Ester 9:3 - Tupanaarü Ore

³ Rü ñu̱xũchi yema togü ga nachixü̃anegüarü ãẽ̱xgacügü rü Yudíugüxü̃ narüngü̃xẽẽgü yerü Maduquéuxü̃ namuü̃e.

Ester 9:3 Iomraidhean Croise

Édra 8:36

Rü toma rü yema nachixü̃anegü ga taxtü ga Eufrátearü oéstewaamaarü ãẽ̱xgacügüna tanaxã ga yema popera ga Pérchiaanearü ãẽ̱xgacü toxna ãxü̃. Rü nümagü rü paxa toxü̃ narüngü̃xẽxẽ nax wena tanaxüxü̃ca̱x ga guma Tupanapata ga taxü̃ne.

Ester 3:12

Rü gumá taunecüarü nüxíraü̃cü ga tauemacüarü 13 ga ngunexü̃gu rü nüma ga Amáü̃ rü nanangutaque̱xexẽxẽ ga ãẽ̱xgacüarü poperaarü ümatüruü̃gü. Rü namaxã nüxü̃ nixu nax naxümatügüãxü̃ca̱x ga wüxi ga mu naxca̱x ga guxü̃ma ga ãẽ̱xgacügü ga namaxã icuáxü̃ ga yema 127 ga nachixü̃anegü ga Achuérume̱xẽwa yexmagüxü̃. Rü wüxichigü ga yema nachixü̃anecüã̱xgügawa naxümatü ga yema mu, rü ãẽ̱xgacüéga nagu naxü rü norü ãneraéga nawa nango̱x.

Ester 8:17

Rü guxü̃ma ga Achuéruchixü̃anegüwa rü ĩanegüwa ga ngextá ínanguxü̃wa ga yema mu ga ãẽ̱xgacü unagüxü̃, rü nüma ga Yudíugü rü poraãcü nataãẽgü, rü nanaxüchigagü ga yema ngunexü̃. Rü muxü̃ma ga yema togü ga duü̃xü̃gü rü nügü nixugüe nax Yudíugü yixĩgüxü̃, yerü poraãcü yema Yudíugüxü̃ namuü̃e.

Ester 8:5

—Pa Ãẽ̱xgacüx, ngẽxguma chi aixcüma choxü̃ cungechaü̃gu, rü aixcüma cuxca̱x namexgu i ngẽma cuxna naxca̱x chacaxaxü̃, rü chanaxwa̱xe i cunaxümatü i to i mu i nüxü̃ ixuxü̃ nax marü yanaxoxü̃ i ngẽma mu ga Amáü̃ unagüxü̃ nax chautanüxü̃ i Yudíugüxü̃ nada̱i̱xü̃ca̱x i guxü̃ma i cuchixü̃anewa.

Ester 8:9

Rü yexgumatama naxca̱x nangema ga ãẽ̱xgacüarü poperaarü ümatüruü̃gü. Rü yema ngunexü̃ ga nagu naxümatüxü̃ rü meama norü tomaepü̱x ga tauemacü ga Sibáü̃gu ãégacüarü 23 ga ngunexü̃gu nixĩ. Rü Maduquéu rü yema poperaarü ümatüruü̃gümaxã nüxü̃ nixu nax ñuxãcü tá naxümatügüãxü̃ naxca̱x ga Yudíugü, rü naxca̱x ga wüxichigü ga ãẽ̱xgacü ga namaxã icua̱xgüxü̃ ga yema 127 ga Achuéruchixü̃anegü ga Índiaanewa ixügüxü̃ rü ñu̱xmata Etiopíaanewa nangu. Rü yema mupane rü wüxichigü ga nagawachigü naxümatü. Rü Yudíugügawa rü ta naxümatü.

Danié 3:2

Rü yemawena rü naxca̱x nangema ga guxü̃ma ga ãẽ̱xgacügü ga wüxichigü ga naaneétüwa yexmagüxü̃. Rü naxca̱x nangema ta ga norü churaragüerugü, rü wüxichigü ga ĩanearü ãẽ̱xgacügü, rü ãẽ̱xgacügü ga ucu̱xẽruü̃gü, rü ãẽ̱xgacügü ga diẽrumaxã icua̱xgüxü̃, rü ãẽ̱xgacügü ga nachixü̃anearü mugümaxã icua̱xgüxü̃, rü togü ga ãẽ̱xgacügü ga wüxichigü ga ĩanewa yexmagüxü̃. Rü yema ãẽ̱xgacügü nixĩ ga naxca̱x nangemaxü̃ nawa ga norü ãxü̃chichiga ga yema naxchicüna̱xã ga ãẽ̱xgacü norü duü̃xü̃güxü̃ üxẽẽxü̃.