ga guxü̃ma ga ñoma ga naanewa yexmagüxü̃ ga nachixü̃anecüã̱xgüarü ãẽ̱xgacügü. Rü yema nachica ga nawa nangutaque̱xegüxü̃, rü Armaguedóü̃ nixĩ i naéga i Yudíugügawa.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:6

Yerü nümagü rü nanadai ga curü duü̃xü̃gü rü curü orearü uruü̃gü, rü inanaba ga nagü. Rü ñu̱xma i cuma rü wüxi i mexü̃ nixĩ i cuxüxü̃ nax ngẽma dexá nagüxü̃ cunaca̱xichixẽẽxü̃ nax nawa naxaxegüxü̃ca̱x i ngẽma duü̃xü̃gü i chixexü̃ ügüxü̃. Erü ngẽma nixĩ i norü natanü naxca̱x nax curü duü̃xü̃güxü̃ nada̱i̱xü̃ rü nagüxü̃ nabaxẽxẽxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:8

Rü nüma i Chataná rü tá ínaxũxũ nax yawomüxẽẽãxü̃ca̱x i guxü̃ma i nachixü̃anegü i ñoma i naanewa ngẽxmagüxü̃. Rü tá nanawomüxẽxẽ i Góx rü Magóx nax ngẽmagüxü̃ namuxü̃ca̱x nax nanutaque̱xeãxü̃ca̱x i norü churaragü nax nügü nada̱i̱xü̃ca̱x. Rü ngẽma norü churaragü, rü ñoma márcutüarü naxnecüchicute̱xerüxü̃ namuxũchi.