Joel 1:12 - Tupanaarü Ore

¹² Rü perü úbanecügü rü nipagü rü nayue ga perü igunecü. Rü nipagü ga perü ori̱xgü ga boxragü, rü cucugü, rü mansánagü rü guxü̃ma ga perü nanetügü ga peanewa yexmagüxü̃. Rü yemaacü nüxü̃́ inarüxo ga norü taãxẽ ga guxü̃ma ga duü̃xü̃gü.

Joel 1:12 Iomraidhean Croise

Wiyaegü 4:7

Ngẽma duü̃xü̃gü i muxü̃ma i trigu rü tacü ya bínu nüxü̃́ ngẽxmagüxü̃arü yexera rü cuma rü taãxẽ choxna cuxã.

Wiyaegü 92:12

Rü ngẽma mea maxẽxü̃ i duü̃xü̃gü rü ñoma tema ya baxcacürüxü̃ tá nixĩgü. Rü tá nimexẽchi yima ocayiwa ya Líbanuwa ngẽxmagünerüxü̃.

Charumóü̃arü wiyae 2:3

Yimá ngextü̱xücü ya choxü̃ ngúchaü̃cü rü guxü̃ma i yatügütanüwa rü ñoma nanetü i manzana i naixnecüarü naigütanüwa rüxüxü̃rüxü̃ nixĩ. Rü chataãxẽ nax norü gáuxchipetatüxü̃wa charütoxü̃. Rü namaixcuraxüchi i ngẽma norü o.

Charumóü̃arü wiyae 4:13

Rü yima cuxune rü ñoma wüxi i boxranecü i chiarü oṍxü̃rüxü̃ nixĩ. Rü ñoma maxẽgü i yichacuxü̃rüxü̃ nixĩ.

Ichaía 16:10

Rü marü tama nüxü̃ taxĩnüe i duü̃xü̃gü i naanewa tagatanüxü̃ norü taãẽmaxã. Rü yema úbanecügüwa rü marü tama nüxü̃ taxĩnüe i duü̃xü̃gü i norü taãẽmaxã wiyaegüxü̃, rü taxuxü̃ma tadau i duü̃xü̃gü i úba i ñúxcharaxü̃ rü ínayo̱xpetüxü̃ nax bínu ínaxüãxü̃. Rü guxü̃ma i ngẽma duü̃xü̃güarü taãxẽ rü marü inayacua̱x.

Ichaía 24:11

Rü ngẽma duü̃xü̃gü rü namagüwa naxauxe erü marü nataxuma ya bínu. Rü guxü̃ma i ngẽma taãxẽ rü marü nüxü̃́ inayacua̱x rü marü inarüxo i ñoma i naanewa.

Ichaía 24:7

Rü yimá bínu rü marü wixgu nataxu, rü ngẽma úbanecügü rü norü da̱xaweane naxca̱x ínangugü. Rü ngẽma duü̃xü̃gü ga noxri taãẽgüchiréxü̃ rü ñu̱xma rü ngechaü̃wa nangẽxmagü.

Ichaía 9:3

Rü ñu̱xmax, Pa Cori Pa Tupanax, rü poraãcü taãxẽ toxca̱x ícunguxẽxẽ rü ngẽma taãxẽ rü aixcüma nataxüchi. Rü guxãma tataãẽgü i cupe̱xewa ñoma tonetüarü o tibuxgügurüxü̃ rü ñoma churaragü i norü uanügüarü ngẽmaxü̃gü nügümaxã itoyegurüxü̃.

Yeremía 48:3

Rü ĩane ya Oronaíü̃wa rü norü duü̃xü̃gü rü poraãcü aita naxüe rü ñanagürügü: “Guxü̃wama nagu napogüe ya torü ĩane”, ñanagürügü.

Yeremía 48:33

Rü ñu̱xma i Moáanearü naanegü i mexü̃wa rü marü tama nüxü̃ taxĩnüe nax taãẽmaxã aita naxügüxü̃ i duü̃xü̃gü. Rü yima bínu rü marü nataxuma i nachiü̃wa. Rü taxúema tayapumügü i úbagü nax bínu taxügüxü̃ca̱x. Rü tataxuma nax texé taãẽãcü tawiyaegüxü̃.

Joel 1:10

Rü ngẽma naanegü rü nachianemare rü ngẽma waixü̃mü rü nipamare. Rü ngẽma trigugü rü nayue, rü ngẽma úbanecügü rü nipagü, rü ngẽma oribunecügü rü narüñexgü.

Joel 1:16

Rü yema munügü rü tape̱xewatama tüxna nanapu ga tawemü rü yemaacü inarüxo ga Tupanapata ya taxü̃newa nax itaãẽgüxü̃.

Yoná 4:7

Natürü ga moxü̃ãcü yangunegu rü Tupana yéma nanamu ga wüxi ga õxmi nax yema yawaemaxü̃ãxü̃ca̱x, rü narüñexẽ.

Maraquía 3:11

Rü penetü rü tá mea nixo erü choma tá nüxna chadau nax taxuxü̃táma i naweane rü da̱xaweane nachixexẽẽxü̃ i ngẽma penetügüarü o rü perü úbanecügu.

Iraétanüxü̃arü muxchiga 13:23

Rü yema doxonexü̃ ga Ecúwa nangugü, rü yéma nayadaegü ga wüxi ga úbamaxü̃chacüxü ga ta̱xya̱xaarü oṍxü̃. Rü wüxi ga naiwa nayawe̱xgü rü yemaacü nügümaxã nayangetaü̃gü. Rü ori̱x ga igu rü ori̱x ga boxra rü ta ningegü.