Joel 2:26 - Tupanaarü Ore

²⁶ Rü ñu̱xma rü tá meatama pechibüe i pemax ñu̱xmatáta mea pexü̃́ yangu. Rü choxü̃ tá picua̱xüü̃gü naxca̱x ga yema taxü̃ ga mexü̃ ga pexca̱x chaxüxü̃. Rü tagutáma wena texé pexü̃ taxãneexẽxẽ Pa Chorü Duü̃xü̃güx.

Joel 2:26 Iomraidhean Croise

Naanearü ügüchiga 33:11

Rü cuxü̃ chaca̱a̱xü̃ nax choxü̃́ cunayaxuxü̃ i ñaa ãmare i nua cuxca̱x changexü̃ erü Tupana rü choxü̃ namuarü ngẽmaxü̃xã̱xẽxẽ rü taxuxü̃ma choxü̃́ nataxu —ñanagürü. Rü nüma ga Acóbu rü nüxna nayaxãchigüama rü yemaca̱x ga Echaú rü düxwa nanayaxu ga yema ãmare. Rü yemawena rü ñanagürü: —¡Ngĩxã tawoegu i nua! Choma rü yoxni tá cupe̱xegu chixũ —ñanagürü.

Neemía 9:25

Rü yexgumarüxü̃ ta nanapuxü̃ ga guma ĩanegü ga ípoxegugüne rü yema mexü̃ ga naanegü rü ĩpatagü ga yemaxü̃gü ga imexü̃maxã ixããcugüne rü puchugü, rü úbanecügü, rü oribunecügü rü muxü̃ma ga togü ga ori̱xgünecügü. Rü meama nachibüe rü nangaxpütüwegü rü ningüe rü yemaacü nataãẽgü yerü poraãcü namaxã cumecüma.

Wiyaegü 103:5

Rü nüma nixĩ i guxü̃ma i mexü̃gü choxna naxãxü̃. Rü nüma rü choxü̃ naporaxẽẽchigüama nax ñoma ĩyürüxü̃ chaporaxü̃ca̱x.

Wiyaegü 116:7

Rü ñu̱xma rü wenaxarü chataãxẽ yerü nüma ga Cori ya Tupana rü chomaxã namecüma rü choxü̃ ínapoxü̃ nax tama chayuxü̃ca̱x rü tama axu ínguxü̃ca̱x rü tama chixexü̃gu changuxü̃ca̱x.

Wiyaegü 13:6

Rü chorü wiyaemaxã tá Cori ya Tupanaxü̃ chicua̱xüxü̃ naxca̱x i norü ngü̃xẽxẽ i choxna naxãxü̃.

Wiyaegü 22:26

Rü pema i ngearü diẽruã̱xgüxex ¡nua pexĩ rü meama pechibüe rü ñu̱xmata mea pexü̃́ yangu! Rü pema i Tupanaca̱x daugüxe ¡rü nüxü̃ picua̱xüü̃gü rü guxü̃gutáma petaãẽgü!

Wiyaegü 37:19

Rü ngẽxguma guxchaxü̃gü íngugügu, rü taiya ngu̱xgu, rü taxũtáma ãne tinge ya yíxema mexü̃gu rüxĩnüexe, erü õna rü tá tüxü̃́ ningu.

Wiyaegü 67:5

Pa Tupanax, name nixĩ nax guxü̃ma i duü̃xü̃gü i guxü̃ma i nachixü̃anecüã̱x cuxü̃ yacua̱xüü̃güxü̃.

Wiyaegü 72:18

Namecümaxüchi ya Cori ya Tupana ya Iraégüarü Tupana. Rü nüxicatama nixĩ i naxüaxü̃ i ngẽma mexü̃gü i taxü̃gü i norü poramaxã naxüxü̃.

Ucu̱xẽgüchiga 13:25

Yimá yatü ya mecümacü, rü guxü̃guma mea nachibü. Natürü ngẽma chixexü̃gu maxü̃xü̃ rü nataiya.

Charumóü̃arü wiyae 5:1

Rü marü nagu chaxücu i chorü putüranecü, Pa Pacü Pa Cho̱xma̱x, rü ngéma nüxü̃ chayangau i naguxü̃raü̃xü̃ i pumaragü i chi̱xemaxü̃chixü̃. Rü marü nüxü̃ chaweneta ya chorü berure ya naxchiãü̃wa ngẽxmane, rü marü chayaxaxü i chorü bínu rü lechi. Pa Tomücügü ya Pexü̃ Tangechaü̃güxex, ¡Rü pechibüe rü pexaxegü! ¡Rü mea pegüxü̃́ peyanguxẽxẽ i ngẽma penaxwa̱xexü̃!

Ichaía 25:1

Pa Corix, cuma nixĩ i chorü Tupana quixĩxü̃. Rü choma rü cuxü̃ chicua̱xüxü̃ rü mexü̃maxã cuxü̃ chixuchiga, erü ngẽma nũxcümacürüwatama nagu curüxĩnüxü̃ rü aixcüma cuyanguxẽxẽ rü taguma cunaxüchicüxü i ngẽma nüxü̃ quixuxü̃.

Ichaía 29:22

Rü ngẽmaca̱x yimá Cori ya Iraétanüxü̃arü Tupana ya Abraáü̃xü̃ unetacü rü ñanagürü: —Ñu̱xmawena rü marü taxũtáma naxãnee i ngẽma Acóbutanüxü̃ rü bai tá nanadeãchichametügüxü̃ i ngẽma duü̃xü̃gü, erü ngẽxguma tá nüxü̃ nadaugügu i ngẽma mexü̃ i natanüwa chaxüxü̃, rü tá nüxü̃ nicua̱xãchitanü nax choma rü chaxüünexü̃. Rü tá choxü̃ namuü̃e i choma nax Iraétanüxü̃arü Tupana ya üünecü nax chixĩxü̃.

Ichaía 45:17

Natürü i Iraétanüxü̃ rü Tupana ínananguxü̃xẽxẽ nax tagutáma togüme̱xẽwa nangẽxmagüxü̃ca̱x. Rü tagutáma naxãnee rü tagutáma narümaachitanü —ñanagürü.

Ichaía 49:23

Rü ngẽma togü i nachixü̃anegüarü ãẽ̱xgacügü rü tá penatürücügü nixĩgü, rü ngẽma naxma̱xgü rü tá peerücügü nixĩgü. Rü pepe̱xegu tá nacaxã́pü̱xügü rü tá nanade̱xexgü i perü mairaxü̃chipatügü. Rü tá nüxü̃ picua̱xãchitanü nax chaxicatama Tupana chixĩxü̃ rü ngẽma choxü̃́ yaxõgüxü̃ rü tagutáma naxãneexü̃ —ñanagürü.

Ichaía 54:4

¡Rü taxṹ i pemuü̃exü̃! Erü taxũtáma ta̱xacü pemaxã nixugüe rü taxũtáma pexãnee. Rü yema guxchaxü̃gü ga ü̃pa pexü̃ ngupetüxü̃ rü tá nüxü̃ perüngümae rü taxũtáma nüxna pecua̱xãchie nax ñoma nge i yutecürüxü̃ nax pixĩgüxü̃. Erü nüma ya Tupana ya Guxü̃étüwa Ngẽxmacü ya pexü̃ ngóexẽẽcü rü tá pemaxã inacua̱x. Rü yima Iraétanüxü̃arü Tupana ya Üünecü nixĩ ya pexü̃ ínguxü̃xẽẽcü rü namaxã inacua̱x i guxü̃ma i ñoma i naanewa.

Ichaía 55:2

¿Rü ta̱xacüca̱x i diẽrumaxã penaxütanü i ngẽma tama õna ixĩxü̃? ¿Rü ta̱xacüca̱x penaxütanü i ngẽma tama nawa itaãẽxü̃? ¡Rü mea choxü̃́ iperüxĩnüe rü tá mexü̃ i õna pengõ̱xgü rü õna i chíxü̃maxã tá pengaxpütüwe!

Lebítanüxü̃arü puracüchiga 25:19

Rü penetügü rü tá meama nixo, rü pemax rü taxuxü̃táma i ta̱xacü pexü̃ nachixewe nawa i ngẽma perü naane. Rü tá penangõ̱x i penetügüarü o ñu̱xmata pengãxpütüwegü.

Lebítanüxü̃arü puracüchiga 26:26

Rü ngẽxguma guxchaxü̃ naxca̱x íchanguxẽẽgu i penetügü, rü tá nanoxretama i perü paũ. Rü 10 i ngexü̃gü rü wüxitama i paũarü guruü̃wa tá nayagugü i perü paũ. Rü ngẽma nax nanoxrexü̃ i perü paũ rü tá pexü̃ nixírachigü, rü ngẽmaca̱x taxũtáma pengãxpütüwegü.

Lebítanüxü̃arü puracüchiga 26:5

Rü ngẽma tríguarü buxu rü tá úbaarü buxuwa nangu, rü ngẽma úbaarü buxu rü tá toearü ngunexü̃wa nangu. Rü paũmaxã tá pixãwemü ñu̱xmata mea pingãxpütüwegü. Rü taxuxü̃táma i ta̱xacü pexü̃ nachixewe i pechixü̃anewa.

Miquéa 6:14

Rü tá pechibüe natürü taxũtáma pengãxcharaü̃gü rü tá petaiyaama. Rü perü õnagü tá pede, natürü taxuwatáma pexü̃́ name i ngẽma. Rü woo íxraxü̃maxã penguxü̃gu rü daiwa tá pexna chanapuxü̃xẽxẽ.

Chofonía 3:11

Rü ngẽma ngunexü̃gu, Pa Chorü Duü̃xü̃güx, rü taxũtáma naxca̱x pexãnee ga yema chixexü̃ ga noxri chope̱xewa pexügüxü̃ ga yexguma tama chauga pexĩnüegu. Erü choma rü tá Yerucharéü̃na chayaxĩgachitanüxẽxẽ i ngẽma nügü icua̱xüü̃güxü̃ rü nügü írütagüxü̃. Rü ngẽmaãcü tagutáma yima chorü ma̱xpǘne ya üünenewa nangẽxmagü i ngẽma ãẽ̱xgacügü i nügü írütagüxü̃.

Chacaría 9:15

Rü Cori ya Tupana ya Guxãxétüwa Ngẽxmacü rü tá norü duü̃xü̃güna nadau. Rü norü duü̃xü̃gü rü tá nawa nangagü ya yima nutagü i norü uanügüarü maxgütaeruü̃chire̱x. Rü nüxchiama tá norü uanügüxü̃ nadai. Rü tá nanaxüchixü nax naporamaegüxü̃. Rü bínumaxã tá nanapagü i nümagü, ñoma nagümaxã napaxẽẽxü̃rüxü̃ ya yima tacháũgü nax ngẽma ãmarearü guruü̃arü cugüpe̱xegu nabagüãxü̃ca̱x.

Chacaría 9:17

Rü ngẽma nachixü̃ane rü tá namexẽchi. Rü ngẽma nax namuarü triguã̱xgü rü bínuã̱xgü rü ngẽma ngextü̱xücügü rü pacügü rü tá mea nayae.

Romanos 10:11

Rü Tupanaarü ore i ümatüxü̃wa rü ñanagürü: “Yíxema Ngechuchuaxü̃́ yaxṍxe rü taxũtáma ãne tinge”, ñanagürü.

Romanos 5:5

Rü ñu̱xma nax ínangu̱xẽẽxü̃ nax tüxü̃́ tá nangẽxmaxü̃ i tachica i Tupanaxü̃tawa, rü ngẽmaca̱x taxuca̱xma tangechaü̃gü. Erü Tupana rü poraãcü tüxü̃ nangechaü̃. Rü ngẽma Naãxẽ ya Üünexü̃ i tüxna namuxü̃ nixĩ i tüxü̃ nüxü̃ cua̱xẽẽxü̃ i ngẽma.

Romanos 9:33

Rü ngẽmachiga nixĩ i Tupanaarü ore i ümatüxü̃ i ñaxü̃: “Choma rü Chióü̃gu chanaxǘ ya wüxi ya nuta ya Yudíugüarü guxcharuxü̃ ixĩcü. Rü ngẽma duü̃xü̃gü i nüxü̃́ yaxõgüxü̃, rü aixcüma tá namaxẽ”, ñanagürü.

Wenaxarü naxümatü ga Tupanaarü mugü 11:15

Rü ngẽxgumarüxü̃ tá ta ya Cori ya Tupana rü nanaxügüxẽxẽ ya maxẽgü perü wocagüca̱x. Rü ngẽmaãcü tá nimu rü tagutáma pengewemü.

Wenaxarü naxümatü ga Tupanaarü mugü 12:12

Rü ngẽma nachicawa i Cori ya Tupanape̱xewa rü tá penaxüchiga wüxigu namaxã i penegü rü pexacügü rü perü puracütanüxü̃ rü ngẽma Lebítanüxü̃ i petanüwa maxẽxü̃. Erü nümagü i Lebítanüxü̃ rü taxuxü̃ma i naanegü nayauxgü i perü naanewa.

Wenaxarü naxümatü ga Tupanaarü mugü 12:18

Rü guxü̃ma i ngẽma Tupanaarü ãmaregü rü penaxwa̱xe i nape̱xewa penangõ̱x nawa i ngẽma nachica i nüma nüxü̃ naxunetaxü̃. Rü ngéma perü Cori ya Tupanape̱xewa rü tá penangõ̱x wüxigu namaxã i pexacügü rü perü puracütanüxü̃ rü ngẽma Lebítanüxü̃ i petanüwa ngẽxmagüxü̃. Rü ngéma chope̱xewa tá petaãẽgü namaxã i ngẽma õna i perü puracüwa peyaxuxü̃.

Wenaxarü naxümatü ga Tupanaarü mugü 12:7

Rü ngẽma nachicawa rü Cori ya Tupanape̱xewa pexacügümaxã tá pechibüe rü tá petaãxẽ naxca̱x i ngẽma mexü̃gü i Cori ya perü Tupanaarü ngü̃xẽẽgagu perü puracüwa peyaxuxü̃.

Wenaxarü naxümatü ga Tupanaarü mugü 8:10

Natürü ngẽxguma pechibüeguwena rü pengãxpütüwegügu, rü name nax nüxü̃ picua̱xüü̃xü̃ ya Cori ya Tupana naxca̱x i ngẽma mexü̃ i naane i pexna naxãxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:17

Rü yíxema muarü diẽruã́xẽ i ñoma i naanewa, ¡rü tümamaxã nüxü̃ ixu nax tama ngẽmamaxã tügü ticua̱xüü̃güxü̃ca̱x rü tama nagu tarüxĩnüexü̃ca̱x nax ngẽma tümaarü diẽruwa nüxü̃ itayangaugüxü̃ i tümaarü maxü̃! Erü ngẽma diẽru rü paxa tá nagu̱x. Natürü narümemae nixĩ i Tupanaga taxĩnü, erü yimá nixĩ i tüxna naxãcü i maxü̃ rü guxü̃ma i ngẽmaxü̃gü i inaxwa̱xexü̃ nax itaãẽgüxü̃ca̱x.

Nüxíraxü̃xü̃ ga popera ga Cuáü̃ ümatüxü̃ 2:28

Rü ñu̱xmax, Pa Chauxacügüx, rü name nixĩ nax meama Cristuaxü̃́ peyaxõgüxü̃ nax tama nüxü̃ imuü̃exü̃ca̱x, rü tama ixãneexü̃ca̱x nape̱xewa i ngẽxguma wena nua naxũxgu.