Joel 1:8 - Tupanaarü Ore

⁸ Rü chorü duü̃xü̃gü rü naxauxe ngĩrüxü̃ i wüxi i pacü i ngechaü̃chirugu icu̱xcü erü ngẽma ngextü̱xücü i namaxã naxãtechaü̃xü̃ rü nayu.

Joel 1:8 Iomraidhean Croise

Ucu̱xẽgüchiga 2:17

Ngẽma ngexü̃ rü norü patexü̃ ínata̱x, rü nüxü̃ inarüngüma i norü uneta ga Tupanape̱xewa naxüxü̃ ga yexguma iyangĩxgu.

Ichaía 22:12

Rü ngẽma ngunexü̃gu rü nüma ya Cori ya Tupana ya Guxãétüwa Ngẽxmacü rü pemaxã nüxü̃ nixu nax pexauxexü̃ rü témüxü̃ i naxchirugu picu̱xgüxü̃ rü pegü pidüerugüxü̃ nax ngẽmaãcü penawéxü̃ca̱x nax aixcüma tá naga pexĩnüexü̃.

Ichaía 32:11

Rü pemax nax iperüchomarexü̃ rü taxuguma perüxĩnüexü̃, ¡ẽcü perü muü̃maxã pidu̱xru̱xex! ¡Rü ípecu̱xü̃ i pexchirugü, rü naxchiru i témüxü̃gu picu̱xgü nax ngẽmaãcü penawéxü̃ca̱x nax ngúxü̃ pingegüxü̃!

Yeremía 3:4

Rü pema rü ĩnetama choxna peca rü ñaperügügü choxü̃: “Pa Tonatüx ga Tomücü Ixĩcü ga Yexguma Tangextü̱xügügu, ¿rü guxü̃gutáma tomaxã cunuxü̃? ¿Rü guxü̃gutáma yixĩxü̃ i tomaxã cunuechaxü̃?” ñaperügügü. Natürü ga pema rü yexguma yema ñapegügügu rü naguxü̃raü̃xü̃ ga chixexü̃gü pexügü —ñanagürü.

Auxexü̃chiga 1:4

Rü ngẽma Chióü̃arü namagü rü taxü̃ i ngechaü̃ nixĩgü erü nachianemare. Rü nataxuma i duü̃xü̃gü i petagü ga Tupana nüxü̃ unetaxü̃wa ĩxü̃. Rü ngẽma Yerucharéü̃arü poxeguxü̃arü ĩã̱xgüwa rü nachianemare. Rü ngẽma chacherdótegü rü naxauxe. Rü ngẽma paxü̃gü rü nanaxĩ̱xãchiãẽgü. Rü yima ĩane ya Yerucharéü̃ rü guxchaxü̃wa nangẽxma.

Amúx 8:10

Rü ngẽma perü petachigagü rü ngechaü̃xü̃ tá chayanguxuchixẽxẽ erü yuexü̃ca̱x tá pexauxe. Rü ngẽma perü wiyaegü rü ngechaü̃arü wiyaexü̃ tá chayanguxuchixẽẽgü. Rü ngechaü̃chirugu tá pexü̃ chicu̱xgüxẽxẽ. Rü ngechaü̃maxã tá pegü pibaierugü. Rü yíxema tümane i nügümaxã wüxicacü i yuxü̃ca̱x auxexü̃rüxü̃ tá pexauxe. Rü guxü̃táma taxü̃ i guxchaxü̃gu nayagu”, ñachagürü.

Maraquía 2:15

¿Rü tama ẽ̱xna yimátama Tupana yixĩxü̃ ya naxücü i taxü̃ne rü taãxẽ? ¿Rü ta̱xacü nixĩ i pexü̃́ nanaxwa̱xexü̃ ya Tupana? Rü ngẽma pexü̃́ nanaxwa̱xexü̃ nixĩ nax noxrü yixĩgüxü̃ i ngẽma pexacügü. ¡Rü mea nüxna peda̱u̱x i perü maxü̃! Rü tama name i nüxü̃ icuyarüngüma ga yema uneta ga cuxma̱xmaxã nüxü̃ quixuxü̃ ga yexguma cungextü̱xügu ngĩmaxã cuxãxma̱xgu.

Popera ga Chantiágu ümatüxü̃ 5:1

Pa diẽruã̱xgüxü̃, ¡Iperüxĩnüe i ñaa ore! ¡Pexauxe rü aita pexüe na̱xcha̱xwa i ngẽma guxchaxü̃gü i tá pexca̱x íngugüxü̃!