Joel 2:16 - Tupanaarü Ore

¹⁶ ¡Rü penangutaque̱xexẽxẽ i ngẽma Tupanaarü duü̃xü̃gü, Pa Chacherdótegüx, nax Tupanape̱xewa peyamexẽxẽgüxü̃ca̱x i yaxü̃gu, rü buxü̃gü rü woo i ngẽma buxü̃gü i maiexü̃! ¡Rü ngẽxgumarüxü̃ ta i ngẽma ngexwaca ingĩgüxü̃, rü norü ucapuwa ípenachoxü̃xẽxẽ!

Joel 2:16 Iomraidhean Croise

Norü taxre ga to ga popera ga ãẽ̱xgacügüchiga ümatüxü̃ 20:13

Rü yexguma rü guxü̃ma ga Yudáanecüã̱xgü ga yatüxü̃gü rü ngexü̃gü rü buxü̃gü rü Tupanapatape̱xegu nachigü.

Norü taxre ga to ga popera ga ãẽ̱xgacügüchiga ümatüxü̃ 29:5

Rü ñanagürü nüxü̃: —Pa Lebítanüxü̃x, ¡choxü̃́ iperüxĩnüe! ¡Rü ñu̱xmax rü Tupanape̱xewa pegü pimexẽxẽgü! ¡Rü ngẽxgumarüxü̃ ta penamexẽxẽ ya napata ya taxü̃ne ya Cori ya perü o̱xigüarü Tupana! ¡Rü ípenawoxü̃ i guxü̃ma i ta̱xacü i ãũãchixü̃ i ngéma ngẽxmaxü̃!

Norü taxre ga to ga popera ga ãẽ̱xgacügüchiga ümatüxü̃ 30:17

Rü yema duü̃xü̃gü ga yexma ngutaque̱xegüxü̃tanüwa rü nayexma ga muxü̃ma ga tama Tupanape̱xewa nügü imexẽẽgüxü̃. Rü yemaca̱x ga yema Lebítanüxü̃ rü yema duü̃xü̃güégagu nanadai ga yema carnérugü ga Üpetüchigaca̱x ixĩgüxü̃ nax yemaacü Tupanape̱xewa yamexẽẽgüxü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 35:6

¡Rü peyama̱x i ngẽma carnéru i Üpetüchigaca̱x ixĩxü̃ rü Tupanape̱xewa pegü pimexẽxẽgü! ¡Rü penamexẽxẽ erü ngẽma inaxwa̱xexü̃ nixĩ nax ngẽma togü i Iraétanüxü̃ca̱x mea naxüchigagüãxü̃ i ngẽma Üpetüchiga yema Tupana Moichéwa nüxü̃ ixuxü̃rüxü̃! —ñanagürü ga Yochía.

Yox 1:5

Rü yexguma marü nawena ga yema nanegüarü peta ga naxügüüxü̃, rü nüma ga Yox rü nanegüca̱x nangemaxü̃. Rü pa̱xmamaxü̃chima ínarüdaüxü̃ rü wüxichigü ga nanegüégagu rü naxacügüégagu Tupanaca̱x nayama̱x rü nayagu ga wüxi ga naxü̃na nax yemaacü Tupana nüxü̃́ nüxü̃ rüngü̃maxü̃ca̱x ga yema nanegüarü rü naxacügüarü chixexü̃gü. Rü yemaacü nanaxüüxü̃ ga Yox yerü nagu narüxĩnü rü nanegü rü naxacügü rü ngürüãchi marü Tupanape̱xewa guxchaxü̃ naxügüe ga norü ĩnüwa ga yexguma peta naxügüxü̃gu.

Wiyaegü 19:5

Rü nüma ya üa̱xcü rü inarügo nax ngẽmaãcü nagu yaxũxü̃ca̱x i namaxü̃, rü nataãxẽ ñoma wüxi ya yatü ya ngexwaca ingĩcürüxü̃ rü ñoma wüxi i duü̃xü̃ i ñaxãchichaü̃xü̃rüxü̃.

Ínachoxü̃xü̃chiga 19:10

Rü nüma ga Cori ya Tupana rü ñanagürü Moichéxü̃: —¡Ẽcü, namaxã nüxü̃ yarüxu i ngẽma duü̃xü̃gü nax nügü yamexẽẽgüxü̃ca̱x i ñu̱xmax rü moxü̃ nax ngẽmaãcü choxü̃ yacua̱xüü̃güxü̃ca̱x! Rü name i nügü niyauxgüchirugü rü nügü namexẽẽgü naxca̱x i pa̱xmaacüarü ngunexü̃. Erü ngẽma ngunexü̃gu tá nixĩ i ícharüxĩxü̃ nagu ya yima ma̱xpǘne ya Chinaí nape̱xewa i guxü̃ma i ngẽma duü̃xü̃gü.

Ínachoxü̃xü̃chiga 19:15

Rü nüma ga Moiché rü ñanagürü nüxü̃: —¡Pegü pimexẽxẽgü naxca̱x i pa̱xmaacüarü ngunexü̃! ¡Rü naxü̃pa i ngẽma rü taxũtáma pexma̱xmaxã pemaxẽ! —ñanagürü.

Ínachoxü̃xü̃chiga 19:22

Rü woo i ngẽma chacherdótegü i chope̱xewa duü̃xü̃güétüwa chogügüxü̃ rü nanaxwa̱xegü i nügü namexẽẽgü nax tama natanüwa rü ta chanadaixü̃ca̱x —ñanagürü.

Joel 1:14

¡Rü naxca̱x pengẽma i guxü̃ma i duü̃xü̃gü nax aureãcüma nayumüxẽgüxü̃ca̱x! ¡Rü Cori ya Tupanapata ya taxü̃negu penangutaque̱xexẽxẽ i perü ãẽ̱xgacügü i yaxguã̱xgü, rü guxü̃ma i duü̃xü̃gü i ñaa nachixü̃anecüã̱xgü! ¡Rü ngéma perü yumüxẽwa Tupanana peca nax pexü̃ nangü̃xẽxẽxü̃ca̱x!

Ore i mexü̃ ga Matéu ümatüxü̃ 21:16

Rü ñanagürügü Ngechuchuxü̃: —¿Nüxü̃ cuxĩnüxü̃ i ngẽma ore i buxü̃gü namaxã ngéma icagüexü̃? —ñanagürügü. Rü Ngechuchu nanangãxü̃, rü ñanagürü: —Ngü̃, nüxü̃ chaxĩnü. ¿Natürü taguma ẽ̱xna nawa pengúe i Tupanaarü ore i buxü̃güchiga ümatüxü̃ i ñaxü̃: “Ngẽma buxü̃gü i íxraxü̃ rü õxchanagü rü tá ta cuxü̃ nicua̱xüü̃gü”, ñaxü̃? —ñanagürü.

Ore i mexü̃ ga Matéu ümatüxü̃ 9:15

Rü Ngechuchu nanangãxü̃ rü ñanagürü: —¿Ẽ̱xna wüxi i ngĩgüarü petawa rü pexca̱x namexü̃ nax nangechaü̃güxü̃ rü naxaureexü̃ i ngẽma nüxna naxugüxü̃ ega natanüwa nangẽxmagu i ngẽma ngexwaca ãmaxü̃? Natürü wüxi i ngunexü̃gu rü ngẽma yatü i ngexwaca ãmaxü̃ rü tá namücügüna nayagagü. Rü ngẽma ngunexü̃gu tá nixĩ i aixcüma naxaureexü̃ i namücügü.

1 Corintios 7:5

Rü tama name i wüxi ya yatü rü naxma̱xna nügü ninuxũ, rü ẽ̱xna wüxi i ngecü rü ngĩtena ngĩgü iyanuxũ, ega tama nügümaxã namexẽẽãgu nax ñuxre i ngunexü̃ tama nügümaxã namaxẽxü̃ naxca̱x nax nayumüxẽgüxü̃. Rü ngẽmawena rü name nixĩ nax wenaxarü noxrirüxü̃ nügümaxã namaxẽxü̃ nax tama Chataná nüxna ĩnüxü̃ca̱x nax chixexü̃gu nayixẽẽãxü̃ca̱x.

Yochué 7:13

¡Rü ñu̱xma rü inachi, rü nangutaque̱xexẽxẽ i duü̃xü̃gü! ¡Rü namaxã nüxü̃ ixu nax nügü yamexẽxẽgüxü̃ca̱x nax ngẽmaãcü moxü̃ chope̱xewa nangugüxü̃ca̱x! Erü choma i Cori ya perü Tupana rü pemaxã nüxü̃ chixu rü pemax, Pa Iraétanüxü̃x, rü penayaxu i ngẽma pexna chachu̱xuxü̃. Rü ngẽxguma taxũtáma ípenaguxgu rü pegüwa nüxü̃ pexoo̱xgux i ngẽma chixexü̃, rü taxucürüwatama perü uanügüxü̃ perüporamae.

Yochué 8:35

Rü guxü̃ma ga yema mugü ga Moiché nüxna ãxü̃ rü Yochué nüxü̃ nadaumatü nape̱xewa ga guxü̃ma ga Iraétanüxü̃ ga iyatüxü̃, rü ingexü̃, rü buxü̃gü, rü yema togü ga tama Iraétanüxü̃ ixĩgüxü̃ ga natanüwa maxẽxü̃.

1 Chamué 16:5

Rü nüma ga Chamué rü nanangãxü̃ rü ñanagürü: —Taxuxü̃ma nixĩ i ngupetüxü̃. Rü nua chaxũ nax Tupanaca̱x wüxi i naxü̃na chimáxü̃ca̱x. ¡Rü ngẽmaca̱x Tupanaca̱x pegü pimexẽxẽgü rü choxü̃ ípixümücü nax ngẽma naxü̃naarü ma̱xwa rü Tupanaarü cua̱xüü̃wa ipexãgüxü̃ca̱x! —ñanagürü. Rü yemawena ga Chamué rü Ichaxíxü̃ rü nanegüxü̃ Tupanaca̱x nimexẽẽgü, rü nüxna naxu nax íyaxümücügüãxü̃ca̱x ga Tupanaarü cua̱xüxü̃wa.