Joel 3:13 - Tupanaarü Ore

¹³ Rü yema nax poraãcü chixexü̃ naxügüxü̃, rü marü norü ngunexü̃wa nangu i ngẽma nachixü̃anegü nax penadaixü̃ ñoma trigu norü ngunexü̃wa nanguxgu nax yachexexü̃rüxü̃. Rü nagu pepugüe i ngẽma nachixü̃anegü ñoma úbagü bínuca̱x ipumüxü̃rüxü̃.

Joel 3:13 Iomraidhean Croise

Naanearü ügüchiga 13:13

Rü guma ĩanewa nixĩ ga guxü̃ma ga duü̃xü̃gü ga yachixecümaxüchixü̃ rü poraãcü chixexü̃ naxügüxü̃ ga Tupanape̱xewa.

Naanearü ügüchiga 15:16

Rü ngẽxguma 400 ya taunecüguwena rü cutaagü rü tá ñaa naaneca̱x nawoegu. Erü ngẽma duü̃xü̃gü i Amoréutanüxü̃ i ñu̱xma ñaa naanegu ãchiü̃güxü̃ rü taxũta nangupetüxüchi i ngẽma norü chixexü̃ nax chanapoxcuexü̃ca̱x —ñanagürü ga Tupana.

Naanearü ügüchiga 18:20

Rü yemaca̱x ga Cori ya Tupana rü Abraáü̃xü̃ ñanagürü: —Ngẽma duü̃xü̃gü i Chodómacüã̱x rü Gomóracüã̱x, rü nüxü̃ chaxĩnü i nachiga nax nachixexüchixü̃ rü poraãcü pecadu naxügüxü̃.

Ichaía 17:5

Rü yima ĩane ya Chamária rü ñoma wüxi i trigunecü i buxgüxü̃rüxü̃ tá nangeãcu. Rü nüma i tríguarü buruxü̃ rü naxme̱xmaxã nüxü̃ nayayauxãchi rü nayawí i ngẽma trigu i ngẽmaãcü nangeãcu i ngẽma nachitaxü̃. Rü Chamária rü ngẽxgumarüxü̃ tá ta nangeãcu ngẽma Refaíü̃arü doxonexü̃ ngeãcuxü̃rüxü̃ nawena nax marü nabuxuxü̃ i trigu

Ichaía 63:3

Rü choma rü chanadai i chorü uanügü rü chayapu̱xcutanü ñoma úbaarü bínu ixüxgurüxü̃. Rü chorü numaxã chayapu̱xcutanü, rü yimá nagü i chorü uanügü rü chauxchiruwa nacháixgü.

Yeremía 51:33

Erü nüma ya Cori ya Guxãétüwa Ngẽxmacü ya Iraétanüxü̃güarü Tupana ixĩcü rü ñanagürü: “Yima Babirónia ga noxri mexẽchine rü ñu̱xma rü tá ñoma tríguarü pu̱xgüchicarüxü̃ tá nixĩ. Rü ñu̱xma rü marü naxca̱x ínangu nax yabuxgüãxü̃ i norü trigu” —ñanagürü.

Auxexü̃chiga 1:15

Rü Cori ya Tupana rü yáxü̃wa nanawogü ga guxü̃ma ga chorü churaragü ga iporaexüchixü̃ ga choxü̃ ípoxü̃güchiréxü̃. Rü cha̱u̱xca̱x nua nanamugü ga to ga nachixü̃anearü churaragü nax nadaiaxü̃ca̱x ga chorü churaragü ga tama muü̃wa̱xegüxü̃. Rü choma nax guxü̃nema ga Yudáanearü ĩanegüétüwa chaxüxü̃ rü nüma ya Cori ya Tupana rü chaugu napúgü ñoma úbagü i pu̱xcutanüxü̃rüxü̃ ega bínu naxü̱xgu.

Ochéa 6:11

Rü pemax, Pa Yudáanecüã̱xgüx, rü marü nüxü̃ chaxuneta i ngẽma ngunexü̃ i nagu tá pexü̃ chapoxcuexü̃. Natürü ngẽmawena rü ngẽma chorü duü̃xü̃gü rü tá nachixü̃aneca̱x nawoegu —ñanagürü ya Tupana.

Ore i mexü̃ ga Matéu ümatüxü̃ 13:39

Rü ngẽma norü uanü i chixexü̃ i natüanemaxã toexü̃, rü ngẽma nixĩ i Chataná. Rü ngẽma ngunexü̃ i nagu nabuxuxü̃ i trigu rü naanearü guxchiga nixĩ. Rü ngẽma puracütanüxü̃ i tríguarü buxwa puracüexü̃, rü Tupanaarü orearü ngeruü̃gü i daxũcüã̱x nixĩgü.

Ore i mexü̃ ga Márcu ümatüxü̃ 4:29

Rü ngẽxguma marü yadauxgu i ngẽma norü o, rü nanabuxu erü marü nawa nangu i norü buxgü —ñanagürü.

Wenaxarü naxümatü ga Tupanaarü mugü 16:9

Rü ngẽma ngunexü̃ nax nagu naxügüxü̃ i nanetüarü buxu, rü ngẽmawena rü 7 i yüxü tá ingupetü nax Cori ya perü Tupanaca̱x penaxüchigaxü̃ca̱x i Nanetüarü Buxchiga. Rü ngẽma petawa rü tá perü ngúchaü̃maxã Cori ya perü Tupanana penaxã i perü ãmaregü ngẽma nüma ya Tupana pexna naxãxü̃rüxü̃. Rü ngẽxguma Tupana pexna naxãxgu i muxü̃ma i nanetügü rü name i pema rü ta muxü̃ma i ãmaregü nüxna pexã.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:14

Rü yexguma chadawenügu rü nüxü̃ chadau ga wüxi ga caixanexü̃ ga cómüxü̃. Rü yema caixanexü̃étüwa narüto ga wüxi ga duü̃xü̃ ga Tupana Nane ga duü̃xü̃xü̃ ixĩcüraü̃xü̃. Rü naeruwa nayexma ga wüxi ga norü nga̱xcueruxü̃ ga úirunaxca̱x. Rü naxme̱xwa nayexma ga wüxi ga cüxchi ga ínapomaguxü̃ ga te̱xechixü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:15

Rü naã̱xwa ínaxũxũ ga wüxi ga tara ga guxü̃cüwawa téxü̃ nax yemamaxã nüxü̃ naporamaexü̃ca̱x i guxü̃ma i nachixü̃anegü. Rü nüma rü poraãcü tá namaxã inacua̱x. Rü ñoma úbagü i norü ma̱i̱xruü̃wa ima̱i̱xtüü̃xü̃rüxü̃ tá nixĩ nax napoxcueãxü̃ namaxã i ngẽma poxcu ya Tupana ya Guxü̃étüwa Ngẽxmacü norü numaxã mexẽẽxü̃.