Joel 2:6 - Tupanaarü Ore

⁶ Rü duü̃xü̃gü rü muü̃maxã tá nidu̱xrue i ngẽxguma nüxü̃ nadaugügu. Rü guxü̃ma nayacho̱xõchichametügü.

Joel 2:6 Iomraidhean Croise

Wiyaegü 119:83

Rü woo marü wüxi i yaxguã̱x chixĩ rü taxuwama mexẽ chixĩ rü nua ta̱xmare chixĩ, natürü tama nüxü̃ charüngüma i curü mugü, Pa Tupanax.

Ichaía 13:8

Rü tá poraãcü namuü̃e. Rü naxca̱x tá ínangu i taxü̃ i ĩ̱xãchiãxẽ. Rü poraãcü ngúxü̃ tá ningegü ñoma wüxi i ngecü i íxraxacüchaü̃cürüxü̃. Rü muü̃chametüãcü tá nügü narüdaunü rü norü ãnemaxã tá nayadauãchichametügü.

Yeremía 30:6

¿Rü ñuxãcü i wüxi i yatü rü naxíxraxacü? ¿Rü ñu̱xma rü ta̱xacüca̱x i ngẽma yatügü rü ñoma ngexe ya íxraxacüxerüxü̃ nanguxnecaxü̃ rü ngúxü̃maxã nügü naxãũxü̃xü̃? ¿Rü ta̱xacüca̱x guxü̃ma i duü̃xü̃gü rü nadeãchichametüxü̃?

Yeremía 8:21

Rü poraãcü choxü̃ nangu̱x nax ngúxü̃ yangegüxü̃ i chorü duü̃xü̃gü. Rü ngẽma ngechaü̃ rü muü̃ choxna nangu.

Auxexü̃chiga 4:8

Natürü i ñu̱xma rü nixãũãchi rü niwachametü. Rü ĩanearü namagu naxĩxgu rü taxúema nüxü̃ tacua̱x nax ãẽ̱xgacügü yixĩgüxü̃. Erü nixaexüchi rü naxcha̱xmüxü̃ rü naxchina̱xãwa nayaxũ̱xgü. Rü nipagümare ñoma nai i üxüwa mexü̃rüxü̃.

Naúü̃ 2:10

Rü Nínibe rü tá nagu napogüe rü nataxutama i duü̃xü̃gü. Rü nachicaxicatama ínayaxü. Rü norü duü̃xü̃gü rü poraãcü tá namuü̃e. Rü tá nidu̱xruxparagü. Rü tá ningearü poraã̱x, rü tá nayacho̱xõchichametügü.

Naúü̃ 2:11

Rü yima ĩane ya Nínibe rü ñoma leóü̃ maxü̃rüxü̃ nixĩ ga noxri. Rü guma ĩanewa nixĩ ga norü duü̃xü̃gü rü naxacügümaxã taãẽãcüma namaxẽxü̃ ñoma leóü̃gü rü naxacügümaxã naxmaxü̃wa namaxẽxü̃rüxü̃. Rü taxúema tanachixewe. ¿Natürü ta̱xacü yixĩxü̃ i ñu̱xma nüxü̃ ngupetüxü̃ ya yima ĩane, rü ta̱xacü yixĩxü̃ i nawa yaxǘgüxü̃?