Joel 2:24 - Tupanaarü Ore

²⁴ Rü ngẽmaãcü tá mea pexü̃́ nixo i trigu rü poraãcü tá nata ya perü bínu rü chíxü̃.

Joel 2:24 Iomraidhean Croise

Echequié 36:8

Natürü i pema, Pa Iraéanearü Ma̱xpǘnegüx, rü pewa tá narüxügü i muxü̃ma i nanetügü i taxü̃ i muarü oṍxü̃ naxca̱x i chorü duü̃xü̃gü i Iraétanüxü̃ i paxa tá pexca̱x woeguxü̃.

Joel 3:13

Rü yema nax poraãcü chixexü̃ naxügüxü̃, rü marü norü ngunexü̃wa nangu i ngẽma nachixü̃anegü nax penadaixü̃ ñoma trigu norü ngunexü̃wa nanguxgu nax yachexexü̃rüxü̃. Rü nagu pepugüe i ngẽma nachixü̃anegü ñoma úbagü bínuca̱x ipumüxü̃rüxü̃.

Joel 3:18

Rü ngẽma ngunexü̃gu rü yima ma̱xpǘnegüwa tá nangẽxma ya tacü ya bínu rü lechi ñoma dexárüxü̃. Rü Yudáanearü natügüwa rü tá nata i norü dexá. Rü yima chopata ya taxü̃newa rü tá nichuxchu i wüxi i dexá i tá Chitíü̃arü doxonexü̃wa yawaianexẽẽxü̃.

Lebítanüxü̃arü puracüchiga 25:19

Rü penetügü rü tá meama nixo, rü pemax rü taxuxü̃táma i ta̱xacü pexü̃ nachixewe nawa i ngẽma perü naane. Rü tá penangõ̱x i penetügüarü o ñu̱xmata pengãxpütüwegü.

Lebítanüxü̃arü puracüchiga 26:10

Rü ngẽma trigu ya taunecü ya ngupetücügu perü trigupatagu penutaque̱xexü̃ tá pengõ̱xgü. Rü ngẽma íyaxüxü̃ rü tá ípenanuxü̃ nax ngẽma ngexwaca pebuxuxü̃ i trigu rü yimá perü trigupatagu penuxü̃ca̱x.

Amúx 9:13

Rü ñanagürü ta: —Rü ngẽma ngunexü̃gügu rü poraãcü tá nixo i perü trigu. Rü ngẽxguma taxũta yagúegu nax penabuxuxü̃ i perü trigu rü ngẽma perü naane rü marü táxarü name nax wena nagu petoexü̃. Rü ngẽxguma taxũta yagúegu nax penabuxuxü̃ i perü úbagü rü ngẽma perü naane rü marü íname nax perü trigu nagu petoxü̃. Rü guxü̃nema ya yima ma̱xpǘnegüwa rü ngüchitaeruxü̃güwa rü tá nata i perü bínu ñoma dexárüxü̃.

Maraquía 3:10

¡Rü chopata ya taxü̃nearü diẽruchixü̃gu peyaxǘ i ngẽma diẽru i choxrü ixĩxü̃! Rü ngẽmaãcü tá nangema i õna i chopatawa. ¡Rü dücax, choxü̃ pexü̱x! Rü ngẽmaãcü tá nüxü̃ pedau nax dauxü̃guxü̃ i naanearü beü̃tána chiwãxnaxü̃ rü peaneétügu chanapuxẽẽxü̃ ya pucü.