Ester 8:11 - Tupanaarü Ore

¹¹ Rü yema poperawa rü nüma ga ãẽ̱xgacü rü guxü̃ma ga Yudíugüna naxãga nax nügü nanutaque̱xegüxü̃ca̱x nax nügütama ínapoxü̃güxü̃ca̱x rü nadaiaxü̃ca̱x ga guxü̃ma ga duü̃xü̃gü ga guxchaxü̃ namaxã üxü̃ rü noxrüxü̃ yaxĩxẽẽgüãxü̃ca̱x ga yema naxca̱x íyaxüãchiü̃arü naanegü rü norü yemaxü̃gü.

Ester 8:11 Iomraidhean Croise

Ester 3:13

Rü yema ãẽ̱xgacüarü orearü ngeruü̃gü rü inayanuetanü ga yema popera nagu ga guxü̃ma ga yema nachixü̃anegü ga ãẽ̱xgacü namaxã icuáxü̃. Rü yema poperawa rü nüxü̃ nixu rü ñanagürü: —Meama nai ya 12 ya tauemacü ya Adágu ãégacüarü 13 ya ngunexü̃gu rü tá nadai i guxü̃ma i Yudíugü i yatüxü̃ rü ngexü̃ rü ngextü̱xüxü̃gü rü paxü̃gü rü buxü̃gü. Rü guxü̃ma i ngẽma norü ngẽmaxü̃gü rü ngẽma nada̱i̱xü̃me̱xẽwa tá nachoü̃ —ñanagürü.

Ester 9:18

Natürü ga yema Yudíugü ga ĩane ya Chúchawa yexmagüxü̃ rü naxĩtaque̱xe ga norü 13 rü 14 ga ngunexü̃gu. Rü norü 15 ga ngunexü̃gu narüngü̃gü rü napetaegü rü nataãẽgü.

Wiyaegü 137:8

Rü cumax, Pa Babiróniax, rü tá icuyarüxo. Rü tá nataãxẽ ya yimá cuxü̃ iyarüxoxẽẽcü naxca̱x ga yema tomaxã cuxüxü̃.

Wiyaegü 68:3

Natürü ngẽma mexü̃ ügüxü̃ rü tá nataãẽgü. Rü Tupanape̱xewa rü name nax poraãcü nataãẽgüxü̃.

Ichaía 10:6

Rü choma tá nixĩ i Achíriaanearü ãẽ̱xgacüxü̃ chamuxü̃ nax duü̃xü̃gü i chixexü̃gu maxẽxü̃ca̱x rü wüxi i nachixü̃ane i choxü̃ nuẽẽxü̃ca̱x íyagoõchixü̃ca̱x nax nüxü̃́ nangĩ́xü̃ca̱x rü nüxna napuxü̃ãxü̃ca̱x i norü ngẽmaxü̃gü rü nagu napugüexü̃ca̱x ñoma ĩanearü namagüwa ngẽxmaxü̃ i ãcharaxü̃gu napugüexü̃rüxü̃.

Echequié 39:10

Rü ngẽxguma i ngẽma Iraétanüxü̃ rü taxuca̱xtama norü üxüca̱x naxoegaãẽgü. Rü taxuca̱xtama naanegüwa rü naixnecüwa norü üxüwa naxĩ, erü guxü̃nema ya yima cuxnegü rü tá üxüwa nüxü̃́ name. Rü ngẽmaãcü i ngẽma Iraétanüxü̃ rü tá nüxí pexna nanapuxü̃ i perü ngẽmaxü̃gü yema pema norü yemaxü̃gü nüxna pepuxü̃xü̃rüxü̃. Rü choma ya Cori ya Tupana nixĩ i nüxü̃ chixuxü̃ i ngẽma, rü aixcüma tá ngẽmaãcü ningu’ ” —ñanagürü.