Joel 2:32 - Tupanaarü Ore

³² Natürü guxãma ya texé ya aixcüma Tupanaga ĩnüxe rü taxũtáma tapoxcue. Erü yima ma̱xpǘne ya Chióü̃ ya Yerucharéü̃wa ngẽxmanewa tá nango̱x ya yimá Maxẽxẽxẽruxü̃ yema Cori ya Tupana pemaxã inaxunetaxü̃rüxü̃. Rü yíxema nüma tüxü̃ nidexechixe rü taxũtáma tapoxcue.

Joel 2:32 Iomraidhean Croise

Naanearü ügüchiga 4:26

Rü nüma ga Chéx rü nüxü̃́ nayexma ga wüxi ga nane, rü Enóxgu nanaxüéga. Rü yexgumacürüwa inanaxügüe ga duü̃xü̃gü nax Cori ya Tupanaxü̃ yaxugüchigaxü̃.

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Ichaía 10:22

Pa Iraétanüxü̃x, woo curü duü̃xü̃gü rü namuxũchi ñoma naxnecüchicute̱xe i márpechinüwa ngẽxmacürüxü̃, rü ngẽmatanüwa rü noxre tátama nixĩ i Tupanaca̱x woeguxü̃. Rü ngẽma poxcu rü marü naxuegu nagagu i ngẽma chixexü̃ i pexüxü̃.

Ichaía 11:11

Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü nüma ya Cori ya Tupana rü tá wena inanawe̱x i norü pora. Rü wena tá nanangutaque̱xexẽxẽ i norü duü̃xü̃gü i Achíriaanewa, rü Equítuanewa, rü Patróxanewa, rü Etiopíaanewa, rü Eráü̃anewa, rü Chináxanewa, rü Amáanewa rü nachixü̃anegü i márcutüwa ngẽxmagüxü̃wa. Rü tá wena Iraéaneca̱x nanawoeguxẽxẽ.

Ichaía 11:16

Rü ngẽxguma Achíriaanewa nawoegu̱xgu i ngẽma noxretama i Tupanaarü duü̃xü̃gü i íyaxügüxü̃ rü tá namaxã inayarüxĩ i wüxi i nama i taxü̃ ga yexguma norü o̱xigü ga Iraétanüxü̃ Equítuanewa ichoxü̃gu nagu naxĩxü̃raxü̃xü̃.

Ichaía 4:2

Natürü wüxi i ngunexü̃gu rü ngẽma íyaxügüxü̃tanüwa rü Cori ya Tupana tá nanango̱xẽxẽ ya yimá maxẽxẽẽruxü̃ i ñoma wüxi i nanetü i nachimewa rüxüxü̃rüxü̃. Rü nüma rü ngü̃xẽẽruxü̃ ya poraxüchicü tá nixĩ naxca̱x i ngẽma duü̃xü̃gü i Iraéanewa íyaxügüxü̃. Rü ñu̱xũchi ngẽma íyaxügüxü̃arü nanetügü i naanewa ngẽxmagüxü̃ rü meama tá nixo, rü nümagü i duü̃xü̃gü rü tá poraãcü namaxã nataãẽgü.

Yeremía 31:7

Rü Cori ya Tupana rü ñanagürü: “¡Taãẽãcü pewiyaegü Pa Acóbutanüxü̃x! Erü pema rü guxü̃ma i togü i nachixü̃anegüarü yexera pitachiga. ¡Rü tagaãcü Tupanaxü̃ picua̱xüü̃gü rü ñapegügü: ‘Cori ya Tupana rü marü tüxü̃ ínanguxü̃xẽxẽ i yixema i Iraétanüxü̃ íyaxügüxe’ ”, ñapegügü!

Yeremía 33:3

“¡Choxna naca rü tá cuxü̃ changãxü̃! Rü tá cuxü̃ nüxü̃ chacua̱xẽxẽ i ta̱xacü i taxü̃ i ẽxü̃guxü̃ i taguma nüxü̃ cucuáxü̃.

Amúx 9:8

Rü nüma ya Cori ya Tupana rü nüxü̃ nadawenü i ñaa Iraétanüxü̃ i chixexü̃gu imaxẽxü̃ rü ngẽmaca̱x ñanagürü: —Choma rü ñaa naanewa tá ichayanaxoxẽxẽ i ngẽma Acóbutanüxü̃. Natürü taxũtáma ichayanaxoxẽẽxü̃chi. Rü choma ya Cori ya Tupana nüxü̃ chixu i ngẽma.

Abdía 1:17

Natürü Chióü̃arü ma̱xpǘne ya chopata nawa yexmane rü wüxi i nachica i üünexü̃ nixĩ. Rü ngéma tá naxĩ i duü̃xü̃gü nax ngẽma ãũcümaxü̃wa yabuxmüxü̃ca̱x. Rü ngẽma Acóbutanüxü̃ rü wena táxarü nanayauxgü i norü naanegü.

Abdía 1:21

Rü ngẽma Iraétanüxü̃ ga norü uanügüxü̃ rüporamaegüxü̃ rü tá naxca̱x nawoegu ya yima ma̱xpǘne ya Chióü̃ nax ngéma namaxã inacua̱xgüxü̃ca̱x i ngẽma máxpü̱xanexü̃ i Echaútanüxü̃arü ixĩxü̃. Rü nüma ya Cori ya Tupana tá nixĩ i guxü̃arü ãẽ̱xgacü yixĩxü̃.

Miquéa 5:3

Rü ñu̱xma ya Cori ya Tupana rü norü duü̃xü̃güna nixũgachi nax norü uanügü namaxã icuáxü̃ca̱x ñu̱xmatáta naxíxraxacü i ngẽma nge i wüxi ya ngĩne tá ngĩxü̃́ ngẽxmacü. Rü ngẽxguma tá nixĩ i ngẽma Iraétanüxü̃ i to i nachixü̃anegügu woonexü̃ rü tá nachixü̃aneca̱x nawoeguxü̃ nax wüxiwa nangẽxmagüxü̃ca̱x namaxã i natanüxü̃ ga nachixü̃anewatama yaxǘgüxü̃.

Chacaría 13:9

Rü ngẽma duü̃xü̃gü i íyaxügüxü̃ rü tá nüxü̃ chaxü, ñoma diẽrumü i üxüwa idexexü̃ nax ínayixü̃ca̱x i norü ãũãchixü̃rüxü̃. Rü ñoma úiru i üxüwa idexexü̃ nax ínayixü̃ca̱x i norü ãũãchixü̃rüxü̃ tá nüxü̃ chaxü i ngẽma duü̃xü̃gü. Rü ngẽxguma i nümagü rü tá choxna nacagüe rü choma rü tá chanangãxü̃. Rü ñachagürü tá: “Nümagü rü chorü duü̃xü̃gü nixĩgü”, ñachagürü. Rü nümagü rü ñanagürügü tá: “Nüma ya Cori rü tórü Tupana nixĩ”, ñanagürügü tá. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ore i mexü̃ ga Cuáü̃ ümatüxü̃ 10:16

Rü choxü̃́ nangẽxmagü ta i togü i carnérugü i tama ñaa naxpüü̃wa ngẽxmagüxü̃. Rü ngẽmagü rü tá ta nua chanagagü, rü tá chauga naxĩnüe. Rü wüxitücumü tátama nixĩ rü choma tátama nixĩ i norü dauruxü̃ chixĩxü̃.

Ngechuchuarü ngúexü̃gü ga yamugüxü̃arü puracüchiga 15:17

Rü ngẽmaãcü tá nüxü̃ charüngü̃xẽxẽxü̃ nax ngẽma duü̃xü̃gü i tama Yudíugü ixĩgüxü̃ rü cha̱u̱xca̱x nadaugüxü̃ca̱x, wüxigu namaxã i chorü duü̃xü̃gü i Yudíugü i choma chadexü̃.

Ngechuchuarü ngúexü̃gü ga yamugüxü̃arü puracüchiga 2:39

Rü ñaa Tupanaarü uneta, rü pexca̱x nixĩ, rü pexacügüca̱x, rü guxü̃ i duü̃xü̃gü i yáxü̃wa ngẽxmagüxü̃ca̱x nixĩ. Erü guxü̃ i duü̃xü̃gü i tórü Cori ya Tupana nügüxü̃tawa naxca̱x ca̱xaxü̃ca̱x nixĩ i ngẽma uneta —ñanagürü ga Pedru.

Romanos 11:26

Natürü ngẽmawena rü guxü̃táma i Iraétanüxü̃ rü tá ta nayaxõgü, rü tá nanayauxgü i maxü̃ i taguma gúxü̃. Erü Tupanaarü ore i ümatüxü̃wa rü ñanagürü: “Yimá Cristu ya ínanguxü̃xẽẽcü, rü Chióü̃wa tá ne naxũ. Rü nüma rü tá ngẽma Iraétanüxü̃güxü̃ chixexü̃wa ínanguxü̃xẽxẽ.

Romanos 11:5

Rü ngẽxgumarüxü̃ ta nixĩ i ñu̱xmax. Rü woo muxü̃ma i Yudíugü tama nayaxõgü, natürü nangẽxma i ñuxre ya Tupana namaxã mecümaxü̃gagu dexü̃.

Romanos 11:7

¿Rü ñuxãcü yixĩxü̃ i ñu̱xmax? Rü ngẽma rümumaexü̃ i Iraétanüxü̃ rü tama nüxü̃ inayangaugü nax Tupanape̱xewa yamexü̃ca̱x. Natürü ngẽma noxretama i Iraétanüxü̃ ya Tupana dexü̃, rü ngẽmagü nixĩ i nüxü̃ iyangaugüxü̃ nax nape̱xewa yamexü̃ca̱x. Rü guxü̃ma ga yema togü ga Iraétanüxü̃ rü tama naga naxĩnüe.

Romanos 9:24

Rü ngẽmaãcü i yixema nax Yudíugü ixĩgüxü̃, rü tatanüwa Tupana tüxü̃ nidexechi ya ñuxre nax norü duü̃xü̃gü tixĩgüxü̃ca̱x. Rü ngẽxgumarüxü̃ ta i ngẽma tama Yudíugü ixĩgüxü̃tanüwa rü nayadexechi i togü.

Romanos 9:27

Rü Iraétanüxü̃chiga rü ta nidexa ga Tupanaarü orearü uruxü̃ ga Ichaía rü ñanagürü: “Rü woo namuxũchichire̱x i Yudíugü yimá naxnücü ya márpechinüwa yimácürüxü̃, natürü noxre tátama nixĩ i aixcüma nayauxgüxü̃ i maxü̃ i taguma gúxü̃. Rü paxa tá ínangu ya tórü Cori nax napoxcueãxü̃ca̱x i guxü̃ma i ngẽma tama noxrü ixĩgüxü̃”, ñanagürü ga Ichaía.

Popera ga Yudíugü ga yaxõgüxü̃ca̱x ümatüxü̃ 12:22

Erü ñu̱xma i pema rü marü nüxna pengaicamagü ya yima ma̱xpǘne ya Chióü̃ ya yimá Tupana ya Maxü̃cüarü ĩane ya daxũgune ya Yerucharéü̃. Rü marü nüxna pengaicamagü i ngẽma muxũchixü̃ma i norü orearü ngeruü̃gü i daxũcüã̱x i Tupanaxü̃ icua̱xüü̃güxü̃.