Joel 1:5 - Tupanaarü Ore

⁵ Pa Ngãxẽwa̱xexü̃x ¡rü peba̱i̱xãchie! ¡Pexauxe, Pa Bínuarü Axruü̃güx! Erü ngẽma úbatüxü̃ rü tá inayarütaxu.

Joel 1:5 Iomraidhean Croise

Yeremía 4:8

¡Rü ngẽmaca̱x techaraxü̃ i naxchirugu picu̱xgü, rü pexauxe, rü ngechaü̃maxã aita pexüe! Erü Cori ya Tupanaarü nu rü tama tüxna nixũgachi —ñanagürü.

Echequié 30:2

—Pa Yatüx, ¡chauégagu nüxü̃ ixu rü ñanagürü! “Cori ya Tupana rü ñanagürü: ‘¡Perü ngechaü̃maxã aixta pexü na̱xcha̱xwa i ngẽma ngunexü̃ i poxcu tá nagu pexca̱x ínguxü̃!

Joel 1:11

Rü pema nax naanewa pepuracüexü̃ rü penatoxü̃ ga úbagü rü trigugü rü chebádagü ¡rü poraãcü pengechaü̃güãcüma pexauxe! Erü ngẽma trigu rü chebáda ga petogüxü̃ rü pexü̃́ nayue, rü ngẽmaca̱x taxuxü̃ma pibuxgü.

Joel 1:13

Rü pemax, Pa Chacherdótegü i Tupanaarü Ãmarearü Guruxü̃maxã Icua̱xgüxex, rü name nixĩ i naxchiru i témüxü̃gu picu̱xgü, rü pexauxe, erü perü Tupanapata ya taxü̃newa rü marü nataxuma i trigu rü bínu i perü ãmareruxü̃ ixĩxü̃.

Joel 3:3

Rü ngẽma togü i nachixü̃anecüã̱xgü i duü̃xü̃gü rü sortéuãcü nügü nayanu ga chorü duü̃xü̃gü, rü tümamaxã nataxegü ga buxegü ga iyatüxe rü ingexe. Rü yemawena ga guxema buxegütanü rü bínugu rü ngexü̃gü ga ngĩxü̃negümaxã taxexü̃gu tüxü̃ nagu̱xẽẽgü ga guxema diẽru.

Ore i mexü̃ ga Luca ümatüxü̃ 16:19

Nayexma ga wüxi ga yatü ga diẽruã̱xü̃chixü̃ ga guxü̃guma mexẽchixü̃ ga naxchirugu icúxü̃. Rü guxü̃ ga ngunexü̃gu rü taxü̃ma ga õna naxü rü napetaexü̃.

Popera ga Chantiágu ümatüxü̃ 5:1

Pa diẽruã̱xgüxü̃, ¡Iperüxĩnüe i ñaa ore! ¡Pexauxe rü aita pexüe na̱xcha̱xwa i ngẽma guxchaxü̃gü i tá pexca̱x íngugüxü̃!