Ester 9:10 - Tupanaarü Ore

¹⁰ Rü guxü̃ma ga yemagü rü Amáü̃ ga Yudíugüarü uanü nanegü nixĩgü. Natürü nüma ga Yudíugü rü tama nanade ga yema Amáü̃ nanegüarü yemaxü̃gü. Rü nüma ga Amáü̃ rü Amedáta nane nixĩ.

Ester 9:10 Iomraidhean Croise

Naanearü ügüchiga 34:27

Rü yéma nangugü ta ga yema togü ga Acóbu nanegü. Rü naétüwa nachopetü ga yema yuexü̃, rü nanade ga guxü̃ma ga yemaxü̃gü ga guma ĩanewa yexmagüxü̃. Rü yemaacü nayangutanüxẽẽgü ga yema Dínaxü̃ ngupetüxü̃. Rü nayagagü ga guxü̃ma ga carnérugü rü wocagü rü búrugü ga guma ĩanewa rü yema naanewa yexmagüxü̃.

Ester 3:1

Rü yema ngupetüguwena rü nüma ga ãẽ̱xgacü ga Achuéru rü wüxi ga yatü ga Amáü̃xü̃ naxuneta nax norü ngü̃xẽẽruü̃gümaxã inacuáxü̃ca̱x. Rü yemaacü nawa nangu nax guxü̃ma ga yema naanemaxã inacuáxü̃ ga Amáü̃. Rü Achuéruxicatama nixĩ ga naétüwa yexmaxü̃. Rü nüma ga Amáü̃ rü Amedáta nane ga Agátanüxü̃ nixĩ.

Ester 3:13

Rü yema ãẽ̱xgacüarü orearü ngeruü̃gü rü inayanuetanü ga yema popera nagu ga guxü̃ma ga yema nachixü̃anegü ga ãẽ̱xgacü namaxã icuáxü̃. Rü yema poperawa rü nüxü̃ nixu rü ñanagürü: —Meama nai ya 12 ya tauemacü ya Adágu ãégacüarü 13 ya ngunexü̃gu rü tá nadai i guxü̃ma i Yudíugü i yatüxü̃ rü ngexü̃ rü ngextü̱xüxü̃gü rü paxü̃gü rü buxü̃gü. Rü guxü̃ma i ngẽma norü ngẽmaxü̃gü rü ngẽma nada̱i̱xü̃me̱xẽwa tá nachoü̃ —ñanagürü.

Ester 5:11

Rü yema namücügüpe̱xewa inanaxügü ga nügü nax yacua̱xüü̃xü̃. Rü nüxü̃ nixu nax ñuxãcü namuarü ngẽmaxü̃ã̱xü̃chixü̃ rü namuxacüxüchixü̃ rü ñuxãcü ãẽ̱xgacü nüxü̃ icua̱xüü̃xü̃ natanüwa ga yema norü ngü̃xẽẽruü̃gü, rü yemaca̱x yema togüétüwa nanaxǘxẽxẽ ga ãẽ̱xgacü.

Ester 7:4

Erü choma rü chautanüxü̃ rü marü toxü̃ naxüpane nax ngẽmaãcü toxü̃ nada̱i̱xü̃ca̱x ya guxãma. Rü ngẽxguma chi tomaxã nataxegügu nax togüarü puracütanüxü̃ tixĩgüxü̃ca̱x, rü choma rü chi taxṹ ñachagürümare, woo i ngẽma rü ta rü wüxi i chixexü̃ i taxü̃ nixĩ i cuxca̱x, Pa Ãẽ̱xgacüx —ngĩgürügü.

Ester 7:6

Rü ngĩma rü inangãxü̃ rü ngĩgürügü: —Ngẽma torü uanü i chixexü̃ tomaxã üxchaü̃xü̃ rü ñaa chixecümaxü̃ i Amáü̃ nixĩ —ngĩgürügü. Rü yexguma yemaxü̃ naxĩnügu ga Amáü̃ rü poraãcü norü muü̃maxã nanaxi̱xãchiãxẽ nape̱xewa ga ãẽ̱xgacü rü naxma̱xpe̱xewa.

Ester 8:11

Rü yema poperawa rü nüma ga ãẽ̱xgacü rü guxü̃ma ga Yudíugüna naxãga nax nügü nanutaque̱xegüxü̃ca̱x nax nügütama ínapoxü̃güxü̃ca̱x rü nadaiaxü̃ca̱x ga guxü̃ma ga duü̃xü̃gü ga guxchaxü̃ namaxã üxü̃ rü noxrüxü̃ yaxĩxẽẽgüãxü̃ca̱x ga yema naxca̱x íyaxüãchiü̃arü naanegü rü norü yemaxü̃gü.

Ester 9:11

Rü yexguma ãẽ̱xgacü ga Achuéru nüxü̃ cua̱xgu nax 500 ga Yudíugüarü uanügü nayuexü̃ ga ĩane ga Chúchawa, rü yematama ga ngunexü̃gu rü naxma̱x ga Itémaxã nüxü̃ nixu rü ñanagürü: —Yudíugü rü daa ĩane ya Chúchagu nanadai i 500 i norü uanügü. Rü ngẽxgumarüxü̃ ta nanadai i 10 i Amáü̃ nanegü. Rü ngẽmaétüwa tama nüxü̃ tacua̱x nax ñuxre nada̱i̱xü̃ i ngẽma togü i naanegü i choma namaxã ichacuáxü̃wa. ¿Rü ñu̱xma ta̱xacü i to i cunaxwa̱xexü̃ nax cuxca̱x chanaxüxü̃? ¡Rü choxna naxca̱x naca i ngẽma cuma cunaxwa̱xexü̃ rü choma tá cuxna chanaxã! —ñanagürü.

Wiyaegü 21:10

Rü ngẽxgumarüxü̃ ta ñoma i naanewa tá icuyanaxoxẽxẽ i naxacügü rü nataagü i ngẽma curü uanügü.

Ínachoxü̃xü̃chiga 17:16

Rü ñu̱xũchi ñanagürü: —Ngẽma Cori ya Tupanaarü wonera rü cho̱xme̱xwa nangẽxma. Rü nüma ya Cori ya Tupana rü guxü̃gutáma Amaréxtanüxü̃maxã rü nataagümaxã nügü nadai —ñanagürü.

Ínachoxü̃xü̃chiga 20:5

¡Rü taxũtáma ta̱xacürü naxchicüna̱xãpe̱xegu cucaxã́pü̱xü rü nüxü̃ quicua̱xüxü̃! Erü choma ya curü Cori ya Tupana ya poracü rü poraãcü cuxü̃ chinuxü̃, rü ngẽmaca̱x tümaarü chixexü̃ca̱x tá tüxü̃ chapoxcu ya yíxema chauxchi aixe, rü ñu̱xmata tümaxacügüwa, rü tümataagüwa chananguxẽxẽ i ngẽma poxcu.

Danié 6:24

Rü yemawena ga nüma ga ãẽ̱xgacü rü norü duü̃xü̃güxü̃ namu nax yéma nagagüãxü̃ca̱x ga yema yatügü ga Daniéxü̃ íxuaxü̃güxü̃. Rü wüxigu naxma̱xgümaxã rü naxacügümaxã leóü̃tanügu nanawocu. Rü taxũtáma mea nangucuyane rü nüma ga leóü̃gü rü marü naxca̱x nibuxmü, rü nüxna nayu̱xgu rü nagu nawagüe.

Romanos 12:17

Rü ngẽxguma texé chixexü̃ pexca̱x ínguxẽẽgu, ¡rü taxṹ i chixexü̃maxã pexütanüxü̃! Natürü name nixĩ i pegü peporaexẽxẽ nax mexü̃ pexügüxü̃ca̱x nape̱xewa i guxü̃ma i duü̃xü̃gü.

Filipenses 4:8

Rü ñu̱xma Pa Chauenexẽgüx, rü name nixĩ i nagu perüxĩnüe i guxü̃ma i ngẽma ore i aixcüma ixĩxü̃, rü guxü̃ma i ngẽma nacüma i taxucürüwama texé chixri nachiga idexaxü̃. Rü name nixĩ i nagu perüxĩnüe i guxü̃ma i ngẽma ore i aixcüma mea iwéxü̃, rü guxü̃ma i ngẽma Tupanape̱xewa mexü̃, rü guxü̃ma i nacümagü i duü̃xü̃gü namaxã taãẽxü̃, rü guxü̃ma i ngẽma nacümagü i duü̃xü̃gü mea nachiga idexagüxü̃. Rü ngẽmaãcü name nixĩ i nagu perüxĩnüe i guxü̃ma i ngẽma nacümagü i mexü̃ nax nüxü̃ icua̱xüü̃güxü̃.