Joel 2:20 - Tupanaarü Ore

²⁰ Rü tá pexna chayaxĩgachixẽxẽ i ngẽma munügü ga nórtewaama ne ĩxü̃, rü tá ngextá ínachianexü̃wa chanamugü. Rü ngẽma nape̱xegu ĩxü̃ rü nataxa i ngearü maxü̃ã́xü̃wa tá chanawoü̃. Rü ngẽma wixweama ügüxü̃ rü Már i Mediteráneuwa tá chanawoü̃. Rü ngẽxma tá niyixe rü tá ngéma nayixanegü. Rü ngẽmaãcü tá poraãcü pexü̃ charüngü̃xẽxẽxü̃ —ñanagürü ga Cori ya Tupana.

Joel 2:20 Iomraidhean Croise

Norü taxre ga popera ga ãẽ̱xgacügüchiga 8:13

Rü Achaé nanangãxü̃ rü nüxü̃ ñanagürü: —Natürü choma nax curü ngü̃xẽẽruxü̃ chixĩxü̃ rü ñoma wüxi i airu i taxuwama mexü̃rüxü̃ chixĩ. ¿Rü ñuxãcü tá chanaxüxü̃ i ngẽma? —ñanagürü. Rü Erichéu nanangãxü̃ rü nüxü̃ ñanagürü: —Cori ya Tupana rü choxü̃ nüxü̃ nacua̱xẽxẽ rü cuma tá nixĩ i Chíriaanearü ãẽ̱xgacü quixĩxü̃ —ñanagürü.

Wiyaegü 126:3

Rü aixcüma Cori ya Tupana rü taxü̃ i mexü̃ taxca̱x naxü rü ngẽmaca̱x poraãcü tataãẽgü.

Ínachoxü̃xü̃chiga 10:19

Rü yexguma ga Cori ya Tupana rü poracü ga buanecü ga oéstewaama ne ũcü ínanangu̱xẽxẽ nax guxü̃ma ga munügü naemagu ibugüxü̃ca̱x. Rü Már i Dauchíüxü̃wa nayawogü. Rü yemaacü taxuxü̃ma ga munü Equítuanewa nayaxǘ, rü bai ga wüxi.

Ínachoxü̃xü̃chiga 8:14

Rü ga duü̃xü̃gü rü nanade ga yema yuexü̃ ga cururugü, rü nananutaque̱xe. Rü guxü̃wama namaxã nayipetüane.

Ichaía 34:3

Rü ngẽma yuexü̃ rü ngéma tá nawogümare. Rü ngẽma naxü̃negü rü tá nanayixanexẽẽgü. Rü nagü rü ma̱xpǘnegüwa tá narüyáü̃gü.

Echequié 47:18

Rü ngẽma Iraéanearü üyeane i éstewaama rü ngẽma Auráü̃anearü üye rü Damácuanearü üye iyacuáxü̃wa tá inaxügü nax éstewaama nadaxü̃. Rü natü i Yudáü̃anacügu tá nida i Garaáxanecüwagu rü ñu̱xmata ĩane ya Tamárawa nangu. Rü yima ĩane ya Tamára rü Már ya Ngearü Maxü̃ã́xü̃cutüwa nangẽxma. Rü ngẽma tá nixĩ i Iraéanearü üyeane i éstewaama ngẽxmaxü̃.

Amúx 4:10

—Rü pexca̱x íchanangugüxẽxẽ ga naweane yema Equítuaneca̱x íchanguxẽẽgurüxü̃. Rü chanayexrü ga perü ngextü̱xücügü nax perü uanügü daigu nada̱i̱xü̃ca̱x. Rü chanayexrü nax perü uanügü yagagüxü̃ca̱x ga perü cowarugü. Rü yema pegü ípeda̱i̱xü̃wa pexü̃ chanapaxẽxẽ ga yema yuexü̃arü yixixü̃. Natürü ga pema rü tama cha̱u̱xca̱x pewoegu. Rü choma i Cori ya Tupana nixĩ i nüxü̃ chixuxü̃ i ngẽma.

Chacaría 14:8

Rü ngẽxguma rü Yerucharéü̃wa tá ne naya̱x i wüxi i dexá i mechiüxü̃ i woo mucü ínguxgu rü woo taunecü ínguxgu iyáxü̃. Rü ngãxü̃ i ngẽma dexá rü tá Már i Ngearü Maxü̃ã́xü̃wa naya̱x. Rü ngẽma to i norü ngãxü̃ i dexá rü tá Már i Mediteráneuwa naya̱x.

Maraquía 3:11

Rü penetü rü tá mea nixo erü choma tá nüxna chadau nax taxuxü̃táma i naweane rü da̱xaweane nachixexẽẽxü̃ i ngẽma penetügüarü o rü perü úbanecügu.

Wenaxarü naxümatü ga Tupanaarü mugü 11:24

Rü guxü̃ma i ngẽma naane i nawa pengugüxü̃ rü pengagüxü̃ rü pexrü tá nixĩ. Rü ngẽma perü üyeane i súrwaama rü chianexü̃wa tá inaxügü rü ñu̱xmatáta Líbanuanewa nangu i nórtewa. Rü éstewa rü natü ya Eufrátewa tá inaxügü rü ñu̱xmatáta Már i Mediteráneuwa nangu i oéstewaama.