Ester 8:7 - Tupanaarü Ore

⁷ Rü yexguma ga nüma ga ãẽ̱xgacü ga Achuéru rü naxma̱x ga Itémaxã rü Yudíu ga Maduquéumaxã nüxü̃ nixu rü ñanagürü: —Choma rü marü cuxna chanaxã, Pa Itéx, ya yima Amáü̃pata. Rü nüma ga Amáü̃ rü marü chanamu nax nawẽxnaxãgüaxü̃ca̱x yerü nanaxunagü nax guxãma i pemax i Yudíugü pexü̃ nadaixchaü̃xü̃.

Ester 8:7 Iomraidhean Croise

Édra 4:6

Rü yexguma gumá taunecü ga Achuéru nagu inaxügücü nax ãẽ̱xgacü yixĩxü̃ ga Pérchiaanewa rü yema uanügü rü wüxi ga popera ga chixri Yudáanecüã̱xgüchiga rü Yerucharéü̃cüã̱xgüchiga idexaxü̃ naxümatügü. Rü ñu̱xũchi yema popera rü ãẽ̱xgacü ga Achuéruxü̃tawa nanamugü.

Ester 7:10

Rü nüma ga ãẽ̱xgacüarü duü̃xü̃gü rü yema nümatama ga Amáü̃ Maduquéuca̱x naxüxü̃ ga wẽxnaxãchicagu nanawẽxnaxãgü. Rü yexguma narüngüxmü ga ãẽ̱xgacü.

Ester 7:9

Rü yexguma ga Arboná ga ãẽ̱xgacüarü ngü̃xẽẽruxü̃ ixĩxü̃ rü ñanagürü: —Pa Cori, Pa Ãẽ̱xgacüx, ñaa Amáü̃ rü duü̃xü̃güxü̃ nanaxüxẽxẽ i wüxi i wẽxnaxãchica i 22 metruarü ngãxü̃ i norü máchane nax ngẽmagu nawẽxnaxãxü̃ca̱x ya Maduquéu ga cuxü̃ ípoxü̃cü ga yexguma Bigatá rü Tére cuxü̃ ima̱xgüchaü̃gu. Rü ngẽma wẽxnaxãchica rü Amáü̃pataa̱xtüwa nangẽxma —ñanagürü ga Arboná. Rü nüma ga ãẽ̱xgacü rü nanangãxü̃, rü ñanagürü: —¡Ngẽmagu peyawẽxnaxã i Amáü̃! —ñanagürü.

Ester 8:1

Rü yematama ngunexü̃gu rü nüma ga ãẽ̱xgacü ga Achuéru rü naxma̱x ga Iténa nanaxãmare ga guma Amáü̃pata ga Yudíugümaxã rüxuanüxü̃. Rü nüma ga ãẽ̱xgacü rü Maduquéuca̱x nangema, rü yemaca̱x ãẽ̱xgacüxü̃tawa naxũ yerü ngĩma ga Ité rü nüxü̃ iyaxu nax ngĩnepü nane yixĩxü̃.

Ucu̱xẽgüchiga 13:22

Ngẽxguma nayu̱xgu ya yimá yatü ya mecümacü, rü nataagüarü tá nixĩ i norü ngẽmaxü̃gü. Natürü yimá yatü ya pecadugu maxü̃cüarü ngẽmaxü̃gü, rü nawena rü duü̃xü̃gü i mea maxẽxü̃arü tá nixĩ.

Gálatas 3:13

Natürü ga Cristu rü nawa tüxü̃ ínanguxü̃xẽxẽ ga yema mugü ga chixexü̃gu tüxü̃ yixẽẽxü̃. Rü nüma ga Cristu rü chixexü̃wa nügü nayexmaxẽxẽ ga yexguma curuchagu nayu̱xgu. Erü Tupanaarü ore i ümatüxü̃wa, rü ñanagürü: “Rü guxãma ya yíxema wüxi i naiwa tüxü̃ natuxẽẽgüãcüma yuxe, rü chixexü̃wa tangexma”, ñanagürü.