Ester 7:10 - Tupanaarü Ore

¹⁰ Rü nüma ga ãẽ̱xgacüarü duü̃xü̃gü rü yema nümatama ga Amáü̃ Maduquéuca̱x naxüxü̃ ga wẽxnaxãchicagu nanawẽxnaxãgü. Rü yexguma narüngüxmü ga ãẽ̱xgacü.

Ester 7:10 Iomraidhean Croise

Naanearü ügüchiga 40:22

Natürü ga yema paũarü üruü̃güarü ãẽ̱xgacü, rü nüma ga Faraóü̃ rü norü purichíagüxü̃ namu nax nawẽxnaxãgüaxü̃ca̱x yema Yúche nüxü̃ ixuxü̃rüxü̃.

Ester 2:1

Rü yexguma marü inangüxmüguwena ga nüma ga ãẽ̱xgacü ga Achuéru, rü ngĩxna nacua̱xãchi ga naxma̱x ga Báti, rü nagu narüxĩnü ga yema mu ga nüma naxümatüxü̃gagu nax tagutáma wena ngĩxü̃ nadauxü̃.

Ester 5:14

Rü yexguma ga naxma̱x rü namücügü rü ñanagürügü nüxü̃: —¡Ẽcü duü̃xü̃güxü̃ naxüxẽxẽ i wüxi i wẽxnaxãchica i 22 metru i norü máchane, rü moxü̃ pa̱xmama rü ãẽ̱xgacüna naca nax ngẽmagu nawẽxnaxãgüaxü̃ca̱x i Maduquéu! ¡Rü ñu̱xũchi ngẽmaãcü chibüwa naxũ namaxã ya ãẽ̱xgacü! Erü marü taxugutáma curüxĩnü i ngẽxguma —ñanagürügü. Rü yema ĩnü rü norü me nixĩ ga Amáü̃ rü yemaca̱x duü̃xü̃güxü̃ nanaxüxẽxẽ ga wüxi ga wẽxnaxãchica.

Ester 7:7

Rü nüma ga Achuéru rü norü numaxã nayuxnagü rü yéma nüxna niña ga yema ínachibüexü̃wa rü ãẽ̱xgacüpataa̱xtüwa naña. Rü nüma ga Amáü̃ ga marü nüxü̃ nax nacuáxü̃ nax ãẽ̱xgacü tá namaxã naxueguxü̃ nax yama̱xgüãxü̃, rü yoxni Itépe̱xegu nayangücuchi rü ngĩxü̃ naca̱a̱xü̃ nax naétüwa nachogüxü̃ nax tama ãẽ̱xgacü namaxã naxueguxü̃ca̱x nax yama̱xgüãxü̃.

Ester 7:8

Rü yexguma napataa̱xtüwa nataegu̱xgu ga ãẽ̱xgacü rü wena nixücu nawa ga yema ucapu ga nawa nachibüexü̃, rü nüxü̃ nadau ga Amáü̃ ga Itéxü̃tagu nangücuchixü̃ rü nugaãcü ñanagürü: —Chopexewatama ngĩmaxã cumáxchaü̃ i ñaa cho̱xma̱x nawa ya daa chopata —ñanagürü. Rü yexgumatama Amáü̃xü̃ nidüxchiwegü namaxã ga yema naxchiru ga duü̃xü̃ imáxchaü̃xü̃ namaxã natüchiwegüxü̃.

Ester 8:7

Rü yexguma ga nüma ga ãẽ̱xgacü ga Achuéru rü naxma̱x ga Itémaxã rü Yudíu ga Maduquéumaxã nüxü̃ nixu rü ñanagürü: —Choma rü marü cuxna chanaxã, Pa Itéx, ya yima Amáü̃pata. Rü nüma ga Amáü̃ rü marü chanamu nax nawẽxnaxãgüaxü̃ca̱x yerü nanaxunagü nax guxãma i pemax i Yudíugü pexü̃ nadaixchaü̃xü̃.

Ester 9:14

Rü yexguma nüma ga ãẽ̱xgacü ga Achuéru rü yema naxü. Rü Chúchawa nanaxunagü ga wüxi ga mu nax yemaacü naxügüãxü̃ca̱x. Rü yema 10 ga naxü̃negü ga Amáü̃ nanegü rü wẽxnaxãruü̃wa nanatugüxẽxẽ.

Ester 9:25

Natürü yexguma ngĩma ga Ité rü ãẽ̱xgacü ga Achuérumaxã nüxü̃ iyarüxu ga yema Amáü̃ nagu rüxĩnüxü̃ nax Yudíugüxü̃ nada̱i̱xü̃ca̱x, rü nüma ga ãẽ̱xgacü rü wüxi ga poperagu nanaxümatü nax Amáü̃xü̃ yama̱xgüxü̃ca̱x naxca̱x ga yema chixexü̃ ga nagu naxĩnüxü̃. Rü yemaacü Amáü̃xü̃ rü nanegüxü̃ nawẽxnaxãgü.

Yox 18:8

Rü nape̱xegu tá nanaxǘgü i wüxi i yüta, rü ngẽma yütagu tá nangu.

Yox 20:8

Rü ñoma wüxi i ta̱xacü i nagu ixãnegüxü̃ rüe̱xna chütacü ingõ̱xetügurüxü̃ tá inayarüxo, rü tagutáma wena texé ñuxgu nüxü̃ tadau.

Wiyaegü 37:15

Natürü ngẽma norü tara tátama nixĩ i norü maxü̃newa yarüwáxü̃, rü yima norü würagü rü íxraxü̃gu tá inabüe.

Wiyaegü 7:16

Rü ngẽma chixexü̃ i togueca̱x naxüxü̃ rü ngẽma máeta i nagu naxĩnüxü̃, rü nagu tátama nangu.

Wiyaegü 94:23

Rü nüma ya Cori rü tá nanadai i ngẽma chixexü̃gu maxẽxü̃ i duü̃xü̃gü nagagu i ngẽma chixexü̃ i naxügüxü̃. Rü tórü Tupana rü aixcümaxü̃chi tá nanadai i ngẽma duü̃xü̃gü.

Ucu̱xẽgüchiga 11:27

Yíxema mexü̃gu maxü̃́xẽ, rü duü̃xü̃gü rü tümamaxã nataãxẽ, natürü yíxema chixexü̃gu maxü̃́xẽ, rü tá nagu tangu i ngẽma chixexü̃ i taxüxü̃.

Ucu̱xẽgüchiga 11:8

Rü yíxema mexü̃gu rüxĩnüxe rü Tupana rü tüxü̃ ínanguxuchixẽxẽ nawa i guxchaxü̃gü. Natürü ngẽma chixexü̃gu rüxĩnüxü̃ rü guxchaxü̃ naxca̱x ínangu.

Ucu̱xẽgüchiga 26:27

Texé ya wüxi i ãxmaxü̃ ǘxe rü tüma tátama nagu tingucuchi. Rü texé ya nuta ya tacüxü̃ cuxnetaxe nax yadixixü̃ca̱x, rü yimá nuta rü tá tümaétüwa nadixi.

Yeremía 34:17

Rü ngẽmaca̱x i choma ya Cori ya Tupana rü ñachagürü: ‘Pema rü tama chauga pexĩnüe rü wena penayauxgü i ngẽma petanüxü̃ i mugüruü̃gü rü penapuracüexẽxẽ. Rü ngẽmaca̱x tá pexü̃ chapoxcue rü tá pexca̱x chayange̱x i ngẽma dai rü da̱xaweane rü taiya, nax ngẽma taxü̃ i chixexü̃ i pexü̃ ngupetüxü̃ rü wüxi i cua̱xruxü̃ yixĩxü̃ca̱x nape̱xewa i guxü̃ma i ngẽma togü i nachixü̃anegü i ñoma i naanewa ngẽxmagüxü̃. Rü choma ya Cori ya Tupana nixĩ i nüxü̃ chixuxü̃ i ngẽma’ ” —ñanagürü.

Echequié 5:13

Rü choma rü chorü numaxã tá chanapoxcue, rü ngẽxgumaxica tá nixĩ i charüngüxmüxü̃. Rü nawena nax chorü numaxã ngẽma duü̃xü̃güxü̃ chapoxcuxü̃, rü tá nüxü̃ nicua̱xãchitanü nax choma ya Cori ya Tupana chixĩxü̃ ga chorü numaxã namaxã chanaxueguxü̃ ga yema poxcu.

Danié 6:24

Rü yemawena ga nüma ga ãẽ̱xgacü rü norü duü̃xü̃güxü̃ namu nax yéma nagagüãxü̃ca̱x ga yema yatügü ga Daniéxü̃ íxuaxü̃güxü̃. Rü wüxigu naxma̱xgümaxã rü naxacügümaxã leóü̃tanügu nanawocu. Rü taxũtáma mea nangucuyane rü nüma ga leóü̃gü rü marü naxca̱x nibuxmü, rü nüxna nayu̱xgu rü nagu nawagüe.

Danié 6:25

Rü yexguma ga nüma ga ãẽ̱xgacü ga Daríu rü wüxi ga popera naxümatü naxca̱x ga guxü̃ma ga nachixü̃anecüã̱xgü rü ngẽma to ga nagawa idexagüxü̃ ga duü̃xü̃gü. Rü yema poperawa rü nüma ga ãẽ̱xgacü rü ñanagürü: —Chanaxwa̱xe nax petaãẽgüxü̃ rü mea pexü̃ nangupetüxü̃.

Chacaría 6:8

Rü yemawena rü nüma ga yema Tupanaarü orearü ngeruxü̃ i daxũcüã̱x rü choxü̃ ñanagürü: —Dücax, rü ngẽma cowarugü i ngẽma nachixü̃ane i nórtewa ngẽxmaxü̃waama ĩxü̃, rü ngéma naxĩ nax ngẽma nachixü̃anewa Tupanaxü̃ yanangüxmüxẽẽgüxü̃ca̱x —ñanagürü.

Ãẽ̱xgacügü ga guxchaxü̃güarü mexẽxẽruü̃gü 15:7

Rü yexguma ga nüma ga Chanchóü̃ rü Firitéugüxü̃ ñanagürü: —Ñu̱xma nax ngexü̃ pewagüxü̃ ngĩmaxã i cho̱xma̱x rü taxũtáma pemaxã icharüngüxmü. Rü yexeraãcü tá pemaxã chanu rü pexü̃ chadai naxca̱x i ngẽma cho̱xma̱xmaxã pexüxü̃ —ñanagürü.