Joel 3:12 - Tupanaarü Ore

¹² ¡Pegü pemexẽxẽgü, Pa Nachixü̃anegüx, rü Yochapáxarü doxonexü̃wa pexĩ! Erü ngéma tá nixĩ i Cori ya Tupana i norü chixexü̃güca̱x nüxna naca̱xaxü̃ i guxü̃ma i ngẽma nachixü̃anegü i Iraéanena ngaicamagüxü̃.

Joel 3:12 Iomraidhean Croise

Norü taxre ga to ga popera ga ãẽ̱xgacügüchiga ümatüxü̃ 20:26

Rü yema norü ãgümücü ga ngunexü̃gu rü Beracáarü doxonexü̃gu nangutaque̱xegü, rü yéma Cori ya Tupanaxü̃ nicua̱xüü̃gü. Rü yemaca̱x ga yema doxonexü̃ rü Beracágu nanaxüégagü. Rü woo ñu̱xma rü ta rü ngẽmatama nixĩ i naéga.

Wiyaegü 7:6

Pa Corix ¡curü numaxã inachi rü chauétüwa nachogü, rü nadai i ngẽma chorü uanügü i choxü̃ ima̱xgüchaü̃xü̃! ¡Rü napoxcue i ngẽma duü̃xü̃gü i chixexü̃ ügüxü̃! ¡Rü chauétüwa nachogü!

Ichaía 2:4

Rü nüma ya Cori ya Tupana rü tá nanamexẽxẽ i guxü̃ma i nachixü̃anegüarü guxchaxü̃gü. Rü ngẽma nachixü̃anegü i nügümaxã nuexü̃ rü Cori ya Tupana rü tá nügümaxã nanangüxmüexẽxẽ. Rü ngẽma naxnegü i namaxã nügü nada̱i̱xü̃ rü norü puracüruxü̃ tá nayaxĩgüxẽxẽ. Rü taxuxü̃táma i ĩanegü daigu nügümaxã narüxĩnüe rü bai tá i daica̱x nügü nax nangúexẽẽxü̃.

Ichaía 22:1

Ñaa nixĩ i ore nachiga i Yerucharéü̃arü doxonexü̃ ya Tupana naxca̱x choxü̃ ngo̱xetüxẽẽxü̃ rü choxü̃ nanawe̱x i ngẽma tá ngéma ngupetüxü̃. ¿Ta̱xacüca̱x nixĩ i guxü̃ma i duü̃xü̃gü rü napataétügu naxĩgüxü̃?

Ichaía 3:13

Rü Cori ya Tupana rü marü nügü ínamexẽxẽ nax norü duü̃xü̃güna naca̱xaxü̃ i norü chixexü̃chiga.

Echequié 30:3

Erü marü ningaica i ngẽma ngunexü̃ i Cori ya Tupana tá nagu curü poxcu ínguxẽẽxü̃. Rü ngẽma rü wüxi i ngunexü̃ i waanexü̃ rü ãũcümaxü̃ tá nixĩ naxca̱x i guxü̃ma i nachixü̃anegü.

Echequié 39:11

Rü ñanagürü ta: —Ngẽma ngunexü̃gu rü tá Góxna chanaxã i wüxi i nachica nax ngẽmagu natáxü̃ca̱x. Rü ngẽma nachica rü Iraéanewa tá nangẽxma nawa i ngẽma metachinüxü̃ i már arü to̱xma̱xtawa ngẽxmaxü̃ i nawa nachopetüxü̃ i duü̃xü̃gü i éstewaama ĩxü̃. Rü ngẽma nax namuxũchixü̃ i naxü̃negü i ngẽma Góxarü churaragü i yuexü̃ rü taxucürüwa ngéma nachopetü i duü̃xü̃gü. Rü ngẽxma tá nixĩ i nata̱xgüãxü̃ i Góx rü ñu̱xũchi guxü̃ma i norü churaragü. Rü tá nanaxüégagü Metachinüxü̃ i Góxarü Churaragü Nagu Ta̱xgüxü̃.

Joel 3:14

Rü marü muxü̃ma i duü̃xü̃gü ngẽma doxonexü̃gu nangutaque̱xegü, erü marü ningaica i ngẽma ngunexü̃ i nagu Cori ya Tupana tá namaxã naxueguxü̃ i ngẽma nachixü̃anegüarü poxcu.

Joel 3:2

Rü wüxigu tá chanangutaque̱xexẽxẽ i guxü̃ma i ngẽma togü i nachixü̃anecüã̱xgü i duü̃xü̃gü, rü Yochapáxarü doxonexü̃wa tá chanagagü. Rü ngéma tá nixĩ i nüxna naxca̱x chacagüxü̃ ga yema chixexü̃ ga chorü duü̃xü̃gü ga Iraécüã̱xgümaxã naxügüxü̃. Yerü guxü̃ ga nachixü̃anegügu nanawoone ga Iraétanüxü̃, rü ñu̱xũchi ngẽma togü nügü nayanu ga yema chorü naane.

Miquéa 4:3

Rü nüma ya Cori ya Tupana tá nixĩ i namexẽxẽãxü̃ i nachixü̃anegüarü guxchaxü̃gü rü woo i ngẽma nachixü̃anegü i yáxü̃wa ngẽxmagüxü̃arü guxchaxü̃gü. Rü ngẽma duü̃xü̃gü rü aiegumüaneruxü̃ tá nayaxĩgüxẽxẽ i norü taragü, rü yima norü wocaxegü, rü tríguarü buxruxü̃ tá nayaxĩgüxẽxẽ. Rü taxuxü̃táma to i nachixü̃ane rü wena naxãxnegü nax togümaxã nügü nada̱i̱xü̃ca̱x rü taxúetama texé tanangúexẽxẽ i daixchiga.

Chacaría 14:4

Rü ngẽma ngunexü̃gu rü nüma ya Cori ya Tupana rü nagu tá nachi ya yima Oribuarü Ma̱xpǘne ya Yerucharéü̃arü to̱xma̱xtawa ngẽxmane i norü éstecüwawa. Rü tá narüngüte ya yima ma̱xpǘne. Rü wüxi i norü ngãxü̃ rü tá nórtewaama naxũgachi rü ngẽma to i norü ngãxü̃ rü tá súrwaama naxũgachi. Rü ngẽmaãcü tá nango̱x i wüxi i taxü̃ i ngate i éstewaama ne daxü̃ rü oéstewaama daxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:11

Rü ñu̱xũchi nüxü̃ chadau ga daxũguxü̃ ga naane nax yawãxnaxü̃. Rü yéma nango̱x ga wüxi ga cowaru ga cómüxü̃. Rü gumá naétüwa rütocü rü naéga nixĩ i Aixcüma Yanguxẽẽcü rü Ixaixcümacü. Rü nüma rü tama inatü i ngẽxguma poxcu naxueguxgu rü ngẽxguma norü uanügümaxã nügü nadaixgu.