Joel 1:14 - Tupanaarü Ore

¹⁴ ¡Rü naxca̱x pengẽma i guxü̃ma i duü̃xü̃gü nax aureãcüma nayumüxẽgüxü̃ca̱x! ¡Rü Cori ya Tupanapata ya taxü̃negu penangutaque̱xexẽxẽ i perü ãẽ̱xgacügü i yaxguã̱xgü, rü guxü̃ma i duü̃xü̃gü i ñaa nachixü̃anecüã̱xgü! ¡Rü ngéma perü yumüxẽwa Tupanana peca nax pexü̃ nangü̃xẽxẽxü̃ca̱x!

Joel 1:14 Iomraidhean Croise

Norü taxre ga popera ga ãẽ̱xgacügüchiga 10:20

Rü yemaca̱x duü̃xü̃güxü̃ namu nax naxunagügüãxü̃ca̱x ga wüxi ga peta ga Baáca̱x ixĩxü̃. Rü yemaacü nanaxunagü.

Norü taxre ga to ga popera ga ãẽ̱xgacügüchiga ümatüxü̃ 20:13

Rü yexguma rü guxü̃ma ga Yudáanecüã̱xgü ga yatüxü̃gü rü ngexü̃gü rü buxü̃gü rü Tupanapatape̱xegu nachigü.

Neemía 8:18

Rü 7 ga ngunexü̃ nanaxüchigagü ga yema düxenügüarü peta. Rü wüxichigü ga yema 7 ga ngunexü̃gu rü nüma ga Édra rü duü̃xü̃gümaxã nüxü̃ nadaumatü ga yema Tupanaarü mugü. Rü yexguma norü 8 ga ngunexü̃wa nanguxgu rü duü̃xü̃gümaxã nanaxü ga wüxi ga taxü̃ ga ngutaque̱xe nax Tupanaxü̃ yacua̱xüü̃güxü̃ca̱x, yema Tupanaarü mugüpane nüxü̃ ixuxü̃rüxü̃.

Ester 4:16

—¡Ẽcü ngéma naxũ rü nangutaque̱xexẽxẽ i guxü̃ma i Yudíugü i Chúchawa ngẽxmagüxü̃ nax cha̱u̱xca̱x aureãcü nayumüxẽgüxü̃ca̱x! ¡Rü tomaepü̱x i ngunexü̃ rü tomaepü̱x i chütaxü̃ rü taxuxü̃táma ta̱xacü nangõ̱xgü rüe̱xna ta̱xacü nixaxgü! Rü chomax, rü namaxã i chauxü̃taxü̃gü rü ngẽmaãcü tátama tanaxügü. Rü ngẽmawena rü tá ãẽ̱xgacüxü̃tawa íchayadau woo nachu̱xu nax texé ngéma ũmarexü̃ tama tümaca̱x nangemayane. Natürü tá ngéma chaxũama rü nüetama ega woo chayu̱xgu —ngĩgürügü.

Yeremía 14:2

—Yudáanecüã̱xgü rü nangechaü̃gü rü naxauxe. Rü norü ĩanegücüã̱x i duü̃xü̃gü rü nanaxĩ̱xãchiãẽgü rü waixü̃müanegu nicama. Rü ngẽma Yerucharéü̃cüã̱xgü rü ngúxü̃ ningegü rü ngẽmaca̱x aita naxüe.

Yeremía 36:9

Rü yexguma Yoaquíü̃ ga Yochía nane rü marü 5 ga taunecü Yudáanearü ãẽ̱xgacü yixĩxgu, rü gumá taunecüarü 9 ga tauemacügu nanaxunagü nax naxauregüxü̃ ga guxü̃ma ga Yerucharéü̃cüã̱x wüxigu namaxã ga yema togü ga duü̃xü̃gü ga naigü ga Yudáanearü ĩanegüwa ne ĩxü̃.

Joel 1:2

Guxü̃ma ga perü nanetügü rü munü pexü̃́ nanangõ̱x. Rü yema taxü̃ ga munügü íyaxüxẽẽgüxü̃ rü yema munügü ga ixíraxü̃ nanangõ̱xgü. Rü dücax, Pa Yaxguã̱xgü rü Guxãma i Pemax i Ñaa Nachixü̃anecüã̱xgüx, rü pexna chaca ¿rü ñuxgu nüxü̃ pedauxü̃ ga wüxi ga chixexü̃ ga ñaarüxü̃ ixĩxü̃? Rü nũxcüma ga penatügü rü taguma nüxü̃ tadau i ngẽma ñu̱xma pexü̃ ngupetüxü̃. Rü ngẽmaca̱x name i pexacügümaxã nüxü̃ pixu i ngẽma ñu̱xma pexü̃ ngupetüxü̃, rü nümagü rü tá naxacügümaxã nüxü̃ nixugügü, rü petaagü rü naxacügümaxã ta nüxü̃ nixugügü.

Lebítanüxü̃arü puracüchiga 23:36

Rü guxü̃ma i ngẽma 7 i ngunexü̃gügu rü tá Cori ya Tupanaca̱x ãmare ípegu. Rü norü 8 i ngunexü̃gu rü tá cha̱u̱xca̱x pengutaque̱xegü, rü wüxi i ãmare tá cha̱u̱xca̱x pigu. Rü ngẽma rü wüxi i ngunexü̃ i petachiga nixĩ, rü ngẽmaca̱x taxuxü̃táma i ta̱xacürü puracü pexü.

Yoná 3:5

Rü yexguma yemaxü̃ naxĩnüegu ga yema Nínibecüã̱x ga duü̃xü̃gü ga iyaexü̃ rü buxü̃gü, rü Tupanaaxü̃́ nayaxõgü. Rü nanaxunagügü nax Tupanaca̱x naxaureexü̃ rü nagu yacu̱xgüxü̃ ga naxchirugü ga témüxü̃, yerü poraãcü nügümaxã nangechaü̃gü.

Yoná 3:8

Rü yexgumarüxü̃ ta nanaxunagü ga ãẽ̱xgacüarü ore ga ñaxü̃: —¡Guxãma i pemax, Pa Duü̃xü̃güx, rü témüxü̃ i naxchirugu picu̱xgü rü ngẽmaãcü ípenawe̱x nax pegümaxã pengechaü̃güxü̃! ¡Rü aixcüma Tupanana pecagü rü namaxã nüxü̃ pixu i perü chixexü̃gü! ¡Rü wüxichigü i pemax rü nüxü̃ perüxoe i pecüma i chixexü̃ rü ngẽma nax pegü pedaixü̃ rü pemáetawa̱xegüxü̃!

Chofonía 2:1

¡Pengutaque̱xegüx, Pa Duü̃xü̃gü i Tama Ãnexü̃ Cua̱xgüxü̃x!