Joel 1:11 - Tupanaarü Ore

¹¹ Rü pema nax naanewa pepuracüexü̃ rü penatoxü̃ ga úbagü rü trigugü rü chebádagü ¡rü poraãcü pengechaü̃güãcüma pexauxe! Erü ngẽma trigu rü chebáda ga petogüxü̃ rü pexü̃́ nayue, rü ngẽmaca̱x taxuxü̃ma pibuxgü.

Joel 1:11 Iomraidhean Croise

Ichaía 17:11

Rü ngẽma ngunexü̃ i nagu penatoxü̃ i ngẽma penetügü rü mea nüxna pedau nax moxü̃ãcü naxüxü̃ca̱x. Natürü wüxi i ngunexü̃ tá naxca̱x ínangu i norü da̱xaweane i ngearü üxü̃ã́xü̃ rü pema rü tá ngúxü̃ pingegü i ngẽxguma pexü̃́ nayuegu.

Yeremía 14:2

—Yudáanecüã̱xgü rü nangechaü̃gü rü naxauxe. Rü norü ĩanegücüã̱x i duü̃xü̃gü rü nanaxĩ̱xãchiãẽgü rü waixü̃müanegu nicama. Rü ngẽma Yerucharéü̃cüã̱xgü rü ngúxü̃ ningegü rü ngẽmaca̱x aita naxüe.

Yeremía 50:16

Rü taxuxü̃táma Babiróniawa peyaxǘxẽxẽ i ngẽma duü̃xü̃gü i ngẽxma toegüxü̃ rü nabuxgüxü̃ i nanetüarü o. Rü ngẽma ngéma ngẽxmagüxü̃ i togü i nachixü̃anecüã̱xgü, rü ngẽxguma nüxü̃ nadaugügu i ngẽma dai rü tá nibuxmü nax wüxichigü nachixü̃aneca̱x nawoeguxü̃ca̱x.

Yeremía 9:12

¿Texé tixĩ ya nüxü̃ cua̱xüchixe nax ngẽmaãcü nüxü̃ tacuáxü̃ca̱x i ngẽma tá ngupetüxü̃? ¿Rü texéxü̃ nixĩ i nüxü̃ nacua̱xẽxẽxü̃ ya Cori ya Tupana i guxü̃ma i ngẽma tá ngupetüxü̃ nax ngẽmaãcü togümaxã nüxü̃ tixuxü̃ca̱x? ¿Rü ta̱xacüca̱x yixĩxü̃ i chixexü̃wa nangẽxmaxü̃ i ñaa nachixü̃ane? ¿Rü ta̱xacüca̱x yixĩxü̃ i ñoma chianexü̃ i taxúema nawa üpetüxü̃rüxü̃ yixĩxü̃?

Echequié 30:2

—Pa Yatüx, ¡chauégagu nüxü̃ ixu rü ñanagürü! “Cori ya Tupana rü ñanagürü: ‘¡Perü ngechaü̃maxã aixta pexü na̱xcha̱xwa i ngẽma ngunexü̃ i poxcu tá nagu pexca̱x ínguxü̃!

Amúx 5:16

Rü ñanagürü ya Cori ya Tupana ya Guxãétüwa Ngẽxmacü: —Ngẽxguma tá ngéma chaxũxgu nax chayapoxcuexü̃ca̱x i ngẽma duü̃xü̃gü i chixexü̃gu maxẽxü̃ rü guxü̃ ya ĩanegüarü plazagüwa rü duü̃xü̃gü tá naxauxe. Rü namagüwa rü duü̃xü̃gü rü tá nixaixcha erü poraãcü nüxü̃́ nangu̱x. Rü tá tümaca̱x nangema ya yíxema naanewa puracüexe. Rü ngẽxgumarüxü̃ tá ta naxca̱x nangema i ngẽma auxewa diẽru ngĩxü̃ yauxgüxü̃. Rü guxü̃ma i úbanecügüwa rü tá naxauxe i duü̃xü̃gü i ngẽxguma petanüwa chaxũxgu nax pexü̃ chapoxcuexü̃ca̱x —ñanagürü ya Cori ya Tupana.

Romanos 5:5

Rü ñu̱xma nax ínangu̱xẽẽxü̃ nax tüxü̃́ tá nangẽxmaxü̃ i tachica i Tupanaxü̃tawa, rü ngẽmaca̱x taxuca̱xma tangechaü̃gü. Erü Tupana rü poraãcü tüxü̃ nangechaü̃. Rü ngẽma Naãxẽ ya Üünexü̃ i tüxna namuxü̃ nixĩ i tüxü̃ nüxü̃ cua̱xẽẽxü̃ i ngẽma.